Në ditën e dytë të zgjedhjeve presidenciale dhe parlamentare, numri i zgjedhësve të drejtuar për të shprehur votën është 1.814.317 për zgjedhjet presidenciale dhe 1.815.350 për zgjedhjet parlamentare. Diferenca në numrin e votave është 1033, e cila shpjegohet kryesisht nga moshat e avancuara të disa qytetarëve.

Në zgjedhjet presidenciale, 1.713.758 zgjedhës janë të regjistruar për të votuar në qendrat e votimit në vend, ndërsa 2.569 zgjedhës janë të regjistruar për votim në përfaqësitë diplomatike dhe konsullore. Përveç kësaj, 2.147 persona janë regjistruar për votim në burgje ose në paraburgim, ndërsa 534 të tjerë janë në ambientet e përkujdesjes jashtë familjes. Gjithashtu, dy persona të zhvendosur brenda vendit janë të regjistruar për votim.

Në zgjedhjet parlamentare, 1.716.664 zgjedhës janë të regjistruar për të votuar në qendrat e votimit në vend, ndërsa 96.010 persona janë të regjistruar për votim si punëtorë të përkohshëm ose të jashtë vendit. Në diasporë, nuk është regjistruar një numër i mjaftueshëm i qytetarëve për të organizuar votimin.

closevolume_off
Para ditës së zgjedhjeve, 2140 të sëmurë, të pafuqishëm, të burgosur dhe personat në institucionet e kujdesit jashtë familjes kanë paraqitur kërkesat për të votuar.

Votimi do të zhvillohet në 3480 qendra votimi në të gjithë vendin. Në raundin e parë të zgjedhjeve, në 120 qendra votimi, ishin më pak se dhjetë zgjedhës të cilët janë drejtuar për të votuar në qendrën më të afërt të votimit.

Advertisement

Kaltrina Beqiri, kandidate për deputete e Koalicionit VLEN në nj.z. 6, në deklaratë për Euronews Albania tha se më 8 maj ka ardhur koha që qytetarët ta ndëshkojnë sistemin e egër të cilin me vite e ushtron BDI, e për momentin Fronti Europian. Beqiri theksoi se Front Europian, për shkak të frikës nga humbja, përpiqet që përmes strukturave të policisë të bëjë presion ndaj qytetarëve për të votuar për Frontin e udhëhequr nga BDI.

“Koalicioni VLEN duhet të votohet kësaj radhe që të ndëshshkohet dhe të mos lejohet pasurimi i familjarëve të kryesis së BDI-së, qarkullon në rrjetet sociale dhe e dimë se ka arritur shuma e pasurimit të failjarëve të kryesisë së BDI-së, kjo duhet të ndalohet rreptësisht dhe të dalim njeherë e përgjithsmon nga Epidemia e korrupsionit e cila për moementin i ka rrënjët mjaftë të thella në republikën e Maqedonisë së Veriut”, deklaroi kandidatja për deputete Beqiri.

Ajo theksoi se VLEN mban llogari edhe për përfaqësimin dhe avancimin e plotë të gruas në politikë, qoftë në Kuvend por edhe në ekzekutiv.

“Përfaqësimi i Gruas në Koalicionin VLEN është i denjë dhe me kuadro të dëshmuar. Ne do të ndryshojmë vlerësimin e gruas në Kuvend. Ajo jo vetëm të shihet si numër statistikor, ose normë ligjore, por të jetë edhe pjesë e vendimmarrjeve, të jetë pjesë e propozim ligjeve, që zëri i saj të jetë i fuqishëm në Kuvendin e Maqedonisë së Veriur e jo të qëndrojë vetëm si numër për të plotësuar statistikat, ose si numër në hije”, theksoi mes tjerash, kandidatja për deputete nga VLEN, Kaltrina Beqiri.

Rruga Tetovë-Prizren patjetër që do të jetë prioritet i qeverisjes së VLEN, tha kryetari i Lëvizjes BESA, Bilall Kasami, në intervistën për Euronews Albania.

“Patjetër që do të jetë prioritet dhe kjo nuk është vetëm deklarative por është edhe me vepra. Nga pozicioni i kryetarit të Komunës së Tetovës e din opinioni që bashkë me kryeministrin e Kosovës bëmë një vizitë në malësinë e Sharrit që duhet të kalojë edhe aksi rrugor Tetovë-Prizren, si rezultat i të cilës ne mund të them që detyruam Qeverinë e RMV-së të nënshkruaj marrëveshje me Qeverinë e Kosovës.Sipas informatave diku gjashtë muaj ajo marrëveshje kishte qendruar në sirtarët e Qeverisë së Maqedonisë në Shkup. Më pas Qeveria u deyrua që të shpallin tenderin për përpilimin e projektit të tunelit që do lidh Tetovën me Prizrenin, një tunel diku mbi 6 kilometra”, tha Kasami.
Kreu i BESËS, njëherit eshe bartës i listës pë njësinë e zgjedhore numër 6 ka garantuar shqiptarët se në mandatin e parë do ta përmbyllin përfundimisht edhe autostradën nga Shkupi deri në Bllacë sepse kjo Qeveri nuk arriti të ndërtojë as 2 kilometra e nga ana tjetër Kosova ndërtoi autostradën 60 kilometërshe.