Lajme nga vendi
Nga sot pacientë do të dërgohen edhe në Itali, Holandë dhe Belgjikë, ekipe të mjekëve nga Çekia dhe Izraeli tashmë ndodhen në vend
Numri i personave të hospitalizuar të cilët morën djegie në zjarrin në diskotekën në Koçan kalon 160-170 së bashku me 16 të pranuar në spitalet private. Në një afat të shkurtë, për 24 orë të gjithë janë nën përkujdesje dhe ndaj të gjithëve është vepruar në mënyrë adekuate, ndërsa mbi 70 pacientë janë transportuar jashtë vendit. Duke qenë se janë mbushur kapacitetet te fqinjët, nga sot do të dërgohen pacientë edhe në Itali, Holandë dhe Belgjikë. Ekipi i mjekëve nga Çekia dhe Izraeli po u ndihmojnë mjekëve tanë, ndërsa një ekip nga Britania do të mbërrijë sot në vend për të ndihmuar në përgatitjen e fazës tjetër – rehabilitimin e të lënduarve, tha drejtori i Fondit për Sigurim Shëndetësor, Sasho Klekovski i cili e vizitoi SPQ “8 Shtatori” së bashku me kryeministrin Hristijan Mickoski.
Sipas Klekovskit, të gjithë pacientët janë gjallë dhe siç theksoi, ky është një sukses i madh, ndërsa ata në gjendje kritike janë dërguar në qendra të specializuara jashtë vendit.
“I siguroj familjarët se të gjithë pacientët deri tek i fundit janë të mobilizuar dhe po bëhen të gjitha përpjekjet për trajtimin e tyre. Nuk ka asnjë pacient në gjendje kritike që nuk përkujdeset në institucionin e djegieve dhe Qeveria u ka mundësuar prindërve të jenë me fëmijët e tyre”, theksoi Klekovski, duke shtuar se kjo nuk është një betejë 72 orëshe, por do të zgjasë me javë dhe muaj.
Drejtori i Fondit theksoi gjithashtu se të dhënat për pacientët nuk do të zbulohen personalisht.
Drejtori i SPQ “8 Shtatori”, Sinisha Stojanoski, informoi se për momentin nuk ka asnjë pacientë në gjendje kritike, të gjithë janë në gjendje stabile. Shumica kanë djegie të shkallës së dytë dhe të tretë, kryesisht në kokë dhe duar. Lëndime të tjera përfshijnë thithjen e ajrit të nxehtë dhe tymit, si dhe lëndime traumatike dhe fraktura.
“Spitali” kujdeset për të gjithë pacientët dhe për ata që do të dërgohen këtu, ekipi po bën përpjekje të parezervë. Protokollet po respektohen maksimalisht, djegiet janë plagë të hapura dhe bëhet kujdes që të parandalohen infeksionet e mundshme”, deklaroi Stojanoski.
Kryeministri Mickoski apelon te të gjithë ata që kanë qenë në afërsi të ngjarjes së tmerrshme të drejtohen te mjeku, pavarësisht nëse ndjejnë ndonjë problem apo jo.
“Si Qeveri, ne po bëjmë gjithçka që mundemi për të shpëtuar jetë njerëzish. Një pjesë e madhe, mbi 70, 80 pacientë, janë jashtë vendit. Sot në Selanik ndodhen edhe ministri i Punëve të Jashtme dhe Tregtisë së Jashtme dhe ministri i Shëndetësisë dhe prej aty do të shkojnë në Sofje për të vizituar disa nga pacientët që po trajtohen. Për një orë e gjysmë kemi seancën e Qeverisë, do ta konfirmojmë vendimin për mbulimin e shpenzimeve të dy anëtarëve të familjes për të shkuar atje ku janë duke u kujdesur si dhe transportin dhe akomodimin”, theksoi Mickoski.
Më 17.03.2025, rreth orës 11:35, nga Spitali i Përgjithshëm i Kumanovës është raportuar në Sektorin për Punë të Brendshme në Kumanovë se një pacient me gjendje të përkeqësuar shëndetësore, V.A. (32) nga Kumanova, është sjellë në spital, ku i është dhënë terapi, por ka ndërruar jetë pas një kohe të shkurtër.
Me urdhër të prokurorit publik, trupi i tij është dërguar për autopsi, ndërsa oficerët e policisë nga SPB Kumanovë kanë kryer inspektim dhe kanë marrë në pyetje të gjithë personelin mjekësor të pranishëm.
Hetimet për zbardhjen e rastit po vazhdojnë.
Lajme nga vendi
E mbijetuara e zjarreve drejtuar policisë: I kërkova ndihmë pasi nuk kisha frymë dhe polici më tha se nuk mundet
Një e mbijetuar e tragjedisë në Koçani, Ana Karova me një status në rrjetet sociale ka treguar për dhimbjen dhe sfidat për të shpëtuar në rrëmujën e diskotekës që digjej, njofton Telegrafi Maqedoni.
“Ku jetojmë ne, o popull?
Ku janë njerëzit që duhet të KUJDESEN për ne? Njerëzit që janë betuar se do të ndihmojnë, do të shpëtojnë, do të sakrifikohen?! Ku ishin ata kur ne luftonim për jetën? Qëndronin në heshtje dhe na shikonin…
Thërras:
– Ndihmë, më shpëtoni! Ju lutem! Nuk kam ajër!
Ndërsa personi që mban titullin POLIC më kap për dore dhe më thotë:
– Nuk mundemi!
Largohet dhe nuk më shikon. Vetëm dëshpërim kishte në sytë e mi, DËSHPËRIM!
TURP JU QOFTË, NJERËZ! Të gjithë jemi fëmijë! Të gjithë luftonim për jetën! Vetëm Zoti na mbrojti në atë moment fatal. Ku do ta çoni shpirtin tuaj, o njerëz?!! KU?!! TË GJALLË DIGJESHIM!!!!!
Nuk e dinim pse, si, pse pikërisht ne duhet të vuajmë për mëkatet TUAJA? Ne nuk e meritonim këtë… mendonim se do të kujdeseshit për ne! Që të vegjël e shikonim policinë si shembull… në ujë u fundos ai ëndërr fëminore, se polici është hero…
JO! NE JEMI HERONJTË, DHE JU QOFSHI ME TURP QË KRENARISHT E QUANI VETEN SHPËTIMTARË! Nga kjo përjashtoj policët që ndihmuan, të cilët mund të numërohen me gishta” ka shkruar Ana Karova.
https://www.facebook.com/permalink.php?story_fbid=3471100246532712&id=100008983117129&ref=embed_post
Lajme nga vendi
Paraburgim për të gjithë 16 të dyshuarit, Bekteshi dhe Trajkovski përfunduan në Shutkë
Ish-ministri i Ekonomisë Kreshnik Bektesi, ish-drejtori i Inspektoratit Shtetëror të Tregut Goran Trajkovski dhe 14 të dyshuar të tjerë janë në paraburgim prej 48 orësh për zjarrin në diskotekën “Pulse” në Koçan, transmeton Portalb.mk.
“Deri më tani, Prokuroria Themelore Publike në Koçan ka propozuar caktimin e masës së paraburgimit afatshkurtër për 16 persona. Propozimet janë pranuar dhe masa u është shqiptuar të gjashtëmbëdhjetës personave. Për karakteristikat e secilit të dyshuar zyrtarisht do të flasim kur të hyjmë në hetim. Për momentin bëhet fjalë për persona që dyshohet se me veprimet apo mosveprimet e tyre kanë kontribuar në tragjedi”, thonë nga Prokuroria.
Gjykata e Koçanit thotë se po vepron sipas sugjerimeve të Prokurorisë, në lidhje me zjarrin në “Puls” të Koçanit, ku 59 persona humbën jetën dhe 155 u lënduan.
Ljupço Kocevski dje ka njoftuar se në lidhje me aksidentin në klubin e natës “Pulse” në Koçan, po punohet për ndjekjen e menjëhershme të 14 të dyshuarve.Ai bëri me dije se dyshohen për “krime të rënda kundër sigurisë së përgjithshme” nga neni 292 i Kodit Penal me dënim me burg prej të paktën tre vjet pa kufi të sipërm, i cili mund të shkojë deri në 20 vjet. Njëkohësisht ai tha se po hetohen aktet e marrjes dhe dhënies së ryshfetit si dhe prokurimi i paligjshëm i mjeteve piroteknike.
“Deri në këtë pikë janë duke u proceduar gjithsej 14 persona të siguruar me veprimet tona të deritanishme. Nga inspektimi i kryer mund të them se janë siguruar të gjitha faktet dhe provat e rëndësishme relevante në vendin e ngjarjes dhe vijojnë analizat shtesë dhe raportet e ekspertëve nga zona përkatëse”, tha Kocevski, duke shtuar se gjatë kësaj jave ka mundësi për fillimin e procedurës hetimore.
Bekteshi, Trajkovski dhe një person tjetër janë sjellë mbrëmë para gjykatës në Koçan. Pas marrjes në pyetje ata janë dërguar në Burgun e Paraburgimit Shkup. Së bashku me ta janë marrë edhe tre persona të tjerë. Të tjerët janë në repartin e paraburgimit në burgun e Kumanovës.
Paraprakisht është marrë në pyetje edhe kryetari i Komunës së Koçanit, Ljupço Papazov, i cili siç ka njoftuar Prokuroria do të merret vendim për statusin e tij të mëtutjeshëm në procedurë.
“Është bërë marrja në pyetje e kryetarit të komunës, i cili ka dhënë sqarime dhe informacione të caktuara. Një deklaratë e tillë krahasohet me materialin dëshmues dhe me kompetencat e komunës, pas së cilës do të vendoset për statusin e tij të mëtutjeshëm në procedurë”, njoftuan nga Prokuroria.
Në zjarrin e ndodhur më 16 mars kanë humbur jetën 59 persona, ndërsa mbi 140 të lënduar janë trajtuar brenda dhe jashtë vendit.
Sipas hetimeve të deritanishme nga institucionet, diskoteka nuk kishte rrjet hidranti dhe mjaftueshëm aparate PP, përdoreshin materiale piroteknike në mënyrë të paligjshme, nuk kishte as leje pune të ligjshme dhe nuk ishte lidhur asnjë kontratë me shkrim mes organizatorit dhe grupit interpretues.
Mesazhi prekës i Hashim Thaçit “Në spital të thashë lamtumirë, babë. Nga Haga të them, mirupafshim në parajsë”
Qytetarë të shumtë në Burojë për t’i dhënë lamtumirën e fundit babait të Thaçit
32-vjeçari nga Kumanova ndërron jetë në spital, autoritetet po hetojnë rastin
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve