Connect with us

Lajme nga vendi

Kovaçevski: Medikamenti Trikafta pas votimit të ndryshimeve ligjore në Kuvend, i kapshëm për të gjithë pacientët të cilëve u nevojitet

Published

on

Medikamenti Trikafta të cilin tashmë e morën pacientët në gjendje më kritike, pas procedurës së zbatuar urgjente, pas votimit të ndryhsimeve ligjore të cilat janë në procedurë kuvendore shumë shpejtë do të mund të caktohen mjete financiare edhe për të gjithë pacientët e tjerë të cilët kanë nevojë nga ky medikament, deklaroi kryeministri, Dimitar Kovaçevski.

“Siguruam medikament në pajtim me analizat e Ministrisë së Shëndetësisë, para së gjithash Klinilës për sëmundje të fëmijëve dhe Klinikës për pulmologji. Furnizim urgjent para së gjithash për pacientët më kritik. Ata i identifikuan se janë tetë në gjendje më kritike. Dh është mirë që furnizuesi arriti ta sjellë medikamentin edhe para 30 ditëve të parapara, sa duhej të prodhohej medikamenti tek prodhuesi”, tha Kovaçevski nëp pyetjen e gazetarëve pas vizitës në një market në Kapishtec.

Lidhur me ndryshimet ligjore, nënvizoi se ato bëhen sepse bëhet fjalë për medikament i cili prodhohet nga ana e vetëm një prodhuesi, i cili e ka patentën, dhe se kjo është praktikë edhe tek shtetet në rrethinë.

“Shtetet dhe disa nga shtetet në rrethinën tonë në ligjet e veta parashikuan se kur bëhet fjalë për medikament të cilin e prodhon një prodhues Ministria e Shëndetësisë, Fondi për shëndetësi përmes ekipeve të veta profesionale drejtpërdrejtë e furnizon medikamentin, sepse nëse shkoni përmes ndërmjetësve, atëherë çmimi i medikamentit vetëm rritet, bëni procedurë tenderi për diçka që e ofron vetëm një prodhues. Dhe për atë shkak janë përgatitur ato ndryshime, i përgatitën profesorë nga Fakulteti i Mjekësisë së bashku me kolegë nga Fondi për shëndetësi dhe Ministria e Shëndetësisë dhe janë para deputetëve në Kuvend. Unë jam i sigurt se atë do ta votojnë dhe në bazë të asaj Ministria dhe Fondi do të mund të hyjnë në negociata për furnizim të medikamentit për të gjithë pacientët, cila listë e pacientëve merret nga ana e klinikave të cilat kujdesen për shëndetin e atyre pacientëve dhe në bazë të analizave të cilat ata i bëjnë , e dinë saktësisht se për cilët pacientë kur, çfarë terapie duhet t’u jepet”, theksoi kryeministri Kovaçevski.

Ai potencoi se është mirë që edhe gjatë furnizimit të parë që është bërë, është arritur çmim i cili është më i ulët nga ai që ishte planifikuar fillimisht, kështu që përveç tetëve të cilët janë më kritik tashmë mund të merret edhe për katër pacientë të tjerë.

Advertisement

Kovaçevski informoi se tashmë është parë me anëtarët e Asociacionit pë fibrozë cistike, me disa nga prindërit e fëmijëve të cilët shprehën falënderim që për një kohë aq të shkurtë është siguruar medikamenti për këta pacientë ndërsa për një kohë të shkurtë edhe për të tjerët.

Advertisement

Lajme nga vendi

Fetai: Një hap më afër drejt transparencës në menaxhimin me pronën shtetërore

Published

on

Qeveria e Maqedonisë së Veriut miratoi dje kërkesën e Kabinetit të Zëvendëskryeministrit të ngarkuar për politika të qeverisjes së mire, Arben Fetai për zgjerimin e grupit të punës që do të hartojë Planin e Veprimit për zbatimin e rekomandimeve të Raportit final të Revizorit shtetëror mbi menaxhimin e pronës shtetërore.

“Ky është një hap i rëndësishëm drejt krijimit të një sistemi efikas, të drejtë dhe të përgjegjshëm të menaxhimit të pasurisë publike, si dhe në parandalimin e keqpërdorimeve dhe mungesës së transparencës që kanë ndodhur në të kaluarën, thekson zëvendëskryeministri Fetai.

Grupi i punës, i udhëhequr nga Kabineti i Zëvendëskryeministrit, do të përfshijë përfaqësues nga institucionet kyçe shtetërore: Shërbimi i punëve të përgjithshme dhe të përbashkëta të Qeverisë, Ndërmarrja Publike për ndërtimin dhe administrimin e hapësirave banesore dhe afariste (Sh.A. – Shkup), Ndërmarrja Publike për administrimin e hapësirave afariste në pronësi shtetërore (Sh.A. – Shkup), Agjencia për Kadastrën e Pasurive të Paluajtshme, Ministria e Financave, Sekretariati i Përgjithshëm i Qeverisë dhe Komisioni për Çështje Banesore.

Për herë të parë në historinë e vendit, po përgaditet edhe Regjistri Kombëtar i Pronës Shtetërore, një nismë e udhëhequr nga Kabineti i Zëvendëskryeministrit Fetai dhe bazuar në praktikat më të mira evropiane, me qëllim të eliminimit të rrezikut të korrupsionit dhe keqpërdorimeve në këtë sektor të ndjeshëm.

“Ky është një moment kyç për të ndërtuar një sistem modern të menaxhimit të burimeve shtetërore, ku transparenca dhe llogaridhënia janë parimet udhëheqëse,”  vlerëson Fetai.

Advertisement
Continue Reading

Lajme nga vendi

Mexhiti: 229 milionë denarë për projekte ekologjike, ftoj të gjithë qytetarët të aplikojnë!

Published

on

Zëvëndëskryeministri i parë dhe ministri i Mjedisit, Izet Mexhiti, sot ka njoftuar për shpalljen e Konkursit publik për ndarjen e mjeteve nga Programi për Investime në Mjedis për vitin 2025.

“Me këtë program synojmë të financojmë projekte që ndikojnë drejtpërdrejt në përmirësimin e mjedisit; ujë të pastër, tokë të shëndetshme, biodiversitet të mbrojtur dhe vetëdije më të lartë publike. Kemi ndarë gjithsej 229 milionë denarë, të cilat do të shpërndahen për kanalizime dhe pastrim të ujërave të zeza; për ujësjellës; për projekte kërkimore e arsimore; si dhe për edukim dhe vetëdijesim mjedisor”, ka shkruar ministri Mexhiti.

Ai tutje në këtë njoftim ka ftuar të gjithë qytetarët e gjitha kategorive që të aplikojnë dhe ka veçuar kriteret të cilat do të kenë përparësi.

“Ftoj të gjitha komunat, OJQ-të, institucionet arsimore dhe shkencore, si dhe çdo individ apo organizatë që ka ide dhe vullnet të kontribuojë, që të aplikojnë. Këtë vit i japim rëndësi të veçantë zgjidhjeve inovative, ndaj ftoj veçanërisht kompanitë startup dhe IT që të sjellin ide të reja për një mjedis më të mirë. Afati është 3 javë nga dita e sotme dhe formularët janë të disponueshëm në faqen e Ministrisë”, ka përfunduar ministri Mexhiti.

Continue Reading

Lajme nga vendi

Çair, hidhet koktej molotovi për të djegur një kazino

Published

on

Më 8 prill, në orën 03:31, në SPB Shkup është raportuar nga një kazino në rajonin e Çairit se dy persona kishin hedhur një shishe me lëng të ndezshëm para hyrjes së kazinosë. Punonjësit e sigurimit e kanë shuar zjarrin.

Nuk ka persona të lënduar.

Po merren masa për zbardhjen e rastit.

Continue Reading

Më të lexuarat