Lajme nga vendi
Filloi mbledhja ndërqeveritare midis RMV-së dhe Kosovës
Sot, në Prishtinë mbahet mbledhja ndërqeveritare e Qeverisë së Republikës së Maqedonisë së Veriut dhe Qeverisë së Republikës së Kosovës. Në orën 10:30 mbërritën delegacionet e Kosovës dhe Maqedonisë së Veriut, pas së cilës u prit me ceremoni kryeministri i Maqedonisë, Hristijan Mickoski, nga ana e kryeministrit të Kosovës, Albin Kurti, transmeton Portalb.mk.
Është paraparë që para fillimit të mbledhjes ndërqeveritare, në orën 11:20, të mbahet takim tet-a-tet ndërmjet kryeministrit Hristijan Mickoski dhe kryeministrit të Kosovës, Albin Kurti, si dhe takime tet-a-tet ndërmjet ministrave të dy qeverive.
Në orën 12:00 do të mbahet mbledhja ndërqeveritare, pas përfundimit të së cilës do të nënshkruhen protokolle dhe memorandume bashkëpunimi në tre fusha.
“E para është memorandum për energjetikën, minierat dhe burimet minerale, ku përcaktohen nismat për bashkëpunim në fushën e energjetikës, gazit, qymyrit, energjisë elektrike dhe projekteve të rëndësishme infrastrukturore për interkoneksionin e gazit dhe nisma të tjera projektesh, si dhe nisja e bashkëpunimit për të shqyrtuar mundësinë e zhvillimit të një lidhjeje të re direkte të gazit midis Republikës së Kosovës dhe Republikës së Maqedonisë së Veriut”, njoftojnë nga Qeveria e RMV-së.
E dyta është informacion mbi nënshkrimin e Protokollit ndërmjet Qeverive të Republikës së Maqedonisë së Veriut dhe Republikës së Kosovës për zbatimin e Marrëveshjes për pikëkalimet kufitare të përbashkëta “Bllacë – Hani i Elezit” dhe “Jazhincë – Glloboqicë”. Ky protokoll rregullon mënyrën e kontrolleve dhe inspektimeve doganore, infrastrukturën e pikave të përbashkëta kufitare, ndërlidhjen reciproke të sistemeve të menaxhimit kufitar dhe mënyrën e mirëmbajtjes së objekteve.
Dokumenti i tretë, që do të nënshkruhet, është një memorandum mirëkuptimi dhe bashkëpunimi ndërmjet Ministrisë së Arsimit dhe Shkencës së Maqedonisë së Veriut dhe Ministrisë së Arsimit, Shkencës, Teknologjisë dhe Inovacionit të Kosovës.
“Palët pajtohen të punojnë së bashku për përmirësimin e cilësisë në arsimin profesional dhe trajnimet si dhe në arsimin për të rritur në të dyja vendet, duke pasur parasysh dispozitat ligjore të të dy vendeve që rregullojnë punën e tyre. Me anë të memorandumit, palët pajtohen për shkëmbimin e përvojave në arsimin profesional dhe trajnim, përfshirë shkëmbimin e informacionit mbi mënyrën e funksionimit të qendrave rajonale për arsimin dhe trajnimin profesional”, thuhet në njoftim.
Në orën 13:45 do të mbahet konferencë e përbashkët për shtyp e kryeministrit të Maqedonisë së Veriut, Mickoski, dhe kryeministrit të Kosovës, Kurti.
Ministri për Çështje Evropiane në Qeverinë e Maqedonisë së Veriut, Orhan Murtezani, më 30 tetor kishte paralajmëruar takimin ndërmjet dy qeverive dhe kryeministrit Hristijan Mickoski dhe Albin Kurti.
Ndryshe, në takimin bilateral ndërmjet kryeministrit të Kosovës, Albin Kurti, dhe kryeministrit të Maqedonisë së Veriut, Hristijan Mickoski, më 5 gusht ndër të tjera u diskutua edhe për organizmin e seancës së përbashkët qeveritare deri në fund të vitit 2024. Paraprakisht, në vitin 2022 dhe 2023 ishte planifikuar organizmi i seancës së dytë të përbashkët ndërmjet Qeverisë së Kosovës dhe Maqedonisë së Veriut, por nuk ishte realizuar.
Kosova dhe Maqedonia e Veriut kanë filluar disa projekte që prekin interesat e të dy vendeve, si rruga Shkup – Bllacë, Prizren – Tetovë dhe pika e përbashkët kufitare “One Stop Shop”, si një zgjidhje për tejkalimin e kolonave të gjata në kalimet Në lidhje me projektin e fundit, në muajin qershor filloi punën edhe Komiteti i Përbashkët i Ekspertëve të Republikës së Kosovës dhe Republikës së Maqedonisë së Veriut”.
Kuvendi i Republikës së Maqedonisë së Veriut sot do ta mbajë seancën e re të 19-të.
Para deputetëve si pikë nga rendi i ditës në këtë seancë është edhe Propozim ligji për ndryshim dhe plotësim të Ligjit për pagë minimale në Republikën e Maqedonisë së Veriut, të parashtruar me procedurë të shkurtuar nga deputetët e LSDM-së. Me zgjidhje ligjor pritet që vlera e pagës minimale në Republikën e Maqedonisë së Veriut të arrijë 27.700 denarë në neto vlerë. Siç theksohet në zgjidhjen ligjore të publikuar në ueb faqen e Kuvendit, zbatimi pritet të fillojë me pagesën e pagës për muajin nëntor të vitit 2024 e cila do të paguhet në muajin dhjetor të vitit 2024. Zbatimi i ligjit do të shkaktojë implikime financiare mbi Buxhetin e Republikës së Maqedonisë së Veriut në vlerë prej 93.000.000 denarë.
Në rend dite është Propozim ligji për ndryshim dhe plotësim të Ligjit për tatim të vlerës së shtuar, të parashtruar nga deputetët e LSDM-së me procedurë të shkurtuar. Me propozim ligjin rritet standardi i qytetarëve, u mundësohet shportë më e madhe konsumatore kategorive më të ndjeshme të qytetarëve. Me ndryshimet e ligjit pritet që produktet bazike për ushqim të fëmijëve të lirohen nga procedura tatimore preferenciale prej 5 përqindëve. “Me nenin 2 vendoset nen i ri 30-g, me të cilin rregullohet se produktet bazike për ushqim të njeriut lirohen nga tatimi i vlerës së shtuar ndaj qarkullimit dhe importit dhe se Qeveria përcakton mallrat dhe shërbimet më të afërta që bëjnë pjesë në këtë kategori.
Në lexim të parë të kësaj seance janë – Propozim ligji për ndryshimin dhe plotësimin e Ligjit për akciza, Propozim ligji për ndryshimin dhe plotësimin e Ligjit për regjistër të posaçëm për personat e dënuar me aktgjykim të formës së prerë për krime të keqpërdorimit seksual, të të miturve dhe pedofili, Propozim ligji për ndryshim dhe plotësim të Ligjit për kulturë, Propozimi për ndryshim dhe plotësim të ligjit për gjendjen civile, Propozim i ligji për ndryshimin dhe plotësim të ligjit për pastërtinë publike, Propozim ligji për ndryshimin dhe plotësimin e Ligjit për varrezat dhe shërbimet funerale, Propozim ligji për ndryshimin dhe plotësimin e Ligjit për veprimtari komunale. Në lexim të dytë Propozim ligji për ndryshimin dhe plotësimin e Ligjit për koncesione dhe partneritet publiko-privat dhe Propozim ligji për ndryshimin dhe plotësimin e Ligjit për bashkëpunim ndërkomunal dhe Propozim ligji për ndryshimin dhe plotësimin e Ligjit për zhvillm rajonal të balancuar, me procedurë të shkurtuar.
Gjithashtu para deputetëve janë edhe Raporti vjetor për punën e Këshillit shtetëror për parandalimin e delikuencës fëmijërore dhe për gjendjen në fushën e të drejtës dhe fëmijës dhe delikuencës fëmijërore për vitin 2023 dhe Planit financiar të Ndërmarrjes publike radiodifuzive Radiotelevizioni i Maqedonisë për vitin 2025.
Lajme nga vendi
Kujt po i pengon biblioteka e librit shqip në Manastir,nxënësit shqiptarë po pengohen, reagon Emira Selimi
Themeluesja e bibliotekës së librit shqip në Manastir, Emira Selimi ka theksuar se institucionet publike shkollore në këtë komunë po pengojnë nxënësit shqiptarë të vizitojnë këtë bibliotekë, sidomos në këtë periudhë të festës së Alfabetit Shqip.
Aj këtë reagim e ka shprehur përmes një porosie në rrjetet sociale:
“Biblioteka Linkest është në kopetencat e organizatës joqeveritare NENTETIUM.
Unë veproj dhe punoj duke respektuar ligjin dhe statusin e organizatës për “arsim dhe kulturë”.
Unë jam bibliotekë private dhe jo institucion publik, por nga institucionet publike si shkollat nuk mund t’i ndalojnë fëmijët të vinë te unë dhe të marrin libra pasiqë fëmijët vinë me lejet e prindërve.
Ta kemi parasysh që Maqedonia e Veriut është shtet demokratik dhe multi etnik, më e rëndësishmja është që ne jemi pjesë e NATO-s.(INA)
Moti sot në Maqedoninë e Veriut do të jetë me vranësira dhe reshje të shiut.
Në vend do të fryjë një erë e lehtë nga drejtimi veriperëndimor në disa vende shpejtësia e erës do të arrijë mbi 80 km/h.
Temperaturat minimale do të lëvizin prej 2 deri 10, ndërsa temperaturat maksimale do të lëvizin prej 6 deri 13 gradë celsius.
Edhe nesër moti pritet të jetë me reshje lokale të shiut, ndërsa do të fryjë një erë e fortë në drejtimin jugor.
Para deputetëve Propozim-ligji për pagë minimale i parashtruar nga opozita
Kujt po i pengon biblioteka e librit shqip në Manastir,nxënësit shqiptarë po pengohen, reagon Emira Selimi
Moti sot në Maqedoninë e Veriut
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve