Qendra për Menaxhimin të Krizave (QKK) raportoi se në 24 orët e fundit në numrin e vetëm të Emergjencës 112 në QKM janë regjistruar gjithsej 2423 thirrje, nga të cilat 60.92% kanë qenë thirrje “reale”, dhe 39,08% janë për nevoja të tjera jo urgjente të qytetarëve

Nga thirrjet aktuale në 112 në Qendrën Qendrore të Urgjencës, 58,45% i janë drejtuar Policisë, 32,57% Urgjencës Mjekësore dhe 4,23% Zjarrfikësve.

Në 24 orët e fundit ka pasur nëntë zjarre hapësira të hapura, konkretisht në rajonin e Tetovës dhe të Shkupit, ndërsa zjarrfikësit në të njëjtën kohë kanë shuar zjarre edhe në vendbanime tjera.

“Por një zjarr në një zonë urbane ka qenë tragjik për një të moshuar në Kavadar. Konkretisht, Qendra Rajonale për Menaxhimin e Krizave (QRMK) Veles përcjell njoftimin e njësitit të zjarrfikësve të Kavadarit, se nga ora 09:24 deri në ora 10:10, dy zjarrfikës dhe një automjet zjarrfikës kanë fikur një bombol gazi të djegur në një shtëpi në rr. “Strasho Pinxhur” nr. 37 në Kavadar, ku në vendin e zjarrit është gjetur një mashkull i moshuar, i cili me shumë gjasa është ngufatur. Të pranishëm kanë qenë edhe ekipet e emergjencës mjekësore të cilët kanë konstatuar vdekjen e personit 78-vjeçar (Komuna e Kavadarit), thonë nga QMK.

Gjatë muajit mars, sëmundja më e shpeshtë akute infektive e regjistruar ishte lija e dhenve me gjithsej 309 raste. Në krahasim me muajin e kaluar të shkurtit, numri i rasteve të raportuara me linë e dhenve ka një rënie prej 15,6 për qind, ndërsa në krahasim me muajin mars 2024 ka rënie prej 62,5 për qind, theksohet në raportin më të ri të Institutit të shëndetit publik (ISHP).

“Gjatë muajit mars të vitit 2025 në Republikën e Maqedonisë së Veriut janë raportuar gjithsej 608 persona të infektuar me sëmundje akute infektive – duke përjashtuar Kovid-19, gripin, tuberkulozin, AIDS, AFP dhe bartës kronikë të hepatitit B dhe C dhe HIV, me një incidencë totale prej 33,1 për 100.000 banorë. Gjatë muajit mars ka pasur një rënie të numrit të përgjithshëm të të infektuarve me 18,5 për qind krahasuar me muajin e kaluar të shkurtiti të vitit 2025. Krahasuar me mars 2024 ka një rënie prej 57,5 për qind, si dhe krahasuar me mesataren aritmetike për periudhën 2015–2024, me 44,2 për qind”, sqarohet në raportin e Institutit.

Sa i përket ndarjes sipas grupeve të sëmundjeve infektive akute në muajin mars, numri më i madh i përket sëmundjeve pikatore. Nga këto, numri dhe incidenca më e madhe u raportua për linë e dhenve. Në këtë grup janë raportuar, 19 raste me mononukleozë infektive, tetë raste me skarlatinë, tre raste me infeksione pneumokokale dhe nga një rast me kollë të mirë, sëmundje legjionare dhe sëmundje meningokokale.

Në muajin mars, janë raportuar 195 raste të sëmundjeve të zorrëve. Nga këto, numri dhe incidenca më e madhe raportohet për enterokolitin. Janë raportuar 10 raste të salmonelozës, tetë raste të infeksioneve dhe intoksikimeve bakteriale nga ushqimi dhe një rast me kampilobakteriozë.

Në grupin e sëmundjeve të tjera infektive akute, në muajin mars janë regjistruar 58 raste. Prej tyre, 54 janë raste me zgjebe, tre raste me meningjit bakterial dhe një me virus meningoencefalit.

Advertisement

Në grupin e infeksioneve seksuale dhe të transmetuara nga gjaku – duke përjashtuar HIV/AIDS, janë regjistruar 11 persona të infektuar – janë raportuar katër raste me hepatit B viral, tre raste me sifilis, dy raste me infeksion klamidia dhe nga një rast me hepatit C dhe gonorres.

Kryeministri Hristijan Mickoski do të bisedojë me partnerët e koalicionit pas ndarjes së partnerëve të VLEN-it. Deputeti i VMRO-DPMNE-së Antonio Milloshoski në intervistën për Alsat theksoi që nuk janë të gëzuar që ka turbulenca në koalicionin VLEN, pasi që kompakti politik ishte një adut i fuqishëm që të fitohet bashkë besimi i votuesve përballë LSDM-së dhe BDI-së.

“Atë që e kam marr si brifing është se kryetari i Qeverisë i cili është edhe mandatar i këtij koalicioni qeveritar sigurisht se pas kthimit do të ketë biseda me çdo partner koalicioni, përfshirë edhe partitë që janë në koalicionin VLEN dhe gjithashtu me ministrin e Shëndetësisë. Tani të shohim se çfarë mundemi ne si parti më e madhe politike të ndihmojmë në menaxhimin e procesit, të mbrohet kompakti i shumicës parlamentare, por në çdo rast stabiliteti i qeverisë nuk është i rrezikuar”, deklaroi Antonio Milloshoski, deputet i VMRO-DPMNE.

Edhe partnerin tjetër qeveritar, respektivisht Lëvizjen ZNAM, trazirat në VLEN nuk janë kërcënuese për stabilitetin qeverisë. Megjithatë, ata kanë porosi që çdokush që bashkëpunon me BDI-në nuk duhet të jetë pjesë e qeverisë.

“Çdokush që bashkëpunon mbrapa dyerve të hapura ose të mbyllura me BDI-në e pareformuar për Lëvizjen ZNAM është e papranueshme të jetë pjesë e partnertitetit në të cilën merr pjesë ZNAM”, thonë nga Lëvizja ZNAM.

Gjatë ditës së djeshme kreu i Lëvizjes BESA, Bilall Kasami paralajmëroi rishqyrtim të marrëveshjes së koalicionin VLEN me partnerët qeveritar, pas largimit të Taravarit. Kasami beson se kjo nuk nënkupton krizë politike dhe zgjedhje të parakohshme duke qenë se numrat garantojnë një qeveri stabile.

Advertisement

“Sigurisht që në rrethanat e reja të krijuara ne do të kërkojmë nga kryeministri që të shqyrtojmë marrëveshjen si koalicion. Pjesa tjetër mbetet të diskutohet se si do të vazhdojë më tutje formati I qeverisë. Por ne sigurisht si VLEN do të kërkojmë të ulemi dhe të bisedojmë edhe një herë për pozitat në qeveri. Ka individë dhe subjekte politike nga opozita të cilët janë të gatshëm të jenë pjesë e shumicës parlamentare”, deklaroi Bilall Kasami, kryetar i Lëvizjes BESA.

Nga ana tjetër, Arben Taravari në disa dalje publike ka theksuar se do të vazhdojë të qëndrojë në qeveri, derisa nuk kërkohet largimi i tij nga kryeministri Hristijan Mickoski. /Alsat.mk