Lajme nga vendi
Tjetër vatër me gripin e shpendëve në Durrës, mbi 1,800 pula të ngordhura
Ministria e Bujqësisë dhe Zhvillimit Rural konfirmoi sot për një vatër të re të Influencës Aviare (H5N1), i njohur ndryshe si gripi i shpendëve.
Në njoftimin zyrtar, ministria sqaron se, vatra e re është konstatuar në fshatin Maliq Muço në Rrashbull të Durrësit, ndërsa grupi i veterinerëve ka konstatuar se në fermën në fjalë kanë ngordhur 1848 shpendë, të prekur nga H5N1.
Ministria deklarom se ka ndaluar shitjen dhe tregtimin e shpendëve të gjallë në Sukth, Manëz, Katund i Ri, Maminas, Gjepalaj, Rashbull, Thumanë, Bubq, Prezë dhe Vorë.
Njoftimi i plotë për mediet:
Ministria e Bujqësisë dhe Zhvillimit Rural në kuadër të transparencës me publikun, informon se ditën e sotme është konfirmuar një tjetër rast i pranisë së sëmundjes së Influencës Aviare me patogjenitet të lartë (H5N1), në një stabiliment mbarështimi dhe prodhimi shpendësh në zonën e mbrotjes së karantinuar (3 km) me vendodhje në fshatin Maliq Muҫo, Njësia Administrative Rashbull, Bashkia Durrës.
Shërbimi veterinar rajonal së bashku me perfaqësues së MBZHR janë paraqitur menjëherë në subjekt për tu njohur me gjendjen shëndetësore të shpendëve duke konstatuar 1848 shpendë të ngordhur.
Strukturat e Ministrisë së Bujqësisë dhe Zhvillimit Rural dhe institucionet përkatëse të varësisë kanë marrë masat në mënyrë të menjëhershme, pas njoftimit për vendosjen e stabilimentit në karantinë, ku janë marrë mostra zyrtare, të cilat janë dërguar dhe analizuar brenda ditës në Institutin e Sigurisë Ushqimore dhe Veterinarisë.
Pas konfirmimit nga ISUV për rezultatin pozitiv të analizimit, në MBZHR është thirrur takimi i Qendrës Kombëtare të Krizës me pjesëmarrjen e përfaqësuesve edhe të Ministrisë së Mjedisit dhe Turizmit, Ministrisë për Pushtetin Vendor dhe Institutit të Shëndetit Publik.
Janë në fuqi Urdhri i Ministrit Nr. 200 datë 3.3.2025 dhe Urdhri 240, datë 9.3.2025 “Për marrjen e masave kufizuese për parandalimin dhe kontrollin e sëmundjes së influencës aviare në shpendë, në mjediset e hapura dhe në tregjet e kafshëve të gjalla”.
Njoftojmë fermerët dhe mbarështuesit e cilësdo lloj specieje shpendësh se vijon të jetë e ndaluar lëvizja e shpendëve nga fermat e Njësive Administrative Sukth, Manëz, Katund i Ri, Maminas, Gjepalaj, Rashbull, Thumanë, Bubq, Prezë dhe Vorë, në zbatim të Urdhrit të Ministrit Nr. 240 datë 9.3.2025 “Për marrjen e masave kufizuese për parandalimin dhe kontrollin e sëmundjes së influencës aviare në shpendë, në mjediset e hapura dhe në tregjet e kafshëve të gjalla”, i cili përcakton:
– Ndalimin e shitjes dhe tregtimit të shpendëve të gjallë në mjediset e hapura dhe tregjet e kafshëve të gjalla në territorin e Njësive Administrative Sukth, Manëz, Katund i Ri, Maminas, Gjepalaj, Rashbull, Thumanë, Bubq, Prezë dhe Vorë.
– Ndalimin e lëvizjes së shpendëve të gjallë nga ferma në fermë dhe nga ferma në tregjet e kafshëve të gjalla, në territorin e Njësive Administrative Sukth, Manëz, Katund i Ri, Maminas, Gjepalaj, Rashbull, Thumanë, Bubq, Prezë dhe Vorë.
– Lejimin e lëvizjes së shpendëve të gjallë sipas tabelës 4, të shtojcës 5, të Urdhrit Nr. 177, datë 28.3.2023 “Për miratimin e Programit
Kombëtar të Mbikëqyrjes së Influencës Aviare”, vetëm me autorizim të veterinerit zyrtar për në thertore, pasi është kryer testi i PCR-së dhe shpendët kanë rezultuar negativ ndaj Sëmundjes së Influencës Aviare dhe të jenë shoqëruar me certifikatën shëndetësore të lëvizjes së shpendëve, në territorin e Njësive Administrative Sukth, Manëz, Katund i Ri, Maminas, Gjepalaj, Rashbull, Thumanë, Bubq, Prezë dhe Vorë.
Shërbimi Veterinerar Rajonal po mbikqyr dhe monitoron nëpërmjet gjurmimit dhe kampionimit edhe ferma të tjera të vogla familjare, prezent në zonën e mbrojtjes dhe të mbikqyrjes, për t’i dërguar ato pa vonesë në Laboratorin e Referencës – ISUV.
Vetëm ditën e sotme janë monitoruar 211 ferma me 2958 krerë nga 5 grupe Veterinerësh Zyrtarë të Kontrollit të pranishëm në terren. Gjithashtu, është njoftuar Instituti i Shëndetit Publik, për të kryer procedurat e nevojshme për kontrollin dhe vlerësimin e riskut.
Ministria e Bujqësisë dhe Zhvillimit Rural udhëzon fermerët dhe shpendërritësit në të gjithë vendin të rrisin vigjilencën dhe të bashkëpunojnë me autoritetet, të marrin masa për zbatimin e biosigurisë në fermat dhe mjediset ku ata mbarështojnë shpendë, si dhe të kryejnë lëvizjen e shpendëve për qëllime tregtare, vetëm pasi të jenë autorizuar nga Veterineri Zyrtar i Shërbimit me Certifikatën Veterinare të Lëvizjes së Kafshëve.
Lajme nga vendi
Nga nesër fillon kontrolli në terren i të gjitha subjekteve të regjistruara si kabare, diskoteka apo klube nate
Gjatë ditës së nesërme fillon kontrolli në terren i të gjitha subjekteve pas së cilës do të publikohen informacione të hollësishme, paralajmëroi sonte kryeministri Hristijan Mickoski pas takimit koordinues me drejtorin e Inspektoratit Shtetëror të Tregut Vllatko Stojkoski dhe ministrin e Ekonomisë dhe Punës Besar Durmishi.
Në takim është biseduar për procedurat e deritanishme të ndërmarra nga institucionet kompetente dhe analizën e gjerë të të gjitha subjekteve të regjistruara si kabare apo diskoteka, klube nate etj., bëri të ditur pres shërbimi qeveritar.
Në takim është biseduar për procedurat e deritanishme të ndërmarra nga institucionet kompetente dhe analizën e gjerë të të gjitha subjekteve të regjistruara si kabare apo diskoteka, klube nate etj., bëri të ditur pres shërbimi qeveritara.
Kryeministri Mickoski që dje në konferencën për shtyp në Qeveri paralajmëroi se do të fillojë një aksion i fuqishëm për kontrollimin e të gjitha dokumenteve në objektet hotelierike, pas zjarrit të tmerrshëm në diskotekën në Koçan, ku deri më tani kanë vdekur 59 persona dhe janë lënduar 155.
“Po fillon një aksion i fuqishëm për të kontrolluar të gjitha dokumentet, të gjitha licencat, të gjitha lejet e ndërtimit, të gjitha lejet për përdorim, lejet e punës dhe jam i bindur se do të gjejmë qindra, dhjetëra… Nëse mungon një milimetër do të mbyllen, këtu nuk do të ketë mëshirë për askënd”, tha Mickoski.
Theksoi se objekti ku ka rënë zjarri ka pasur licencë të falsifikuar për punë të datës 13 mars të vitit 2024, të nënshkruar nga sekretarja e atëhershme shtetërore në Ministrinë e Ekonomisë, Razmena Çekic Duroviq.
Lajme nga vendi
“Vetëm ne e kuptojmë këtë dhimbje”! Familjarët e viktimave të aksidentit në Bullgari solidarizohen me Koçanin
Me zemra të thyera dhe me dhimbje ende të freskët, familjarët e viktimave të aksidentit në Bullgari ku humbën jetën 45 persona, tragjedi e cila ndodhi para 3 vitesh, shprehën mbështetjen dhe ngushëllimet e tyre për prindërit nga Koçani që sot e ndjenë në lëkuren tyre humbjen e 59 të rinjve.
Me fjalë të mbushura me trishtim e dhimbje të njohur vetëm prej atyre që kanë humbur më të dashurit e tyre, iu janë drejtuar familjeve të viktimave me një mesazh të thellë ngushëllimi dhe solidariteti.
“Shprehim ngushëllimet tona më të sinqerta familjeve që kanë humbur më të dashurit e tyre, vetëm ne mund t’a kuptojmë dhimbjen e tyre. Ne kërkojmë nga institucionet përkatëse që ky rast deri ne fund të ndriçohet, ndërsa rastet e mëparshme si rasti në Bullgari me 45 viktima, spitali modular në Tetovë, rasti në Llaskarcë, te rigjykohen dhe të gjithë ata që janë të involvuar të marrin dënimet e merituara. Si ka mundësi kompania “Besa Trans’’ e cila i dogji për së gjalli 45 persona përfshirë këtu vajzën time 14 vjeçare dhe bashkëshorten 37 vjecare, duke u ditur botërisht se ishte me licenca te falsifikuara duke kaluar kufirin dhjetëra here”, tha Naser Iseni.
Ai kërkon përgjegjësi nga Ministria e Brendshme, Ministria e Transportit dhe Drejtoria e Doganave, që të gjitha rastet tragjike të rigjykohen dhe të marrin dënimet e merituara.
Përndryshe të gjitha rastet tragjike të dekadës së fundit si aksidenti në Llaskarcë, spitali modular në Tetovë, tragjedia e aksidentit “BESA TRANS”, janë akoma pa epilog konkret.
Lajme nga vendi
Ministria e shëndetësisë informon në detaje se ku janë të shtrirë të lënduarit, nesër pritet të transportohen pacientë në Kroaci, Greqi dhe Austri
Siç ka informuar Ministria e Shëndetësisë informon ekipet mjekësore në institucionet shëndetësore edhe sot janë plotësisht të angazhuara në ofrimin e kujdesit shëndetësor adekuat për të gjithë pacientët. Gjendja e pacientëve monitorohet me kujdes, ndërsa procedurat e mëtejshme mjekësore zbatohen në bazë të vendimeve konsiliare.
Gjatë ditës së sotme, pacientët janë shpërndarë në institucionet shëndetësore në vend si më poshtë:
Qendra Klinike – 52 pacientë
SPQ “8 Shtatori” – 17 pacientë
Klinika Universitare “Shën Naum Ohri” – 12 pacientë
Klinika e Toksikologjisë – 10 pacientë
Acibadem Sistina – 7 pacientë
Përveç sigurimit të kujdesit mjekësor në vend, një pjesë e pacientëve janë transferuar në institucione shëndetësore jashtë vendit, falë mbështetjes ndërkombëtare dhe bashkëpunimit me vendet partnere:
Lituania – 4 pacientë
Sllovenia – 2 pacientë
Austria – 2 pacientë
Republika e Serbisë – 12 pacientë
Republika e Bullgarisë – 1 pacient
Gjatë natës dhe ditës së nesërme pritet transporti mjekësor nga Austria, Greqia dhe Kroacia, me avionë dhe helikopterë për transferimin e mëtejshëm të pacientëve.
Ministria e Shëndetësisë informon se të gjithë pacientët e transferuar jashtë vendit janë në gjendje të qëndrueshme dhe nën kujdes të vazhdueshëm mjekësor.
Gjithashtu, në bashkëpunim me SPQ Spitali Psikiatrik dhe Klinikën e Psikiatrisë, janë krijuar ekipe mobile të përbëra nga psikiatër dhe psikologë, të cilët ofrojnë mbështetje psikologjike për pacientët dhe familjet e tyre.
Për të gjithë ata që kanë nevojë për këshillim psikologjik ose ndihmë, është në dispozicion linja telefonike 078 378 754, ku profesionistët ofrojnë mbështetje.
Nga nesër fillon kontrolli në terren i të gjitha subjekteve të regjistruara si kabare, diskoteka apo klube nate
“Vetëm ne e kuptojmë këtë dhimbje”! Familjarët e viktimave të aksidentit në Bullgari solidarizohen me Koçanin
Ministria e shëndetësisë informon në detaje se ku janë të shtrirë të lënduarit, nesër pritet të transportohen pacientë në Kroaci, Greqi dhe Austri
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve