Lajme nga bota
Kryeministri i Katarit: Pengjet në Gaza do të lirohen me negociata jo me luf’të
Kryeministri i Katarit dhe njëherësh ministër i Punëve të Jashtme, Sheikh Mohammed bin Abdulrahman Al Thani deklaroi se pengjet në Gaza do të bashkohen me familjet e tyre përmes negociatave dhe jo luftës, transmeton Anadolu.
Në intervistën për kanalin britanik “Sky News”, Al Thani u pyet në lidhje me deklaratat e Sekretarit amerikan të Shtetit, Antony Blinken se ata mund t’i jepnin këshilla Izraelit në vend që të bënin presion mbi të.
Duke thënë se Katari dhe SHBA-ja kanë punuar ngushtë për çështjen e Gazës, Al Thani tha se “Kishte momente kur presioni ishte i nevojshëm dhe u zbatua” dhe shtoi se vështirësitë që ata i shihnin si palë negociatore dhe ndërmjetëse nuk u panë nga të gjithë.
Al Thani iu përgjigj kritikave lidhur me praninë e një zyre të Hamasit në kryeqytetin e Katarit, Doha, duke thënë se “Prania e Hamasit në Doha është plotësisht transparente dhe e koordinuar. Ajo doli me dëshirën e Izraelit dhe SHBA-së për ta përdorur atë si një platformë negocimi”.
“Kjo zyrë mundësoi nënshkrimin e shumë armëpushimeve dhe uli tensionet në shumë raste”, tha Al Thani i cili shtoi se e gjithë mbështetja që i është dhënë Gazës është dhënë me koordinimin e SHBA-së, Izraelit dhe OKB-së.
Ai potencoi se ky rol i Katarit është i domosdoshëm për rajonin. “Shpresoj që e gjithë bota të kuptojë se 109 pengjet do të kthehen në familjet e tyre jo me forcë ushtarake, por falë kësaj zyre, përmes negociatave”, tha Al Thani.
– “Nuk e kemi pritur që bota do të qëndronte e heshtur për ndodhitë në Gaza”
Duke iu referuar deklaratës së Emirit të Katarit Sheikh Tamim bin Hamad Al Thani për “gjenocid” lidhur me atë që po ndodhë në Gaza, kryeministri Al Thani tha: “Ne kurrë nuk prisnim që bota të qëndronte e heshtur për atë që po ndodhë në Gaza. Kjo është shumë e trishtueshme dhe për të ardhur keq jo vetëm për Katarin, por edhe për njerëzit e të gjithë rajonit dhe botës”.
Në përgjigje të pyetjes për politikat e presidentit të sapozgjedhur të SHBA-së, Donald Trump në lidhje me Iranin, Al Thani tha se problemet që lidhen me Iranin mund të zgjidhen vetëm përmes negociatave.
Ai thekson se presidenti dhe ministri i Jashtëm i Iranit janë të gatshëm të takohen me Trumpin.
Kryeministri i Katarit, Al Thani tha se shpreson në një armëpushim dhe marrëveshje për shkëmbimin e të burgosurve në Gaza, përpara ceremonisë së inaugurimit të Trumpit më 20 janar.
Ari ka mbërritur në vlerë rekorde, në kohën kur nervozizmi ka prekur të gjitha tregjet dhe ekonominë botërore.
Siç ka shkruar “The Guardian”, çmimi në mëngjesin e së martës ka mbërritur në 3148.8 dollarë për ons (28 gramë).
Krejt kjo ndodhi në prag të 2 prillit, të asaj që po quhet si “dita e çlirimit” nga presidenti amerikan Donald Trump. Trumpi i sheh tarifat si mënyrë e mbrojtjes së ekonomisë së brendshme nga “gara jo e drejtë botërore”. Ai ka premtuar shpalosjen e një plani të tarifave të mërkurën. Tarifat që do t’i shpalosë ai, pritet të prekin të gjithë botën.
Ngritja e çmimit në vlerë rekorde përbën po ashtu tremujorin më të fuqishëm të arit që nga viti 1986.
Vullkani Sunddhnúksgígar në Islandë ka shpërthyer, duke detyruar autoritetet të shpallin “alarmin e kuq” dhe të evakuojnë turistët nga zona.
Sipas Benedikt Ófeigsson, drejtor i matjeve të deformimeve, shenjat e para të shpërthimit u regjistruan pas aktivitetit sizmik nëntokësor. Aktualisht, autoritetet po punojnë për të evakuuar qytetin Grindavík, ndërsa magma ende nuk ka arritur në sipërfaqe.
Një nga vendet më të njohura turistike, hoteli luksoz Blue Lagoon, është evakuuar plotësisht, duke zhvendosur të gjithë vizitorët në hotele të tjera. Menaxherja e hotelit, Helga Árnadóttir, deklaroi se mysafirët u zgjuan dhe u larguan menjëherë sapo u bë e qartë se shpërthimi kishte filluar.
Autoritetet lëshuan alarmin e kuq rreth orës 6:00 të mëngjesit. Zyra Meteorologjike e Islandës raportoi ndryshime të dukshme në presionin e matjeve, duke treguar rrjedhje magme dhe një shpërthim të mundshëm.
Ekspertët kishin paralajmëruar më parë se një shpërthim në kraterin Sundhnúkur ishte shumë i mundshëm për shkak të akumulimit të magmës.
Lajme nga bota
Masxhidi Al-Haram kanë zbatuar një proces inovativ pastrimi që freskon të gjithë xhaminë dhe oborret e saj në vetëm 35 minuta çdo ditë
Matura shtetërore do të zhvillohet në shkolla
Pallati i kulturës në ZHelinë përfundon para zgjedhjeve lokale (video)
Sjediu mesazh Taravarit:Historia nuk i njeh ata që braktisën betejat (video)
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve