Gjykata e Apelit i ka pranuar ankesat e të akuzuarve dhe e ka shfuqizuar vendimin e shkallës së parë për rastin “Besa Trans”, me të cilin pronari Bekim Haxhiu u dënua me 20 muaj burg, mëson Alsat. Lënda do të fillojë nga e para në Gjykatën Penale, ku në bankën e të akuzuarve do të ulet sërish Haxhiu dhe përfaqësuesi i subjektit juridik “Besa Trans”.

Lënda, nuk ka të bëjë drejtpërdrejtë me shkaqet e aksidentit të autobusit të Besa Trans më 23 nëntor të vitit 2021 në Bullgari, ku mbetën të vdekur 45 persona, por me falsifikimin e certifikatës së licencës së autobusit të aksidentuar. Sipas vendimit të shkallës së parë, e cila bazohej në akuzën e Prokurorisë, Haxhiu, përmes shoferëve që drejtonin autobusin ka përdorur certifikatë licence të rrejshme, që nuk e ka lëshuar Ministria e Transportit dhe Lidhjeve. Me të njëjtën, mbi 20 herë ka kaluar kufirin e shtetit. Megjithatë, mbrojtja ka mohuar se ka bërë falsifikim të certifikatës së licencës. Ata, insistojnë në formulimin se për të pasur falsifikim, duhet që dikush të krijojë një dokument të rrejshëm, që sipas tyre në këtë rast, nuk ka ndodhur. Megjithatë, Prokuroria ka deklaruar se provat kanë dëshmuar se autobusi i aksidentuar i kompanisë Besa Trans, në kufi e ka përdorur licencën e përgjithshme, e cila ka të bëjë vetëm me funksionimin e subjektit, në vend të licencës së posaçme. Gjykimi në shkallën e parë për këtë lëndë ka filluar më 15 nëntor të vitit 2022. /Alsat.mk

Në Kuvend sot mbledhje do të mbajë Komisioni për mbikëqyrjen e zbatimit të masave për ndjekjen e komunikimeve.

Para anëtarëve të Komisionit janë Propozim-Rregullorja për punën e Komisionit për mbikëqyrje në zbatimin e masave për ndjekjen e komunikimeve, Propozim-Vendimi për shpalljen e thirrjes publike për angazhimin e dy ekspertëve teknikë për mbështetje të vazhdueshme të Komisionit për mbikëqyrje në zbatimin e masave për ndjekjen e komunikimeve dhe Procedura për zgjedhjen e dy ekspertëve teknikë për mbështetje të vazhdueshme në Komisionin për mbikëqyrje në zbatimin e masave për ndjekjen e komunikimeve.

Një tërmet prej katër shkallë të Rihterit është ndjerë në orët e para të ditës enjte në rajonin e Prizrenit.

Dridhjet e tokës prekën edhe rajonet e tjera të Kosovës, për çka edhe krijoi shqetësimin tek qytetarët.

Lidhur me rastin sqarime ka dhënë Drejtori i Rrjetit Sizmologjik të Kosovës, Shemsi Mustafa.

Mustafa përmes një shkrimi në Facebook ka treguar se tërmeti ishte në zonën Prizren-Kukës.

Sipas tij, këto lëkundje nuk kishin kapacitet të rrezikonin qytetarët.

Advertisement

“Tërmeti në fjalë është ndier dukshëm nga qytetarët e zonës Jugperëndim të Kosovës. Ky sizmicitet nuk e kishte potencialin të rrezikon qytetaret apo ndonjë dëm material për shkak të forcës se ulët, njëherësh ky termet dëshmon për zonën sizmogjene të Prizrenit që është zonë aktive e cila në të ardhmen mund të gjeneron tërmete me magnitudë më të madhe, ashtu sipas llogaritjeve dhe studimeve të paraqitura me Hartën e Rrezikut Sizmik për Kosovë”, tha Mustafa.