Lajme nga vendi
Në Kodër të Diellit më ftohtë -2 gradë, më shumë shi në Tetovë
Në mëngjesin e sotëm temperaturë prej -2 gradë është matur në Kodër të Dielli. Pasojnë me -1 Llazaropole, 0 në Hanet e Mavrovës dhe Krushevë, 1 në Berovë, 2 Kriva Pallankë dhe Pretor, 3 Prilep dhe Ohër, 4 Shkup-Petrovec, Shkup-Zajçev Rid, Strumicë, Tetovë dhe Dibër, 5 Manastir, Gjevgjeli, Vinicë, 6 Kumanovë, Dojran dhe 8 gradë në Demir Kapi dhe Shtip.
Më së shumti reshje shiu për 24 orët e fundit deri në orën 7 është regjistruar në Tetovë, 8 litra për m2, pastaj 7 Hanet e Mavrovës, 5 Kodër të Diellit, Krushevë, 4 Pozharanë, Pretor, Dibër, 3 Shkup-Zajçev Rid dhe 2 litra për m2 Llazaropole.
Në Kodër të Diellit në orën 7 shtresa e borës ka qenë 6 centimetra, 3 centimetra në Krushevë dhe 1 centimetër në Llazaropole dhe Hanet e Mavrovës.
Moti sot është kryesisht me vranësira dhe më i freskët me reshje të kohëpaskohshme shiu, ndërsa në zonat malore me borë. Reshjet do të jenë më të rrëmbyeshme në pjesët perëndimore. Gjatë ditës do të fryjë erë e lehtë deri mesatare nga drejtimi juglindor. Nga fundi i ditës dhe gjatë natës për shkak të depërtimit të një mase ajrore më të ftohtë me erë të fortë veriore, reshjet do të kalojnë në borë në vendet më të larta, sidomos në pjesët perëndimore. Në zonat malore do të krijohet shtresë e re bore, ndërsa në shtresë më të vogël edhe në disa vende më të larta. Temperatura maksimale do të ljetë në interval nga 6 deri në 12 gradë.
Në Shkup moti do të jetë me vranësira me reshje të përkohshme të shiut. Do të fryjë erë e lehtë deri mesatare nga drejtimi juglindor, e cila në mbrëmje do të përforcohet dhe do ta ndryshojë drejtimin në atë verior. Temperatura maksimale do të arrijë në 9 gradë.
Lajme nga vendi
KSHZ-së deri orën 13:00 pjesëmarrja në zgjedhjet presidenciale është 22.63%, ndërsa për zgjedhjet parlamentare 25.64%,
Sipas të dhënave të KSHZ-së deri orën 13:00 pjesëmarrja në zgjedhjet presidenciale është 22.63%, ndërsa për zgjedhjet parlamentare 25.64%
Për zgjedhjet presidencial jehonë më të madhe ka Kriva Pallankë me 46.44%, ndërsa jehonë më të vogël ka në Vrapçisht me 5.38%.
Për zgjedhjet presidenciale janë regjistruar 1.814.317 votues, ndërsa për zgjedhjet parlamentare ky numër është 1.815.350 votues.
Lajme nga vendi
KSHZ-ja raportoi që deri në ora 13:00 janë regjistruar 313 kundërshtime për parregullsi zgjedhore në RMV
Në Komisionin Shtetëror Zgjedhor janë regjistruar qindra parregullsi zgjedhore në procesin e zgjedhjeve presidenciale dhe parlamentare.
“Deri në këtë moment në KSHZ janë dorëzuar gjithsej 313 kundërshtime për mbrojtjen e të drejtës zgjedhore. Prej tyre, 105 kundërshtime janë miratuar dhe zgjedhësve u është mundësuar ta realizojnë të drejtën e tyre të votës”, raportoi KSHZ-ja.
Komisioni theksoi që 9 kundërshtime janë hedhur poshtë si të parregullta, ndërsa 40 janë refuzuar, derisa tjerat janë në përpunim.
“Aktiv është edhe numri i telefonit pa pagesë 0800 555 44, ku qytetarët e interesuar mund të bëjnë pyetje apo të denoncojnë parregullsitë në Komisionin Shtetëror të Zgjedhjeve”, raportoi Komisioni.
Ndryshe, në zgjedhjet parlamentare, deri në orën 13:00 kanë votuar 312 070 votues, gjegjësisht 25.84 %. Për krahasim, në zgjedhjet parlamentare të vitit 2020, deri në këtë orë kanë votuar 432.026 votues, gjegjësisht 23.81 %. Dallimi në krahasim me zgjedhjet e 2020 është 2.03% më shumë votues , transmeton Portalb.mk .
Një incident në ditën e zgjedhjeve ka ndodhur në fshatin Radushë të Shkupit. Veturës së një vëzhguesi të procesit zgjedhor i janë shpuar gomat, raporton Faktor, përcjell TV21.
Vëzhguesi ishte nga një parti politike dhe raportoi se dikush i kishte shpuar gomat. Anëtarët e partisë thanë se e njohin organizatorin e incidentit.
Vëzhguesit nuk lejohen të hyjnë në qendrat e votimit. Thonë se i kanë sharë dhe fyer. Ngjarja është raportuar në KSHZ dhe polici.
KSHZ-së deri orën 13:00 pjesëmarrja në zgjedhjet presidenciale është 22.63%, ndërsa për zgjedhjet parlamentare 25.64%,
KSHZ-ja raportoi që deri në ora 13:00 janë regjistruar 313 kundërshtime për parregullsi zgjedhore në RMV
Në Radushë i shpohen gomat automjetit të vëzhguesit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve