Social Demokratët e kancelarit Olaf Solz dhe ligjvënësit e opozitës kanë arritur një marrëveshje për të mbajtur zgjedhje të parakohshme federale më 23 shkurt, sipas zyrtarëve qeveritarë me njohuri për bisedimet, të cilët kërkuan që diskutimet mbi planet të mbeten konfidenciale.
Siç raporton Bloomberg, Soltz-it do t’i duhet të aktivizojë votën kombëtare duke e paraqitur fillimisht dhomën e ulët të parlamentit për votëbesimin. Ky votim ndoshta do të mbahet në dy javët e para të dhjetorit dhe pasi kancelari ta humbasë atë, ai mund t’i kërkojë presidentit të shpërndajë parlamentin dhe të caktojë një datë zgjedhjesh brenda 60 ditëve.
Carsten Linnemann, sekretari i përgjithshëm i Bashkimit Kristian Demokrat të opozitës, i tha televizionit ZDF të martën se zgjedhjet e parakohshme mund të mbahen më 16 ose 23 shkurt.

“Zgjedhjet e reja janë të nevojshme sa më shpejt të jetë e mundur,” tha ai.

Soltz ka thënë se është i hapur për ta zhvendosur votën e besimit përpara Krishtlindjeve, pasi fillimisht synonte mesin e janarit. Ai tha se përshpejtimi i orarit do të varet nga një marrëveshje midis krerëve parlamentarë të partisë së tij dhe dy grupeve që mbështesin sfiduesin e tij Friedrich Merz, kristian-demokratin që konkurron për kancelar.

Ekonomia më e madhe e Evropës u zhyt në pasiguri politike javën e kaluar pasi Scholz shkarkoi Ministrin e Financave Christian Lindner të Partisë Demokratike të Lirë, duke shpërbërë koalicionin qeverisës në një grindje për huadhënien e parave për të rritur mbështetjen ushtarake për Ukrainën.

Ndërsa sondazhet tregojnë se Mertz kryeson në zgjedhje, Scholtz shprehu besimin të dielën se ai mund të fitojë, duke thënë se ai ka sfiduar shifrat e dobëta të sondazheve në të kaluarën, përpara se të fitonte kancelarin në vitin 2021. Ai gjithashtu tha se pret që partia e tij ta mbështesë atë për të kërkuar një mandat tjetër.(BalkanWeb)

Advertisement

Presidenti i zgjedhur amerikan, Donald Trump, ka bërë të ditur se do të rikthejë zyrtarin me qasje të ashpër kundër imigrimit, Tom Homan, për të mbikëqyrur kufijtë shtetërorë në administratën e ardhshme.

Republikani 78-vjeçar është zotuar se qysh në ditën e parë të presidencës së tij, do të nisë operacionin më të madh në historinë amerikane, duke dëbuar imigrantët pa dokumente.

“Jam i lumtur të njoftoj se ish-drejtori i Kontrollit Kufitar, Tom Homan, do t’i bashkohet administratës Trump, i angazhuar për kufijtë kombëtarë (Cari kufitar)”, ka shkruar Trump në platformën e tij sociale, Truth Social.

“E njoh Tomin për kohë të gjatë, nuk ka asnjë njeri që mund të kontrollojë më mirë kufijtë tanë”.

Homan do të jetë i angazhuar për “dëbimin e të huajve që paligjshëm për në vendlindje”, ka shtuar Trump.

Advertisement

Ish-presidenti amerikan i ka fituar bindshëm zgjedhjet e 5 nëntorit, ndërsa gjatë fushatës zgjedhore e ka përsëritur disa herë se do t’i dëbojë imigrantët pa dokumente dhe ka çuar përpara retorikë të dhunshme për ata që “helmojnë gjakun” e Shteteve të Bashkuara.

Ndonëse Qeveritë amerikane kanë probleme me vite në menaxhim të kufirit jugor me Meksikën, Trump i ka rritur edhe më shumë shqetësimet, duke pretenduar se është duke ndodhur një “pushtim” i SHBA-së nga migrantët, të cilët do t’i dhunojnë dhe vrasin amerikanët.

Megjithatë, statistikat tregojnë se dhuna dhe krimi në këtë zonë kufitare, që ishin rritur gjatë administratës së parë të Trumpit, është zvogëluar vit pas viti në administratën aktuale të presidentit Joe Biden.

Presidenti rus Vladimir Putin nuk e ka ndërmend ta urojë Donald Trump, bëri të ditur Dmitry Peskov, zëdhënës i Kremlinit.

“Të mos harrojmë se po flasim për një vend jomik që është i përfshirë drejtpërdrejt dhe indirekt në luftën kundër shtetit tonë”, ka thënë ai.

Peskov tha se Rusia po monitoron me kujdes informacionin mbi zgjedhjet në SHBA dhe nuk ka gjasa të japë një vlerësim zyrtar derisa të shohë “fjalë dhe veprime konkrete”.

“Ende duhet pritur, duke pasur parasysh se presidenti aktual i SHBA-së do të qëndrojë në detyrë për gati një muaj e gjysmë tjetër”, tha Peskov në një konferencë për shtyp të mërkurën.

Peskov theksoi se Trump dha “deklarata të rëndësishme”, përfshirë atë që Kremlini e quajti “dëshirën e tij për t’i dhënë fund politikave të vazhdueshme të zgjatjes së luftërave të vjetra dhe luftërave të reja”.

Advertisement

“Ndërsa ai përgatitet për të hyrë, ose kur ka hyrë tashmë në Zyrën Ovale, ne e kuptojmë se ndonjëherë deklaratat marrin një ton tjetër. Prandaj, ne po analizojmë me kujdes gjithçka, po vëzhgojmë dhe do të nxjerrim përfundime bazuar në fjalë dhe veprime specifike”, tha Peskov.

“Ne kemi thënë në mënyrë të përsëritur se SHBA-ja është në gjendje të ndihmojë për t’i dhënë fund konfliktit. Sigurisht, kjo nuk mund të arrihet brenda natës”.

Kur u pyet nëse Trump mund të ofendohej nga mungesa e urimeve të Putinit, zëdhënësi i Kremlinit shtoi: “Është praktikisht e pamundur që marrëdhëniet të përkeqësohen më tej. Marrëdhëniet janë aktualisht në pikën më të ulët historike”. /Insajderi.org/