Lajme nga vendi
Geer: Jemi të shqetësuar, në shumë raste të korrupsionit të lartë ka veprime që çojnë në vjetërsimin e lëndëve
![](https://tetovaexpres.com/wp-content/uploads/2023/05/1111-696x431-1.png)
I ndjekim me seriozitet dhe nga afër zhvillimet në drejtësi. Sundimi i ligjit është fundamentale për Bashkimin Evropian dhe nëse keni një gjyqësor të komprometuar, do të ndikojë në të ardhmen në përpjekjet për të konsoliduar demokracinë dhe për të ndërtuar një ekonomi të përparuar dhe të zhvilluar, tha mbrëmë në një intervistë për TV Sitel ambasadori evropian në vend, David Geer, transmeton Portalb.mk.
Ai nuk ka dashur të komentojë zhvillimet e fundit në Këshillin Gjyqësor me shkarkimin kontrovers të Vesna Damevës nga posti i kryetares, por ka theksuar se Këshilli është organ shumë i rëndësishëm.
“Nuk do të hyj në detajet e Këshillit Gjyqësor, nuk jam i njohur me diskutimet e tyre dhe nuk do të ishte e udhës të bëja një gjë të tillë, por do të thoja si vijon – Këshilli Gjyqësor është një organ shumë i rëndësishëm, përgjegjës për promovimin dhe mbrojtjen e pavarësisë, integritetit dhe profesionalizmin e gjyqtarëve dhe prandaj është e rëndësishme se çfarë bën, çfarë vendimesh merr dhe si sillet”, tha ambasadori evropian Geer.
Ai shtoi se është shumë e rëndësishme që mënyra se si funksionon Këshilli Gjyqësor të mos bëhet në asnjë moment objekt i ndërhyrjeve të jashtme politike apo interesave financiare, sepse nëse kjo ndodh, sipas Geer, atëherë do të cenohet pavarësia e gjyqtarëve dhe në fund do të ndikojë në drejtësi, në përgjithësi.
“Siç thashë, nuk do të spekuloj për zhvillimet konkrete në Këshillin Gjyqësor, kjo është diçka që ata duhet ta rregullojnë, por do të them se është shumë e rëndësishme që të gjithë anëtarët e Këshillit Gjyqësor të veprojnë gjithmonë me nivelin e nevojshëm të paanësisë dhe në interes dhe sigurimin e një gjyqësori të pavarur dhe profesional që vepron me integritet. Jo sepse e kërkon Bashkimi Evropian, por sepse është në interes të qytetarëve”, tha Geer.
E pyetur për gjendjen me Këshillin e Prokurorëve Publikë, i cili mori vendim që t’i drejtohet Këshillit Etik të Prokurorëve Publikë lidhur me qëndrimet e prokurores Lençe Ristovska, e cila publikisht kritikoi punën e Këshillit dhe tregoi se ka presione politike mbi këtë institucioni, Geer thotë se sfida është e njëjtë dhe se ata janë përgjegjës për promovimin dhe mbrojtjen e pavarësisë, profesionalizmit dhe integritetit të prokurorëve dhe ky, tha ai, është një rol jashtëzakonisht i rëndësishëm.
“Për rastin konkret që përmendët, nuk i di detajet, nuk dua të komentoj konkretisht, por dua të them se është shumë e rëndësishme nëse ka sinjalizues, që ata të mund të veprojnë pa frikë nga pasojat. Në të njëjtën kohë, sinjalizuesit duhet të mbajnë përgjegjësi”, tha ambasadori evropian.
Në lidhje me atë nëse vendi po ecën në drejtimin e duhur në reformat në drejtësi, siç e pret BE-ja, ai përsëriti se ata e monitorojnë nga afër situatën në raportet e rregullta për vendin dhe vlerësojnë se si mendojnë se po zhvillohen gjërat.
“Gjatë viteve kemi parë progres pozitiv. Por muajt e fundit, jemi të shqetësuar, kemi parë një numër në rritje rastesh, pothuajse si model sjelljeje, që nuk janë në përputhje me atë që do të prisnim nga një vend negociator. Çfarë dua të them me një vend negociator? Korrikun e kaluar ju hapët negociatat e anëtarësimit me BE-në dhe kjo do të thotë një marrëdhënie ndryshe me një nivel të lartë angazhimi. Dhe ne presim të shohim realizim në fushën e sundimit të ligjit në kuptimin pozitiv. Dhe çfarë dua të them konkretisht me shqetësim? Ai mbulon një gamë të gjerë çështjesh që ishin gjithashtu në fokus të publikut. Nuk do t’i komentoj konkretisht, por do të përmend fushat shqetësuese – kemi parë në shumë raste që përfshijnë korrupsion të nivelit të lartë disa përsëritje sjelljesh – me rikthimin e rigjykimeve dhe dënimeve, të cilat ndikojnë në parashkrimin e çështjeve. Ky është një shqetësim. Mund të ketë justifikime të forta për ato raste individuale, por praktika e përgjithshme e përsëritur është shqetësuese. Në të njëjtën kohë po shohim ngjarje në Këshillin Gjyqësor, me Prokurorinë për Krim të Organizuar dhe Korrupsion dhe të gjithë ata hapin pikëpyetje”, theksoi ambasadori evropian.
Ai shtoi se gjatë procesit të anëtarësimit të vendit në Union, “BE-ja do t’i shikojë këto çështje me shumë kujdes, me mikroskop, që nga dita e parë, deri në ditën e anëtarësimit dhe për këtë arsye të gjitha këto ngjarje janë monitoruar dhe prandaj shprehim shqetësimin për zhvillimet aktuale”.
Kujtojmë se dje dështoi edhe një tentativë tjetër për zgjedhjen e kryetarit të ri të Këshillit gjyqësor. Ndryshe nga hera e parë, këtu nuk pati asnjë tentativë për fillimin e seancës dhe as votim për ta ricaktuar atë për datë të re.
Në Këshillin Gjyqësor ka dy tabore. Disa ishin për shkarkimin e Damevës, të tjerë kundër.
Nëpër koloare po spekulohet se pasardhës i ish-kryetares do të jetë Sashko Georgiev. Por do të zgjidhet kur të arrihet marrëveshje mes anëtarëve në një mbledhje dhe më pas ta prezantojnë atë para publikut.
Shkarkimi i Damevës u prit me kritika.
Përndryshe, më 26 prill u shkarkua nga funksionini kryetarja e Këshillit Gjyqësor, Vesna Dameva. Zëvendësi i saj, Selim Ademi, i cili pas zënkave që kanë zgjatur disa orë dhe pasi Dameva refuzoi ta vendos në votim pikën e cila nuk ishte në rend dite, ai e hodhi propozimin në votim. Shtatë anëtarë e mbështetën zëvendësin, i cili e mori udhëheqjen e seancës në prani të saj.
Lajme nga vendi
Paraburgim për një 31 vjeçar nga Shkupi, dyshohet për tentim për përdhunim
![](https://tetovaexpres.com/wp-content/uploads/2024/09/paraburgim_Pritvor-780x470-1.jpg)
Prokuroria Themelore Publike (PTHP) Shkup ka lëshuar urdhër për zhvillimin e procedurës hetuese ndaj personit për të cilin ekziston dyshimi i bazuar se ka kryer vepër penale sulm seksual dhe dhunim nga neni 186 paragrafi 1 lidhur me nenin 19 (në tentativë ) të Kodit Penal.
“Më 5 shtator, 31-vjeçari ka sulmuar një grua në Kisella Vodë dhe në kundërshtim me vullnetin e saj të shprehur qartë, ka tentuar qëllimisht të kryejë akte seksuale ndaj saj. Viktima ka qenë duke ecur në drejtim të shtëpisë së saj dhe pasi ka kaluar në vendkalimin për këmbësorë në bulevardin “Boris Trajkovski” afër komunës Kisella Boda, i dyshuari e ka kapur me të dyja duart dhe ka tentuar ta tërheqë zvarrë në një rrugë anësore. Ai e shtyu dhe tentoi ta sulmonte seksualisht. Gruaja vazhdonte të bërtiste, të kërkonte ndihmë dhe përpiqej të çlirohej, ndërsa kur njerëzit filluan të mblidheshin, i dyshuari e la të ikte pa e arritur qëllimin e tij”, thuhet në njoftimin e lëshuar nga PTHP-ja.
Prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit për të dyshuarin, me të cilin ka deklaruar se ekziston rreziku që ai të ikë, të pengojë procedurën penale ose të përfundojë tentativën e veprës penale. Gjykata themelore penale e Shkupit e ka pranuar propozimin dhe të dyshuarit i është shqiptuar masa e paraburgimit në kohëzgjatje prej 30 ditësh.
Lajme nga vendi
Durmishi: Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve
![](https://tetovaexpres.com/wp-content/uploads/2024/09/thumbnail.jpg)
Ministria e Ekonomisë dhe Punës, në përputhje me përkushtimin e saj për mbrojtjen e të drejtave të konsumatorëve, shpalli sot thirrje publike për ndarjen e mjeteve financiare për realizimin e programeve dhe projekteve nga shoqatat e konsumatorëve në kuadër të Programit për mbrojtjen e konsumatorëve për vitin 2024. Mjetet financiare nga ky Program janë të dedikuara për realizimin e programeve dhe projekteve nga shoqatat e konsumatorëve. Përmes kësaj mbështetjeje financiare, Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve në vlerë prej 300.000,00 denarë deri në 500.000,00 denarë në përputhje me propozim programet (projektet) e dorëzuara për mbrojtjen e konsumatorëve deri në shterimin e mjeteve financiare të parashikuara për këtë thirrje, të organizatave joqeveritare për mbrojtjen e konsumatorëve për sigurimin e informacioneve dhe ndihmës për konsumatorët.Kjo iniciativë është pjesë e përpjekjeve tona të vazhdueshme për të përmirësuar cilësinë e jetës së të gjithë qytetarëve dhe për të forcuar mbrojtjen dhe të drejtat e tyre.Inkurajojmë të gjitha shoqatat e konsumatorëve që të shfrytëzojnë këtë mundësi dhe të aplikojnë për mbështetje financiare që do t’u mundësojë atyre të realizojnë projekte të rëndësishme për të mirën e konsumatorëve. Kjo thirrje është dëshmi e përkushtimit tonë për transparencë, drejtësi dhe gjithëpërfshirje në krijimin e politikave që përmirësojnë kushtet e jetesës së të gjithë qytetarëve.Më shumë informacione për kushtet e aplikimit, shumën e mjeteve financiare dhe afatin për dorëzimin e kërkesave mund të gjeni në ueb-faqen tonë www.economy.gov.mk.Sektori i Koordinimit të aktiviteteve të ministrit
Ju bëjmë thirrje të kontribuoni bashkërisht në forcimin e të drejtave të konsumatorëve në vendin tonë. Afati përfundimtar për dorëzimin e aplikimeve është jo më vonë se ora 16:00 më 20.09. të vitit 2024.Tv Koha
Lajme nga vendi
Gjendet një trup i pajetë brenda një hoteli në Tetovë
![](https://tetovaexpres.com/wp-content/uploads/2024/09/policia-mk-stop-780x439-1.webp)
Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.
“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve