Lajme nga vendi
Aleksandar Nikoloski dhe Kaltrina Zekoli Shakiri, kanë zhvilluar sot një takim bilateral me Liburn Aliun, ministrin e Transportit të Kosovës.
Zëvendëskryeministri dhe ministri i Transportit, Aleksandar Nikoloski, së bashku me zëvendësministren e Transportit, Kaltrina Zekoli Shakiri, kanë zhvilluar sot një takim bilateral me Liburn Aliun, ministrin e Transportit të Kosovës.
Takimi u zhvillua në kuadër të seancës së përbashkët mes qeverive të Maqedonisë dhe Kosovës.
Në fokus të takimit ishte lidhja cilësore mes dy vendeve me theks të veçantë në lidhjet rrugore dhe hekurudhore.
Zëvendëskryetari dhe ministri i Transportit Nikoloski theksoi se Maqedonia ka hyrë në një cikël të fuqishëm investues në ndërtimin e një rrjeti modern rrugor dhe hekurudhor, ndërsa theksoi se nuk ka asnjë devijim nga lidhja autostrade mes dy vendeve. Në takim u diskutua edhe për çështjen e rivendosjes së trafikut hekurudhor dhe ndërtimin e stacionit të përbashkët hekurudhor.
“Ne kemi marrëdhënie të mira bilaterale me Kosovën dhe këtë e vërteton edhe seanca e sotme e përbashkët mes dy qeverive. Kosova është fqinji ynë, një partner i rëndësishëm ekonomikisht dhe ne duhet të punojmë së bashku për zhvillimin dhe bashkëpunimin rajonal. Me ministrin Aliu diskutuam për projekte të përbashkëta për të përshpejtuar zhvillimin ekonomik të rajonit dhe për të kontribuar në komunikim më të mirë, lehtësimin e transportit dhe krijimin e kushteve më të mira për qytetarët dhe kompanitë”, tha zëvendëskryeministri dhe ministër i Transportit, Aleksandar Nikoloski.
Në takim u diskutua edhe për përmirësimin e kushteve në transportin rrugor dhe transportin e udhëtarëve.
Ministrat ranë dakord të intensifikojnë bashkëpunimin dhe të promovojnë politikat që lidhen me lidhjen rajonale.
Lajme nga vendi
Durmishi: Masat po japin rezultat, çmimet e produkteve bazë ushqimore po stabilizohen, inflacioni në muajin mars u ul me 1.3% në nivel mujor
Inflacioni në mars 2025 krahasuar me muajin shkurt shënoinjë rënie prej -1.3%, të dhëna këto të Entit Shtetëror të Statistikave, njoftoinë rrjetin social Facebook ministri i Ekonomisë dhe Punës Besar Durmishi.
“Masat e Ministrisë së Ekonomisë dhe Punës po japin rezultat.Çmimet e produkteve ushqimore bazë janë në stabilizim dhe në rënie.Në nivel vjetor në mars 2025 krahasuar me mars 2024, inflacioni i matur për mes kostos së jetesës është 2.7%. Në vazhdimësi popunohet në masa për përmirësimin e standardit të qytetarëve dhe stabilizimin e çmimeve”, ka shkruar ministri Durmishi.
Qeveria, me propozim të Ministrisë së Ekonomisë dhe Punës, mori vendim për kufizimin e marzhit bruto të fitimit të 102 grupeve të produkteve ushqimore bazë, si dhe vendim për përcaktimin e çmimeve më të larta të 8 grupeve të produkteve ushqimore bazë. Këto dy vendime kanë hyrë në fuqi më 20 shkurt dhe do të vlejnë deri më 30 prill 2025.
Vendimi për të kufizuar marzhin bruto të fitimit në tregtinë me shumicë dhe pakicë në 102 grupe produktesh ose mbi 1000 produkte ushqimore dhe joushqimore përfshin:
5% marzh fitimi bruto në bazën 8 produkte ushqimore qumësht, bukë, miell (lloji 400 dhe tip 500, vezë, vaj gatimi, dhe kos)
10% marzh fitimi bruto për produktet ushqimore, i cili përfshin një grup prej 55 produkteve ushqimore (mish dhe produkte mishi, sheqer, produkte qumështi, margarinë, gjalpë, perime dhe fruta të konservuara, fasule, oriz, makarona)
15% marzh fitimi bruto për 39 produkte ushqimore dhe produkte higjienike (fruta dhe perime të freskëta, detergjentë, ushqim për fëmijë, pelena, sapun, letër higjienike dhe të tjera.
Po ashtu u ngrinë çmimet e 8 grupeve të produkteve ushqimore bazë :qumështi, buka, mielli (lloji 400 dhe tipi 500), vezët, vaji i gatimit, kosi etj.
Qëllimi i këtyre masave është mbrojtja e standardit të qytetarëve, ulja e çmimeve të produkteve ushqimore bazë dhe stabilizimi i inflacionit.
Lajme nga vendi
Mickoski shuan dilemat, tregon nëse do të ketë rikonstruktim të qeverisë para zgjedhjeve lokale!
Pas mos-marrëveshjeve në VLEN, kryeministri Hristijan Mickoski u pet nëse do të ketë ndryshime në qeveri, para zgjedhjeve lokale. Ndryshe nga zv/kryeministri Izet Mexhiti, i cili sot tha se teorikisht duhet të ketë rikonstruktim të qeverisë, Mickoski thotë se ndryshime në qeveri nuk do të ketë.
https://www.facebook.com/tv21hd/videos/4068079720003830/?ref=embed_video
Kryeministër Mickoski, a është planifikuar rikonstruktim i qeverisë para zgjedhjeve?
“Jo!”, tha Mickoski.
Mirë, si janë marrëdhëniet me koalicionin VLEN?
“Në koalicion, shkëlqyeshëm!”, shtoi Mickoski.
Lajme nga vendi
Të gjitha çmimet e derivateve në Maqedoninë e Veriut, pas mesnate do të lirohen për gjysmë denari
Nga Komisioni Rregullator për Energjetikë njoftojnë se çmimet e derivateve pas mesnate do të jenë:
Benzina BS-95 76,0 den/l
Benzina BS-98 78,5 den/l
Nafta 68,5 den/l
Vaji ekstra i lehtë 68,5 den/l
Durmishi: Masat po japin rezultat, çmimet e produkteve bazë ushqimore po stabilizohen, inflacioni në muajin mars u ul me 1.3% në nivel mujor
Maltina Ahmeti merr vendin e dytë në garat prestigjioze të violinës të mbajtura në Sofje, Bullgari
Mickoski shuan dilemat, tregon nëse do të ketë rikonstruktim të qeverisë para zgjedhjeve lokale!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve