Lajme nga vendi
Plani “zjarr” i Zoran Zaevit që rrezikon ta ndryshojë lojën politike në Maqedoninë e Veriut dhe t’i defaktorizojë krejtësisht shqiptarët
Lirim Mehmetaj – AlbanianPost
Si një lider i moderuar dhe në një stil aspak të zakonshëm për një politikan ballkanik, Zoran Zaev, me 31 tetor të vitit 2021 pati dhënë dorëheqje nga pozita e kryeministrit të Maqedonisë së Veriut dhe nga ajo e kryetarit të partisë LSDM, pasi pësoi disfatë në zgjedhjet lokale nga kundërshtari kryesor VMRO-DPMNE-ja.
Por, perdja prej të moderuari Zaev-it nuk i ka zgjatur më shumë se një vit.
Ai është rikthyer me një marifet “zjarri” në prapaskenë që rrezikon të shkaktojë turbulenca politike të atilla që mund ta kthejnë Maqedoninë e Veriut dekada mbrapa.
Zaev ka në plan të kthehet në pushtet, të rrëzojë pasardhësin e tij në parti dhe aktualisht kryeministër, Dimitar Kovaçevskin; të bëjë aleancë me kundërshtarin kryesor, liderin e VMRO-DPMNE-së Hristijan Mickoskin; ta eliminojë politikisht Ali Ahmetin dhe BDI-në e tij dhe ta afrojë formalisht në pushtet një parti margjinale si Lëvizja BESA për të krijuar iluzionin e bashkëpunimit ndër-etnik.
Të gjitha këto për të shpëtuar kokën, pas ofensivës së shpallur amerikane kundër korrupsionit, e përcjellur përmes ambasadores në Shkup, Angela Aggeler.
Ajo e ka bërë të ditur qysh nga emërimi se misioni në kryeqytetin maqedonaso-verior është lufta e pakompromis kundër korrupsionit “i cili ekziston në kaq shumë forma në Maqedoninë e Veriut”.
Kjo luftë kundër-korrupsion godet direkt Zoran Zaevin dhe lidhjet e tij korruptive, prandaj ai betejën e rikthimit e ka nisur.
Pozita e shqiptarëve është kolateral i pashmangshëm në këtë plan të Zaev-it për t’u rifaktorizuar.
Fuqizimi i serishëm i tij nënkupton tjetërsim të faktorit shqiptar atje.
Çfarë konkretisht po ndodh?
Gjithçka filloi kur Zaev zbuloi se jeta jashtë funksioneve politike brenda një viti ia ka pamundësuar kontrollin e levave të fuqisë. Këtë e kuptoi kur e pati të pamundur ta diktojë përzgjedhjen e drejtuesit të ri të Prokurorisë për Luftimin e Krimit të Organizuar dhe Korrupsionit.
Me ndikimin amerikan, koalicioni qeverisës LSDM-BDI mundësuan zgjedhjen e Islam Abazit si udhëheqës i këtij institucioni.
Abazi ishte shqiptari i parë që merrte këtë post, pozitë e rezervuar ekskluzivisht për maqedonasit më parë.
Ndryshimi erdhi pas shkarkimit të ish shefes, Vilma Ruskovska, dhe votimit nga prokurorët e Maqedonisë së Veriut, të cilët i dhanë besimin shqiptarit nga Kërçova.
Zaev, nga sfondi, do dështonte sërish të influenconte një tjetër post të rëndësishëm, atë të shefit të Agjencisë për Siguri Kombëtare, që është agjencia kryesore e inteligjencës në Maqedoninë e Veriut. Në këtë pozitë u vendos Zarko Milloshevski.
Për shkak se pritet hetim në struktura politike e shtetërore dhe me trysninë amerikan po kërkohet ndëshukueshmëria e korrupsionit, Zaev donte të kishte në këto pozita kyçe vartësit e tij.
Situata e re bëri që edhe ish-kryeministri të vinte me një plan të ri.
Burime të Albanian Post të mirënjohura me situatën thonë se Zaev planin ia prezantojë fillimisht Kovaçevskit. Në një takim me 21 dhjetor në selinë e LSDM-së, Zaev i kishte thënë Kovaçevskit se “duhet ta shpërbëjë qeverinë dhe të mbahen urgjentisht zgjedhjet e parakohshme parlamentare”.
Pas zgjedhjeve – e pandodhur më parë – “LSDM-ja duhet të bëjë koalicion me rivalin e përjetshëm VMRO-DPMNE-në”.
Ata bashkërisht do të udhëheqin me Maqedoninë e Veriut dhe posti i kryeministrit do të përcaktohej nga fituesi i zgjedhjeve. Varësisht cila parti del e parë do të ketë edhe të drejtën e caktimit të mandatarit.
Hapi i dytë është “eliminimi i BDI-së dhe Ali Ahmetit nga Qeveria”, thonë burimet e Albanian Post brenda LSDM-së, t’i ketë thënë Zaev Kovaçevsk-it.
Veç Ahmetit, plani përmbante edhe “eliminimin politik të presidentit aktual Stevo Pendarovski”.
Sipas formulës të prezantuar nga Zaev, presidenti do të zgjidhet në mes të dy partive maqedonase. Varësisht se cila merr mandatarin për kryeministër, tjetra do ta zotërojë presidencën. Nëse presidenti do t’i takonte LSDM-së, atëherë me shumë gjasë, vetë Zoran Zaev do ta okuponte atë pozitë.
Por, plani i Zaev kishte një të panjohur – çfarë do t’i bënte rivalët e përbetuar të bashkohen me LSDM-në, sidomos nëse janë ata që fitojnë zgjedhjet?
Albanian Post nga burime brenda partive politike maqedonase kupton se Zaev ka pasur edhe një takim sekret me liderin aktual të VMRNO-DPMNE-së, Hristijan Mickoski.
Zaev duke përdorur kartën identitare ka bindur Mickoski-in për bashkëpunim politik në kurriz të marigjianlizimit të shqiptarëve në politikën maqedonase.
Duke ditur se mos-përfshirja e shqiptarëve në qeveri është e pamundur, Zaev kishte propozuar një parti periferike si Lëvizja BESA që aktualisht ka vetëm tri ulëse në Kuvendin e Maqedonisë që të përfshihet formalisht në ekzekutiv.
Por, për këtë propozim të Zaev-it për “koalicionin e madh” LSDM-ja ishte konsultuar me ndërkombëtarët, veçanërisht amerikanët. Burime ndërkombëtare të Albanian Post tregojnë se amerikanët janë shfaqur kategorikisht kundër “koalicionit të madh” dhe pamundësimit të shqiptarëve të jenë lojtarë kyçë në dinamikat politike në Maqedoninë Veriore.
Sipas të njëjtit burim, amerikanët i konsiderojnë shqiptarët në Maqedoninë Veriore si “aleatë dhe shumë luajalë”.
Kryeministri aktual Dimitar Kovaçevski i ka treguar Zaevit në takimin e 21 dhjetorit për pamundësinë e realizimit të planit të tij, pasi “amerikanët nuk mbështesin manovra të tilla të rrezikshme politike”.
Zaev më pas ka kërcënuar me rrëzim të qeverisë dhe realizim të manovrës, por tash pa Kovaçevskin brenda.
Pse Zaev mund ta rrëzojë qeverinë e Kovaçevskit?
Sepse Kovaçevski ka një qeveri të pakicës të votuar me vetëm 62 vota nga 120 sa janë gjithsejtë deputetë në kuvendin maqedonas dhe sepse janë disa deputetë të pozitës, përfshirë nga vetë BDI, që mund të votojnë për rrëzimin e tij bashkë me opozitën që udhëhiqet nga VMRNO-DPMNE.
Një grup brenda BDI-së, i përbërë nga deputetët Izet Mexhiti e Merita Kollci-Koxhaxhiku, bashkë edhe me figura të rëndësishme të BDI-së si ish-zëvendës-kryeministri, Musa Xhaferi, zëvendës-ministri i Mbrojtjes, Bashkim Hasani, dhe kryetarë komunash, Visar Ganiu e Blerim Bexheti, prej kohësh i kanë bërë publike pakënaqësitë e tyre me partinë dhe veçanërisht me zëvendës-kryeministrin aktual, Artan Grubin.
Joshja e tyre në drejtim të kundërt, do të mundësonte rrëzimin e qeverisë aktuale. Burimet e Albanian Post brenda VMRNO-DPMNE thonë se tashmë kjo është punë e kryer.
“Zaev i ka treguar liderit të VMRNO-DPMNE-së, Hristijan Mickoski, se ai i kontrollon të pakënaqurit e BDI-së”, thonë burimet e AP-së.
Kjo është edhe arsyeja përse Mickoski kishte deklaruar publikisht se mund ta rrëzojë qeverinë me grupin e BDI-së.
Çfarë do të thotë për shqiptarët në Maqedoninë Veriore suksesi i planit të Zaevit?
Defaktorizimi më i madh qysh nga paslufta në Maqedoni.
Eliminimi i forcave reale politike shqiptare në Maqedoni, siç është Bashkimi Demokratik për Integrim me 15 deputetë dhe i Aleancës për Shqiptarët me tetë deputetë, i lë shqiptarët praktikisht jo vetëm jashtë ekzekutivit – ku aktualisht gëzojnë edhe postin e dytë më të rëndësishëm – por realisht edhe pa fuqi fare, përveç opozitës brenda parlamentit.
Formalisht një partie të vogël si Lëvizja BESA me dy deputetë do t’i mundësohet pjesëmarrje në qeveri, por pa kurrfarë fuqie praktike për të bërë presion në vendosje të agjendave, siç aktualisht kanë potencialin dy partitë shqiptare që e kontrollojnë stabilitetin politik në Maqedoni.
Shqiptarët asnjëherë nuk kanë pasur pushtet më proporcional sesa aktualisht në qeverinë maqedonase. Qeveria e Kovaçevskit nga 21 anëtarë; gjashtë ka nga Bashkimi Demokratik për Integrim dhe tre nga partia Alternativa. Gjithsejtë, 11 anëtarë të Qeverisë janë maqedonas, ndërsa 10 shqiptarë. /Albanianpost.com
Atmosfere Me një ceremoni solemne sot filloi zyrtarisht sezoni i skijimit në Qendrën e Skijimit “Kodra e Diellit”.Koha e mirë dhe sasia e mjaftueshme e borës, kanë bërë që hapja solemne e sezonit të skijimit të tërheq shumë vizitorë gjatë ditës së sotme. Tradicionalisht, dita e parë e skijimit është ditë promovuese dhe ski-biletat janë falas për të gjithë vizitorët.Autoritetet e Kodrës së Diellit kanë bërë të ditur se gjatë periudhës së kaluar janë bërë një sërë përgatitje që ky fillim i sezonit të fillojë pa probleme dhe skijatorëve t`ju mundësohet sa më shumë kushte të favorshme dhe shtigje të sigurta.Poashtu është vënë në funksion edhe hotel Sllavija, njoftuan nga Kodra e Diellit.Deklarata Abdulgani AlijiNga ana tjetër sot komuna e Tetovës i njofton të gjithë qytetarët dhe turistët të cilët dëshirojnë të vizitojnë Kodrën e Diellit, se nga kjo fundjavë do të fillojë me funksionimin linja e rregullt për transport publik në drejtimin “Tetovë – Kodra e Diellit”.Kjo linjë do të jetë funksionale çdo të shtunë dhe të dielë. Kjo linjë dukshëm do të ndikojë jo vetëm në rritjen e numrit të turistëve, por edhe në lehtësimin e komunikacionit në këtë kas rrugor. Transporti i udhëtarëve do të bëhet me autobusët e Ndërmarrjes Publike “Tetova Transport” – Tetovë duke u lehtësuar udhëtimin qytetarëve drejt kësaj qendre turistike. Nga Tetova drejt Kodrës së Diellit autobusët do të nisen në ora 08:00, 10:00, 12:00 dhe 15:30, ndërsa kthehet në qytet një orë më vonë nga këto termine.Eventualish nëse do të ketë kaos në trafik autobusët do të ndalen tek vendi i quajtur “Guri i Sidollit”, prej ku drejtoria e Qendrës Turistike Dimërore “Kodra e Diellit” do të bëjë transportin me furgonë deri tek destinacioni final.TV KOHA
Rektori i Universitetit të Tetovës Prof. Dr. Jusuf Zejneli bashkë me Kryetarin e Parlamentit Studentor Ladon Murseli dhe me një grup studentësh, morën pjesë në edicionin e dytë të Konferencës Shkencore Ndërkombëtare Studentore me temë: “Kërkimi shkencor dhe edukimi në perspektivën e studentëve dhe të studiuesve të rinj – UT flet me zërin e studentëve”.
Kjo konferencë e cila u organizua nga Universiteti i Tiranës në bashkëpunim me Universitetin e Prishtinës dhe Universitetin e Tetovës, punimet i zhvilloi në ambientet e Fakultetit Ekonomik të Tiranës. Kryetarja e bordit organizativ të konferencës, Prof. Dr. Elsa Skënderi theksoi se në këtë edicion konferenca është pasuruar me pjesëmarrje të 182 studiuesve shkencorë të cilët prezantojnë 127 punime shkencore nga shkencat e albanologjisë, shkencat e natyrës, shkencat sociale, juridike, ekonomike etj.
Rektori i Universitetit të Tetovës Prof. Dr. Jusuf Zejneli në fjalën e tij drejtuar studentëve pjesëmarrës në këtë ngjarje shkencore foli mbi perspektivën dhe sfidat me të cilat do të përballen ata në të ardhmen si hulumtues shkencorë. “Studentët nuk janë thjesht individë që frekuentojnë një institut arsimor, por ata janë liderët e ardhshëm të shoqërisë. Janë ata që do të krijojnë vendet e punës, që do të zhvillojnë teknologji të reja, që do të krijojnë politika për një të ardhme më të mirë dhe që do të kontribuojnë në një shoqëri më të drejtë dhe të qëndrueshme. Për këtë arsye, roli Juaj si studentë është shumë i rëndësishëm. Në këtë kontekst, duhet kuptuar se arsimi është një instrument i fuqishëm për zhvillim. Ai na mundëson të zhvillojmë mendimin kritik, të krijojmë zgjidhje për sfidat e ndryshme dhe të kontribuojmë në pasurimin e shoqërisë. Nuk është vetëm një mundësi për të mësuar, por një mundësi për të kontribuuar dhe për të qenë pjesë aktive e ndryshimeve pozitive. Çdokush nga Ju, nesër mund të jetë ndryshimi dhe të jetë lideri mes nesh.” – tha Rektori i UT-së Prof. Dr. Jusuf Zejneli.
Në emër të universiteteve bashkorganizatore, fjalë rasti mbajtën edhe zëvendësrektorja e Universitetit të Tiranës Prof. Dr. Anila Paparisto dhe Prof. As. Dr. Zamira Hyseni nga Universiteti i Prishtinës. Ato mes tjerash theksuan se Konferenca Shkencore Ndërkombëtare Studentore duhet të shndërrohet në një platformë për nxitjen e studentëve në fushën e kërkimit shkencor, inovacionit dhe kreativitetit.
Më shumë se 10 organizata qytetare kërkojnë që Qeveria të ndalojë importin e automjeteve të përdorura më të vjetra se 10 vjet dhe nën standardin “Euro 5”. Arsyeja është ndotje. Tatjana Çakulev tha se më të rrezikuarit ndaj substancave toksike janë fëmijët, sepse siç shton, këto emetime lëshohen në lartësinë e fytyrave të tyre dhe ata i thithin ato drejtpërdrejt.
“Kërkesa është të kufizohet importi sipas shembullit të Bosnjës dhe Hercegovinës, Shqipërisë dhe Malit të Zi në rajon. Automjetet e përdorura të mos jenë më të vjetra se 10 vite dhe jo sipas standardit “Euro 5”, ndërsa automjetet e reja të jenë minimalit sipas standardit “Euro 6””, tha Tatjana Çakulev.
Eli Peshava nga “Nisma O2” tha se në vendin tonë duhen autobusë elektrikë dhe taksi që nuk ndotin.
“Duhet patjetër të gjendet mënyrë se si të rregullohet transporti publik. Nuk shkojmë më larg nga rajoni, shtetet përreth të gjitha funksionojnë sipas bazës së transportit publik që nuk ndotin. Domethënë autobus elektrik, po ashtu nuk mund t’i ndajmë edhe taksitë, automjetet e tyre absolutisht duhet t’i nënshtrohen këtij principi, që e përmendi Tatjana pak më parë, domethënë bëhet fjalë për automjete elektrike, domethënë jo taksi që e ndotin ajrin”, tha Eli Peshava.
Tatjana Stojanovska thotë se e dinë që Qeveria dëshiron t’u sigurojë qytetarëve import më të lirë të automjeteve, mirëpo nga ana tjetër rritet ndotja e ajrit.
“Patjetër duhet të kemi kontroll në atë që po ndotet, sepse ajri i ndotur tek ne është problem i madh, dhe funksionon në të gjitha segmentet, ky është një segment që ndikon drejtpërdrejt në ndotjen e ajrit”, deklaroi Tatjana Stojanovska.
Për kërkesat e këtyre organizatave, pyetëm në Qeveri, nga ku na thanë se me vëmendje e ndjekin debatin për këtë çështje dhe në të ardhmen do të bëhet analizë me e detajuar dhe opinioni do të informohet. Tani për tani, sipas qeverisë, nuk ka ndonjë rishikim të kornizave të Drejtorisë Doganore dhe gjithashtu nuk parashihet ndryshim i taksës për imp
Fillon sezoni I skijimit në Kodrën e Diellit
Universitetet publike shqiptare e organizuan Konferencën e Dytë Studentore
Maqedoni, kërkohet që të ndalohet importi i veturave mbi 10 vjet dhe nën “Euro 5”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve