Ministri i Politikës Sociale, Demografisë dhe Rinisë, Fatmir Limani, ka takuar sot përfaqësues të disa organizatave të shoqërisë civile – ofrues të shërbimeve sociale. Në takim u bisedua për angazhimet dhe synimet e përbashkëta në të cilat po punojnë të dyja palët, e që është sigurimi i mirëqenies së qytetarëve, përfituesve të shërbimeve.

Bashkëbiseduesit diskutuan për rezultatet e reformës sociale, me theks në deinstitucionalizimin dhe shërbimet sociale, të cilat përfaqësojnë një shembull të shkëlqyer në rajon se si sistemi i mbrojtjes sociale është në dobi të përdoruesve të shërbimeve.

Nga ana e Ministrisë u theksua se me fillimin e vitit 2025 parashihet rishikimi i Ligjit për mbrojtjen sociale, rregullimi i akteve nënligjore dhe monitorimi dhe vlerësimi i shërbimeve sociale.

Megjithatë, së shpejti do të publikohet një thirrje e re publike për shprehjen e interesit të komunave për ngritjen dhe zgjerimin e shërbimeve sociale dhe rritjen e numrit të përfituesve.

Bashkëbiseduesit ranë dakord për qëllimet e përbashkëta -përforcimin e sistemit të mbrojtjes sociale, dhe kjo bëhet më së miri duke forcuar shërbimet sociale përmes të cilave përdoruesit përgatiten për jetesë me mbështetje dhe përfshirjen e tyre në tregun e punës, si aktorë aktivë në shoqëri.

Advertisement

Sëmundja e murtajës tek përtypësit e vegjël është përhapur në shtetet fqinje, respektivisht në Greqi dhe Bullgari, ndërsa raste të këtilla janë hasur edhe në Rumani. Në vendin tonë, kjo sëmundje ende nuk është e pranishme, ndërsa autoritetet tashmë kanë filluar me takimet me blegtorët nëpër disa komuna për të parandaluar përhapjen e kësaj sëmundje. Përfaqësues të Agjencisë për Ushqim dhe Veterinari, kanë qëndruar në Tetovë, ku blegtorëve individual dhe Shoqatave të Blegtorëve u është sqaruar për shenjat klinike që shfaq sëmundja, siç janë ethet, infeksione në sy, humbje të peshës, kurse sëmundja paraqitet tek kafshët e reja, qengjat dhe dhitë, e më pak tek delet.

“Për njerëzit nuk ka rrezik, por nëse kjo sëmundje paraqitet edhe në vendin tonë, pasojat do të jenë të mëdha, pasi do të ndalohet eksporti për dy vite”, tha Svetllana Kolariq, sekretar Shtetëror për Ushqim. Nga agjencia njoftojnë se veterinerët janë trajnuar fillimisht se si ta njohin këtë sëmundje, sepse sëmundja është e përafërt me sëmundjen e shapit. Prandaj, veterinerët janë të parët që e detektojnë dhe më pas i alarmojnë institucionet përkatëse, nëse ka raste të dyshimta.

“Qengjat janë prodhimi ynë strategjik dhe si shtet duhet që të kujdesemi, të marrim të gjitha masat dhe të parandalojmë paraqitjen eventuale të sëmundjes. Paraqitja e sëmundjes do të thotë humbje të mëdha ekonomike, ndërsa për momentin – numri i dhive dhe derrave është rreth 480 mijë dhe do të thotë ndalim të eksportit, ndalesë për lëvizje, asgjësim i tyre, ndalesë për eksportin e qengjit. Për momentin nuk kemi asnjë shenjë të kësaj sëmundje në vendin tonë, ky është takimi ynë i shtatë me fermerët dhe janë marrë masa hyrjen e kësaj sëmundje dhe përhapjen e saj në vendin tonë”, informoi Kolariq.

Përfaqësuesit e Kooperativave Bujqësore thonë se këto takime janë të mira për t’u informuar me qëllim që të parandalojnë përhapjen e sëmundjes në vendin tonë. “Ne ende nuk e dimë se çfarë simptoma kanë kafshët prandaj janë edhe këto takime me blegtorët që t’i informojmë nga afër, në bashkëpunim me institucionet shtetërore që janë në kuadër të Ministrisë së Bujqësisë, që të parandalohet kjo sëmundje”, tha Naser Xhemaili, përfaqësues i Kooperativës Bujqësore “Sharri” në Tetovë. Gjatë takimit me blegtorët, janë dhënë edhe rekomandime se si të kujdesen për kafshët nga kjo sëmundje, duke përfshirë pastrimin, dezinfektimin, vaksinimin dhe kontrollim të tyre nga veterinerët.TV KOHA

Ka reaguar edhe Lidhja Socialdemokrate e Maqedonisë. Partia e Venko Filipçes ka ngritur dyshime se ikja e Grubit është dakorduar mes BDI-së dhe VMRO-DPMNE-së. Sekretari organizativ i LSDM-së, Martin Kostovski theksoi dje se MPB do të duhet të japë një përgjigje të qartë: si është e mundur që Artan Grubi të arratiset në Kosovë vetëm një ditë para aksionit, përkatësisht ditën e aksionit?

“Sipas informacioneve që kemi, MPB kishte vendosur kontrollin policor në rrethrrotullimin përballë Bllacës ditën kur Grubi u largua nga vendi. Kontrolli ishte aty të paktën tre ditë para ngjarjes. Kjo tregon qartë se ata dyshonin se Grubi mund të arratisej. Por sipas informacioneve tona, vetë kontrolli i policisë, njësia lëvizëse e Ministrisë së Punëve të Brendshme, nuk dinte se kë të priste dhe kur të ndalonte! Ata kanë marrë informacion vetëm pasi Grubi është larguar nga vendi. Kjo konfirmon qartë dy skenarë të mundshëm: ose ata nuk ishin plotësisht në gjendje ta ndalonin, ose së dyti dhe më shumë gjasa, ata nuk e ndaluan qëllimisht”, akuzoi Kostovski i LSDM-së.

Kostovski shtoi se kanë ndodhur shumë lëshime dhe ka shumë indikacione se pas këtij rasti fshihet diçka tjetër apo një marrëveshje politike. “A janë marrë vesh VMRO-DPMNE dhe BDI për këtë rast dhe a nuk është ky çmimi i mbështetjes që BDI i dha VMRO-DPMNE-së në Parlament? A është kjo pjesë e të gjithë skenarëve të rënë dakord në dukje mes VMRO-DPMNE-së dhe BDI-së për sulme të vazhdueshme publike dhe destabilizim fiktiv, situatë që politikisht i përshtatet të dyja palëve?”, tha Kostovski.