Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturina Komunale i Republikës së Maqedonisë së Veriut (KRRE) solli vendimin, me të cilin bëhet rritja e çmimeve të shitjes me pakicë të derivateve të naftës mesatarisht 1,70 % në raport me vendimin e datës 18.11.2024.

Çmimet referente të derivateve të naftës në tregun botëror, në krahasim me përllogaritjen e mëparshme shënojnë rritje mesatarisht: te benzina për 2,489 %, te nafta për 3,554 %, te vaji ekstra i lehtë për 2,215 % dhe te mazuti për 2,312% . Kursi i denarit në raport me dollarin në periudhën e kaluar, sipas të cilit janë formuar çmimet në përllogaritjen emëparshme, është më i lartë për 0,7524%.

Nga data 26.11.2024, ora 00:01 çmimet maksimale të derivateve të naftës do të jenë:
Benzinë motori EUROSUPER BS – 95 77,00 (denarë/litër)
Benzinë motori EUROSUPER BS – 98 79,00 (denarë/litër)
Naftë motori EURODIZEL BS (D-E V) 72,00 (denarë/litër)
Vaj për Djegie Ekstra i Lehtë 1 (EL-1) 70,50 (denarë/litër)
Mazut М-1 SU 44,737 (denarë/kilogram)
Çmimet e shitjes me pakicë të benzinës ЕUROSUPER BS-95 dhe EUROSUPER BS-98 dhe të Vajit Ekstra të Lehtë
për Amvisëri (EL-1) rriten për 1,00 den/l.
Çmimi i shitjes me pakicë i EURODIZELIT (D-E V) rritet për 1,50 den/l dhe do të jetë 72,00 den/l.

Çmimi i shitjes me pakicë i shitjes me pakicë i Мazutit М-1 SU rritet për 1,029 den/kg dhe do të jetë 44,737 den/kg.

Theksojmë se këto janë çmimet maksimale të derivateve të naftës nga ora 00:01 e datës 26.11.2024.

Advertisement

Shitësit me shumicë dhe pakicë të derivateve të naftës dhe të karburanteve për transport mund të vendosin çmime të veçanta për derivatet e naftës dhe të karburanteve për transport edhe më të ulëta se çmimet më lartë të përcaktuara.
25.11.

Në kongresin e 30të LSDM-ja zgjodhi përbërjen e re të Komitetin qendror i cili numëron 113 anëtarë, shkruan Alsat.

Në listë nuk u gjet asnjë deputet e asnjë anëtar nga kryesia e lartë e deritanishme e partisë. Mundësi fituan persona të rinjë të cilët do ta freskojnë partinë tha kreu i kësaj partie, Venko Filipçe.

Zv.kryetare e partisë u zgjodh Fani Karanfillova Panovska.

“Është person me të cilën njihem kohë të gjatë, dhe e di se në vete mbanë dhe beson fuqishëm në vlerat socialdemokrate. Ka marrë pjesë në punën e shumë organizatave qytetare, më së shumti në Fondacionin Shoqëri e Hapur dhe ka bashkëpunuar me subjekte të tjera juridike të cilat ndajnë vlerat siç janë të vendosura në postulatet e partisë tonë”, tha Venko Filipçe – Kryetar i LSDM-së.

Karanfillova vjen në vend të Sanja Llukarevskës, e cila dha dorëheqje dy ditë pas zgjedhjeve parlamentare.

Advertisement

Mbledhja e parë me Komitetin qendror do të mbahet këtë javë ku do të zgjedhën edhe anëtarët e rinj të komitetit ekzekutiv, nënkryetarët dhe sekretarët e partisë.

Duke mos ndarë detaje, Filipçe njoftoi vetëm se do të jenë persona të rinjë, me energji e të cilët deri tani nuk kanë qenë në asnjë funksion të lartë të partisë./ Alsat.mk

Ministri i Shëndetësisë Arben Taravari, e ka vizituar spitalin e Gostivarit, për të cilin tha se për gjashtë muaj janë investuar gjithsej 25 milionë denarë, ose rreth 400 mijë euro

Taravari tha se së shpejti do të paralajmërojnë edhe punësimin e atyre që janë me kontratë në vepër, të cilët do të marrin vendime.

“Theksoj se Spitali i Gostivarit është lider me investime në këto pesë muaj të qeverisë së re. Përveç që dëgjoj prej pacientëve që spitali punon më në rregull, tash shoh investime edhe brenda edhe jashtë spitalit. Do të ketë oborr të ri, rrugë të re për autoambulancat, administratë e renovuar dhe ambulanca të renovuara. Në anestezeologji shoh aparatet e reja që janë sjellë, dy eko aparate të reja, dy EGK aparate të reja”.

“10 milionë denarë investim nga vet spitali dhe 15 milionë denar investime prej Ministrisë së Shëndetësisë, pra rreth 400 mijë euro investime në spitalin e Gostivarit. Synimi im ka qenë që kështu të udhëhiqet një spital. Shumë shpejt do të paralajmërojmë edhe punësimin e atyre që janë me kontrata të marrin vendime, 600 specialis dhe afër 1100 punëtorë të mesëm shëndetësor do të punësohen në spitalet në gjithë territorin e RMV-së”, tha Taravari.