BDI ka reaguar sërish në lidhje me takimin në mes kryeministrit Hristijan Mickoski dhe kryetarit të LSDM-së, Venko Filipçe. Nga BDI thonë se “si është e mundur që një takim liderësh për të ashtuquajturën “marrëveshje të re shoqërore” të mbahet mes partisë së parë dhe asaj të tretë në zgjedhje?”.

BDI gjithashtu pyet se “a do të thotë kjo se po vendoset një praktikë e re e modelimit njëetnik të shtetit, ku shqiptarët dhe komunitetet e tjera reduktohen në spektatorë?”.

“Pse në këtë takim nuk ishte i pranishëm asnjë përfaqësues i popullit shqiptar – as nga pozita, as nga opozita – nëse vërtet po diskutohet për të ardhmen e rendit shtetëror? A është ky një përpjekje për të ndërtuar një hierarki të re politike mbi bazë etnike, ku shqiptarët përjashtohen nga proceset thelbësore të vendimmarrjes? A është në këtë kuadër duke u diskutuar edhe mbrojtja e ndërsjellë nga përgjegjësia politike dhe ligjore – një lloj pakti joformal për mosndëshkim – për tragjedinë në Koçan, përballë tragjedisë së spitalit modular në Tetovë?”.

Koalicioni VLEN në një kumtesë për media thotë se “arsyeja kryesore pse Maqedonia e Veriut po përballet me tarifa më të larta nga SHBA-të nuk ka të bëjë vetëm me faktorë ekonomikë, por mbi të gjitha me prishjen e imazhit të shtetit në arenën ndërkombëtare”.

Nga VLEN theksojnë se “kjo prishje e imazhit është rezultat i drejtpërdrejtë i keqqeverisjes dhe skandaleve të ish-pushtetit, duke përfshirë edhe funksionarët e BDI-së, të cilët sot ndodhen në listën e zezë amerikane, që nuk janë të vetëm bashkë me ta janë edhe keqpërdërues nga kampi maqedonas”.

“Këta faqezinjë që sot janë bashkë në listën e zezë amerikane i ka bashkuar korrupsioni në bashkëpunimin për shkatërrimin e vendit. Amerika nuk i rrit tarifat pa arsye. Mesazhi i Uashingtonit është i qartë: korrupsioni dhe keqpërdorimi i pushtetit nuk mund të tolerohen më. Dhe kush janë ata që e kanë dëmtuar më shumë besimin e aleatëve perëndimorë në këtë shtet? Pikërisht ata që për dy dekada kanë keqpërdorur institucionet dhe sot fshihen pas retorikës boshe apo asaj me ancionalizëm pa sens”.

“Në vend që të pendohen për pasojat e veprimeve të tyre, ish funksionarët e BDI-së dhe të tjerët duhet t’i kërkojnë falje qytetarëve për dëmin e madh që i kanë shkaktuar. Maqedonia e Veriut ka nevojë për politika të reja, për një qasje serioze ndaj ekonomisë dhe për të rindërtuar marrëdhëniet me partnerët ndërkombëtarë – jo për hipokrizi nga ata që e kanë shkatërruar këtë vend”, thonë nga VLEN.

 Kampionati në Ligën e dytë republikane të futbollit vazhdon këtë fundjavë vazhdon me  ndeshjet e javës së 23-të të  sezonit  2024/2025, ku ka disa  takime mjaftë interesante epilogu i të cilave ndeshje mund të jetë vendimtare  për ekipet që luftojnë kreun e tabelës dhe për ekipet që luftojnë mbijetesën.

Arsimi i Çegranit që sigurt  rrugëton drejtë kreut të tabelës sidomos pas fitores në xhiron e kaluar  kundër Vardarskit në Radovish ka rritur  apetitet se deri në gjasat  për të kampionatit mund të ngjitet në tre pozitat e para. Çegranasit këtë duhet ta dëshmojnë në përballjen e nesërme kundër Osogovës si nikoqir  në Gostivar,  ku pritet edhe përkrahje  e madhe nga publiku vendas këtë e pohoi zëvendës trajneri Labinot Musliu

“Ekipi është i përgatitur, ekipin e kemi të kompletuar. Vimë pas një seria  shumë të mirë  pesë fitore radhazi dhe mbajmë bindjen se edhe nesër  do të  vazhdojmë këtë seri. Lojtarët janë shumë të përgatitur dhe  shumë të karrikuar për të marrë  edhe  fitoren e gjashtë radhazi  dhe për  të ndjekur  hapin me ekipet të cilat  luftojnë për Ligën e Parë. Dispiniomi në ekip është  shumë i lartë , si  ashtu  edhe  përgatitja  fizike dhe  ajo kondicional dhe përgatitemi për të korrur fitoren e radhës“ deklaroi zëvendës trajneri  Labinot Musliu