Saktësisht tre muaj pasi 15 vetë mbetën të vrarë nga shembja e tavanit në stacionin e trenit në Novi Sad dhjetëra mijëra protestues bllokuan tri urat mbi lumin Danub fundjavën e kaluar në Serbi. Qytetarët pretendojnë se korrupsioni në nivelet e larta qeverisëse është shkaktari i tragjedisë dhe se protestat mund t’i hapin rrugë një shoqërie më të mirë.
Protestuesit flasin për DW: “Shpresoj që fëmija im të rikthehet dhe të jetojë në një Serbi të lirë”, thotë një grua e moshuar. Një protestues thekson, se: “krimi s’mund të qeverisë përjetësisht. Duhet të mbizotërojë ndershmëria dhe dashuria.”
Protestuesit thuajse njëzëri kërkojnë që të zbatohet ligji. Bllokada e së shtunës (01.02.2025) ishte e fundit e një serie protestash të organizuara nga studentët, të cilët në dy muajt e fundit kanë ndërprerë mësimin në thuajse të gjitha universitetet shtetërore në Serbi.
Studentët vendosmëri deri në realizimin e kërkesave
Ata thonë se nuk do të tërhiqen derisa kërkesat e tyre të miratohen. Studentja Natalija Petroviç: “Së pari duam që të mbahet përgjegjësi ligjore dhe politike. Kemi parë dorëheqjet e kryeministrit dhe kryebashkiakut të Novi Sadit, por nuk kemi parë procedim penal ndaj tyre. Kërkojmë gjithashtu edhe dokumentacionin e plotë të restaurimit në stacionin hekurudhor.”
Ekspertët na thonë, se jo vetëm ky dokumentacion është i paplotë por ai është edhe i manipuluar. Inxhinieri Zoran Xhaçiç, i cili ishte pjesë e ekipit restaurues të godinës ka qenë ndër të parët që bëri publike parregullsitë e rindërtimit. Tani ai është pjesë e komisionit të pavarur hetimor që po mbledh prova, të cilat sipas tij shkojnë deri në nivelet më të larta të qeverisë. Zoran Xhaçiç, Inxhinier gjeolog: “Prokuroria s’do të bëjë asgjë për aq kohë sa Vuçiç është kreu i qeverisë. Kjo nënkupton se na duhet ta bëjmë gjithçka vetë bashkë me studentët dhe t’i shkojmë kësaj gjëje deri në fund dhe të gjejmë fajtorin. Shpresojmë të gjejmë ndonjë prokuror të ndershëm, sepse kjo është e vetmja mënyrë.Vetëm kështu mund të arrestohen fajtorët e vërtetë dhe pjesa tjetër zhbëhet si një shtëpi prej letre.”
Protestat kanë ngritur edhe pikëpyetje të reja. Si do të kalohet nga bllokimi i institucioneve, rrugëve dhe urave tek ndryshimi i vërtetë? Për këtë, Dusan Spasojeviç, analist politik vëren: “Tani është e nevojshme për të gjetur mënyra që institucionalizojnë krizën. Një ide që po diskutohet gjerësisht është ajo e qeverisë së tranzicionit ose e qeverisë teknike, e cila do të ishte një pikë lidhëse mes qeverisë dhe komunitetit akademik, duke krijuar një lidhje me universitetin.”
Vuçiç në tur sensibilizimi në mbarë vendin
Por presidenti serb Aleksandar Vuçiç e ka refuzuar menjëherë këtë propozim. Aktualisht ai po zhvillon një tur në mbarë vendin, gjatë së cilit u tregon qytetarëve arritjet e qeverisjes së tij 12-vjeçare dhe protestat i konsideron si të organizuara nga shërbimet e huaja sekrete. Aleksandar Vuçiç: “Nuk do ta jap kurrë dorëheqjen dhe nuk do të ketë qeveri tranzicioni ose teknike. Këtë e garantoj me jetën time. Nuk do të ketë qeveri teknike apo tranzicioni. Do të ketë qeveri serbe. Zgjedhje? Po! Referendum? Po! Demokraci? Po! Gjithçka! Por s’do të ketë qeveri që është shërbëtore e dikujt tjetër.”
Nga ana e tyre, opozita dhe studentët e kundërshtojnë idenë e zgjedhjeve të reja dhe çdo formë dialogu me qeverinë. Analisti politik, Dusan Spasojeviç shpjegon, se “një problem tjetër është se mungon një ndërmjetës neutral, siç do të ishte BE. Deri tani Bashkimi Europian ka qenë shumë pasiv dhe duket se mbështet qeverinë.
Studentët po mendojnë tashmë lëvizjen e tyre të radhës. Disa thonë se ka ardhur koha për përshkallëzim të protestave. Ata do të vendosin për këtë përmes votës demokratike në mbledhjen e tyre të radhës./DW
Deputeti i Lëvizjes Vetëvendosje, Dimal Basha ka publikuar pjesë të një sondazhi, ku shihetvse Vetëvendosje ka një përqindje të lartë në shumicën e komunave në Kosovë, përcjell agjencia e lajmeve INA.
Sipas këtij sondazhi, VV-ja në Ferizaj do të marë 57. 7 përqind, në Gjilan 61.8, Vushtri, 58.3, Kamenicë, 56.8 përqind, etj.
Sipas të dhënave të Institutit Gjeodinamik të Observatorit Kombëtar në Athinë, tërmetet kanë ndodhur mes tre dhe pesë të mëngjesit dhe të katër aktivitetet sizmike janë karakterizuar si “të dobëta”, raportojnë mediat greke.
Në tre ditët e fundit, 550 tërmete janë regjistruar në rajonin midis Santorinit, Amorgos dhe Ios, të gjithë më të fortë se tre të shkallës Rihter dhe më i forti ishte 4.9.
Frika për tërmete të reja ka shkaktuar panik tek banorët e Santorinit, Amorgos dhe ishujve përreth.
Shumë kanë vendosur të largohen nga ishujt, duke çuar në bllokime të mëdha në portet, dhe janë planifikuar tragete dhe rrugë ajrore shtesë për ata që dëshirojnë të largohen.
Për arsye sigurie, shkollat në Santorini, Anafi, Ios dhe Amorgos do të jenë të mbyllura deri të premten.
Një takim është planifikuar edhe për sot në Ministrinë e Krizave Klimatike dhe Mbrojtjes Civile.
Në takim do të marrin pjesë përfaqësues të autoriteteve vendore, të Zjarrfikësve, të Rojës Bregdetare, të Forcave të Armatosura dhe autoriteteve të tjera kompetente.
Zyrtarët kanë vlerësuar se sizmiciteti intensiv në rajon mund të zgjasë edhe për disa ditë apo edhe javë, dhe Manolis Skordilis, profesor i sizmologjisë në Universitetin Aristotele të Selanikut, vlerësoi se situata në Santorini është jashtëzakonisht e rëndë dhe se tërmetet me magnitudë. mbi gjashtë gradë janë të mundshme.
Porti i ishullit ishte në një gjendje kaosi në agim, pasi shumë familje prisnin të hipnin në tragetin për në Pire. Tragetet Kissamos dhe Blue Star Paros operonin në linja të veçanta.
Për tre javë që kur ka filluar fushata elektorale për zgjedhjet parlamentare të 9 shkurtit, partitë politike në Kosovë janë gjobitur me 400 mijë euro për shkelje në fushatë, transmeton Anadolu.
Paneli Zgjedhor për Ankesa dhe Parashtresa (PZAP), gjobiti partitë politike 88 herë në vlerë prej 433.900 euro që nga fillimi i fushatës me 11 janar.
Shkeljet e evidentuara nga PZAP kanë të bëjnë kryesisht me shkelje të Kodit të Mirësjelljes për Subjektet Politike.
Subjekti opozitar, Lidhja Demokratike e Kosovës (LDK) është subjekti i cili ka shumën më të lartë të gjobave nga të gjitha partitë e certifikuara për zgjedhjet e 9 shkurtit 2025. Kjo parti, mori 21 gjoba nga Paneli për Ankesa dhe Parashtresa në vlerë totale prej 112.500 euro. Pothuajse, të gjitha këto gjoba ndaj LDK-së erdhën pas ankesave të partisë në pushtet, Lëvizjes Vetëvendosje.
Gjobat më të larta të shqiptuara nga ky institucion deri më 31 janar, janë dy raste me nga 20 mijë euro. Një për LDK-në dhe një për koalicionin Aleanca për Ardhmërinë e Kosovës (AAK), NISMA, Konservatorët, Intelektualët.
Partia në pushtet ka numrin më të madh të gjobave nga PZAP. Vetëvendosje ka gjithsej 22 raste, por, të cilat në shumë janë më të ulëta se të LDK-së. Vetëvendosje në total deri më 31 janar ka 101.500 euro dënime. Ankesat për partinë në pushtet u bënë nga partitë opozitare PDK, LDK dhe koalicioni AAK-NISMA.
Gjithashtu, Vetëvendosje është partia e vetme që është gjobitur deri më tani me 2.500 euro për shkak të pengimit të punës së gazetarëve.
Partia politike e tretë me më së shumti raste të gjobave të marra nga PZAP është Partia Demokratike e Kosovës (PDK). Partia më e madhe opozitare aktualisht, mori 19 dënime nga PZAP me vlerë prej 97.000 euro. Të gjitha rastet e dënimeve ndaj PDK-së, u shqiptuan si rezultat i ankesave të Vetëvendosjes.
Koalicioni AAK-NISMA, u dënua në tetë raste. Nga ankesat që iu aprovuan Vetëvendosjes me vendime të PZAP-së për këtë koalicion, shuma e gjobave deri më 31 janar arrin vlerën e 60.700 euro.
Edhe subjekti i certifikuar për zgjedhjet e 9 shkurtit, “Koalicioni për Familje”, u dënua nga PZAP në pesë raste me shumën totale 25.500 euro. Ankesat që u aprovuan, u bënë nga organizata joqeveritare “CEL Kosova dhe Dylberizim” dhe nga Vetëvendosje. Ky koalicion, në pesë raste u gjobit për shkak të shkeljes së Kodit të Mirësjelljes.
Gjithashtu, partia më e madhe e serbëve në Kosovë, Lista Serbe, u dënua në tri raste, nga dy ankesat që i bëri partia në pushtet Lëvizja Vetëvendosje dhe një organizatë joqeveritare. Lista Serbe nga fillimi i fushatës deri më 31 janar është gjobitur me 13.500 euro, për shkak të shkeljes së Kodit të Mirësjelljes.
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
