Sport
LIGA E PARË: BESA E DOBËRDOLLIT I RIKTHEHET FOREVE
Dy fitore të ekipeve vendase, dy barazime dhe po aq fitore të ekipeve mysafire me gjithësejt 15 gola të shënuar është epilogu i gjashtë ndeshjeve të xhiros së 24-të në Ligën e pare të futbollit vendor. Shkëndija kryeson me 50 pikë e ndjekur nga Sileksi që ka 48 pikë.
Besa e Dobërdollit ka mundur 3:2 Struga Trim Lum në ndeshjen më interesante të xhiros së 24-të në elitë. Golat e fitores për Besën u shënuan nga Shefiti, Neziri e Selmani, ndërsa finalizimet e Ukpa dhe Malevski për Strugën nuk mjaftuan për të evituar disfatën. Shkupi vazhdon ecurinë e rezultateve negative në kampionat, pasi në cilësinë e vendasit pësoi disfatë të pa pritur nga Pellsteri me rezultatin 0-1 me një gol të vetë që e shënoi Ristevski. Në ndeshjet tjera Gostivari u mposht nga Tikveshi me rezultatin 2:1, Voska Sporti barazoi me Rabotniçki me rezultatin 1-1 ndërsa Sileksi triumfoi në Strumicë nga AP Brera me rezultatin 2:0, Ndërsa ditë më parë Vardari dhe Shkëndija barazuan me rezultatin 1-1.
Pas kompletimit të javës së 24 në ligën e parë tabelën e kryeson Shkëndija me 50 pikë e ndjekur nga Sileksi me 48 dhe Rabotniçki me 44 pikë Shkaku i obligimeve të reprezentacionit java e 25 e kampionatit do të zhvillohet me 30 mars me fillim në ora 15:00.
Jave e 21-të në Ligën e dytë që duheshe të zhvillohet të dielën shkaku i ngjarjes tragjike në Koçani është anuluar për javën e ardhshme. FFM gjithashtu shkaku i ngjarjeve tragjike në Koçani janë anuluar të gjitha ngjarjet sportive në vend.
Kuvendi i rregullt zgjedhor në Federatën e Futbollit të Maqedonisë me 65 vota të kuvendarëve të pranishëm zgjodhi kryetari dhe Këshillin Drejtues prej 14 anëtarëve me mandate 4 (katër) vjeçar, ndërsa edhe katër anëtar tjerë të Këshillit Drejtues u kooptuan me propozim të kryetarit Omeragiq. Kuvendi i votoi edhe të gjitha organet dhe komisionet , krejt këto u votuan me 65 vota pa asnjë votë kundër .
Çka të thuhet për përfaqësimin e kuadrove shqiptare. Kuvendi votoi 3 anëtarët e Këshillit Drejtues në vend të 4 anëtarëve sipas marrëveshjes nga Kuvendi i 14 dhjetorit 2002 kur në krye të FFM erdhi Haralampije HaxhiRistevski dhe ky parim është zbatuar pa asnjë vërejtje dhe kështu deri më 15 mars 2025 kur kjo marrëveshje nuk u përfill dhe përfaqësuesi i LFK Tetovës nuk mori votat e duhura.
Çka tè thuhet për implementimin e gjuhës shqipe, kur në këtë Kuvend nuk u dëgjua asnjë fjalë edhe pse nga viti 2012 në Statutin e FFM krahas gjuhës Maqedone dhe shkrimit cirilik ekziston edhe gjuha dhe alfabeti shqip. Në komisionin për përpilimin e Statutit në vitin 2012 ishin Pajazit Sheapi nga Gostivari dhe Salim Abdyli nga Kumanova, ndërsa si anëtar i jashtëm në komision ishte pikërisht kryetari aktual Masar Omeragiq si dhe përfaqësues të FIFA-s dhe UEFA-s. Por fatkeqësisht gjuha shqipe nga viti i ri 2025 nuk përfillet edhe te faqja zyrtare e FFM !?
Pra në nenin 15 të statutit thuhet: “Gjuha zyrtare e FFM-së është gjuha Maqedone .
Gjuha shqipe si gjuhë zyrtare zbatohet në përputhje me Kushtetutën dhe ligjet e Republikës së Maqedonisë, gjuhët e tjera zbatohen në përputhje me Kushtetutën dhe ligjet e Republikës së Maqedonisë.
Në pyetjen drejtuar kryeministrit të Maqedonisë Hristijan Mickovskit gjatë qëndrimit në Jegunovc, pse nuk zbatohet dy gjuhësia në asnjë Federatë Sportive, ai u përgjigje “Do të duhet ti pyetni ata këtë dua të them. Por ligji për gjuhët duhet të respektohet”.
Dilema mbetet se pse nuk janë përfill këto parime, a thua vallë përfaqësuesit shqiptar nga Lidhjet Futbollistike Komunale bisedat me mandatarin i kanë zhvilluar çdo njeri individualisht pa një koordinim paraprak të përbashkët dhe më e keqja të jetë nuk kishte asnjë reagim në Kuvend për këto lëshime serioze e mos të flasim se përfaqësimi adekuat nëpër komisione është simbolike.
Tre fitore të skuadrave vendase dhe dy të atyre mysafire është epilogu i pesë ndeshjewve të zhvilluara në m;ngjesin e sotëm në kampionatin amerikan të basketbollit NBA. Oklahoma kryeson në Perëndim me 54 fitore e 12 humbje. Golden State Warriors ngjitet në pozitën e gjashtë.
Humbja e tretë radhazi për Lakers, që u mund 126-106 nga Milwauke, në një ndeshje të komanduar nga vendasit. Luka Doncic realizoi 45 pikë për kalifornianët, por i vetëm nuk mundi të bëjë asgjë (mungoi LeBron). Për Bucks, katër lojtarë realizuan mbi 20 pikë.
Ngjit shkallët në renditje skuadra e Golden State, që falë një loje të mirë kolektive (tetë lojtarë realizuan mbi 10 pikë) mundi 130-104 Sacramento. Fiton edhe Orlando, që mundi 113-93 New Orleans, ndeshje ku u dallua Paolo Banchero me 34 pikë e 11 rebound.
Buzëqesh skuadra e Chicago, që mundi 115-110 Brooklyn, një përballje e hapur deri në fund. Coby White me 31 pikë bëri diferencën në fushë për Bulls. Fitore në sekondat e fundit për Washington, që mundi 129-125 Detroit, ku vendimtar ishin 51 pikët e lojtarëve të stolit.
Rezultatet e sotme
Detroit – Washington, 125-129
Milwaukee – Lakers, 126-106
Chicago – Brooklyn, 116-110
Nju Orleans – Orlando, 93-113
Golden State – Sacramento, 130-104
Kampionati në Ligën e parë të volejbollit në kategorinë e meshkujve vazhdon të shtunën me ndeshjet e xhiros së 18-të si në fazën e play off-it ashtu edhe në at të play out.
Sa i përket renditjes në fazë e play off-t UGD Shtipi tanimë ka të sigurt pozitën e parë pas fitores kundër Strumicës dhe ndeshje e nesërme me Rabotniçkin me fitore eventuale do ta vulos pozitën e liderit. Klubi i volejbollit Universiteti i Tetovës me fitoren kundër Borecit në Veles pothuajse ka të sigurt pozitën e katërt, ndaj edhe ndeshje e nesërme dhe fitorja eventuale kundër Shkëndijës do ta vërtetonte këtë pozitë. Ndërsa ekipi i Shkëndijës pas disfatës me Rabotniçkit në Tetovë humbi gjasat për të qenë në mesin e katër skuadre që do garojnë për titullin kampion. Ndeshja Universiteti i Tetovës – Shkëndija zhvillohet në sallën e sportit të UT-së nesër me fillim në ora 20 e 30. Në ndeshjen e tretë të fazës së play off-it takohen Strumica – Boreci
Në ndeshjet e fazës së play out nesër takohen Janta Volej – Liria, Vesna Probishtipi – Makedonija Xhio dhe Susheva – Skopje
Shaban Sinani – TV Koha
Ulet çmimi i derivateve të naftës në Maqedoninë e Veriut
Bashkëshortja e Andrej nga “DNK”: Gënjejnë se mjetet piroteknike i ka sjellë grupi, mos mbroni dikë që duhet të jetë prapa grilave
Protestuesit në Koçan demolojnë lokalin e pronarit të diskotekës ku ndodhi tre*gjedia
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve