Lajme nga rajoni
Studentët nga Afrika dhe Azia në Gjirokastër mbushin auditorët e mbetura bosh, pritet vendim nga Ministria
Universiteti “Eqerem Çabej” në Gjirokastër, është përballur këtë vit të ri akademik me një rritje masive aplikimesh, nga studentë nga Afrika Veriore dhe Azia.
Gazetari Rigels Malile, bëri të ditur se shumica e tyre janë nga Egjipti, Bangladeshi, India, Algjeria e vende të tjera.
Sipas tij, qëllimi i tyre mbetet pajisja me lejeqëndrimi për të kaluar më pas në Europë.
“Fenomeni që vihet re, sipas rektorit Jaho Canaj është aplikimi në mënyrë masive i të rinjve nga vendet e treta Egjipti, Bangladeshi, India, Algjeria e vende të tjera. Kjo nuk është thjesht një dëshirë për të studiuar, por mbetet në kuadër të përfitimit të dokumentacionit për të ardhur në Shqipëri dhe për të kaluar më pas në Europë”.
Bazuar në deklaratat e rektorit të këtij Universiteti, gazetari raportoi se ende nuk ka një kuadër ligjor për pranimin e tyre dhe një pjesë janë në listë pritje, deri sa të merret një vendim nga Ministria e Arsimit.
“Shqipëria nuk ka një kuadër ligjor për të pranuar studentë nga vende të huaja, përpos bashkëpunimeve me universitete dhe në këtë prizëm universiteti “Eqerem Çabej” nuk ka pranuar studentë që aplikojnë në faqen zyrtare, por po bashkëpunon me Ministrinë e Arsimit për të vendosur një kuadër ligjor dhe të vendosen disa kritere se cilët studentë mund të pranohen dhe cilët jo, sepse kërkesat masive mbeten për t’ u pajisur me lejeqëndrimi këtu. Deri tani nuk ka studentë të pranuar, ka studentë që janë lënë në pritje, por është në varësi të vendimit që do të merret nga ministria e Arsimit”, raportoi gazetari.
Studentët e huaj në Gjirokastër, janë të pranishëm prej disa vitesh falë bashkëpunimeve Erasmus mes universitetit “Eqerem Çabej dhe Universiteteve të tjera, kryesisht spanjolle dhe italiane.
Në Gjirokastër, ka edhe studentë nga Lugina e Preshevës.
Gjithashtu, gazetari thekson se studentët nga vendet e huaja, kërkojnë më shumë turizmin dhe degë që kanë të bëjnë me historinë.
Aktualisht, nuk ka asnjë degë të mbyllur në Gjirokastër, regjistrimet vazhdojnë. Por problematika mbetet e njëjtë se degët e mësuesisë janë të gjitha të rrezikuara.
Ka degë me një ose dy studentë dhe presin plotësimin në faza të tjera.
Ndërkohë, ka 800 studentë të huaj që studiojnë në një universitet në Tiranë, 50% e të cilëve janë për mjekësi. Pedagogu Klodian Muço, flet për rritje të kërkesave të të huajve për të studiuar në Shqipëri.
“Numër shumë i lartë kërkesash të studentëve të huaj. Këtë vit ka qenë një konkurrencë e ashpër për të zgjedhur ata 150 vetë që marrim çdo vit nga Italia në vit të parë. Janë mbi 800 italianë. Ka edhe studentë të tjerë nga Maqedonia e Veriut, Kosova, Mal i zi e të tjerë. Te Mjekësia zënë 50% në rang universitar zënë mbi 1/3”./ A2 TV
Zëdhënësja e BE-së, Anitta Hipper në konferencë për media ka njoftuar se ditën e nesërme Përfaqësuesja e Lartë e Bashkimit Evropian, Kaja Kallas pritet të takohet me liderët e Kosovës dhe Serbisë.
E pyetur nëse ky takim do të bëhet në kuadër të dialogut, Hipper mohoi një gjë të tillë.
“Ky nuk është takim në kuadër të dialogut” tha zëdhënësja e BE-së.
Nesër në Bruksel pritet të qëndrojnë liderët e 6 vendeve të Ballkanit Perëndimor. Ata do të kenë takim edhe me Presidentin e KE’së Antonio Kosta. Nuk dihet se në çfarë niveli do të përfaqësohen vendet e 6 vendeve perëndimore atje. Deri tani pjesëmarrjen në Bruksel e ka konfirmuar Presidenti i Serbisë i cili në një konferencë për media ka thënë se në kryeqytetin evropian do të jetë edhe Kurti, por Qeveria e Kosovës ende s’ka bërë ndonjë njoftim.
Lajme nga rajoni
Arrestohet edhe një i dyshuar për sulmin në Ibër Lepenc, në shtëpi i sekuestrohen armë e municion
“Në vazhdimësi të hetimeve lidhur me rastin e sulmit terrorist ndaj infrastrukturës kritike, por edhe rasteve paraprake, nga njësitë relevante hetimore, në bashkëpunim edhe me njësitë tjera policore, me datën 01/12/2024 në orët e mbrëmjes, është arrestuar edhe një i dyshuar (J.V.), nën dyshimin që mund të ketë patur rol të rëndësishëm në kuadër të grupit përgjegjës për rastin e sulmit terrorist ndaj infrastrukturës kritike.”
Policia shton se në bashkëpunim dhe koordinim me Prokurorinë Speciale është kontrolluar shtëpia ku banonte i dyshuari, ku janë sekuestruar dëshmi dhe prova materiale, si më poshtë:
– Katër (4) Granata dore
– Mbi 500 copë municion të kalibrave të ndryshëm
– Dy (2) Karikatorë të armës automatike AK-47
– Një (1) karikatorë i pushkës së gjatë
– Një (1) Radiolidhje
– Një (1) pale dylbi
– Një (1) kamerë kamufluese
– Uniforma ushtarake dhe
– Dokumente të ndryshme
Në Londër në një gare ndërkombëtare, Dr Bardhyl Rraci e ngriti mjekësin kosovare në vendin e parë, duke mare titullin “Kirurgu oral ma i mire në Bote ne vitin 2024”.
Në eventin ndërkombëtar që mbahet çdo vit në Londër, ku ndahen çmime për profesionistët më të mirë shëndetësorë nga British Healthcare Aëards dhe International Award of Excellence, Dr. Bardhyl Rraci ishte nominuar si: Kirurgu Oral më i Mirë i Vitit 2024 dhe kishte arritur deri në finale! Mbrëmë, në një konkurrencë globale, ai fitoi çmimin e merituar për punë ekselente: “Kirurgu Oral i Vitit 2024”, duke ngritur kështu kirurgjinë orale të Kosovës në vendin e parë në nivel ndërkombëtar.
Bardhi prezantoi rezultate të shkëlqyera të punës së tij me implante dentare në zonën estetike, trajtime bashkëkohore dhe të avancuara me implante, trajtime dentare të nofullave atrofike, ekstraksione të ndërlikuara të dhëmbëve të impaktuar, operacione të buzës dhe gingivës për qëllime estetike, etj.
Përshtypjet e pacientëve të trajtuar nga ai (kombëtarë dhe ndërkombëtarë), me rezultat shembullor 5.0 (mbi 17 vite punë), padyshim ishin ndër arsyet kryesore që e çuan drejt këtij çmimi.
Sofistikimin profesional dhe shkathtësitë kirurgjike, Rraci i ngriti në këtë nivel duke kërkuar dituri dhe ndjekur trajnime në universitetet më të njohura botërore.
“Ky çmim tregon nivelin e lartë të shëndetësisë në vendin tonë. Aq sa është i imi, është edhe çmim i të gjithë profesorëve, mentorëve dhe atyre që bashkudhëtuam me shumë përkushtim dhe mund drejt ekselencës! Kemi qenë shpesh të injoruar edhe nga pothuajse të gjithë fqinjët tanë. Sot, nëse nuk jemi në krah me ta, jemi përpara tyre, dhe kjo na bën krenarë!”, ka theksuar ai.RTKlive
VLEN: BDI interpelancë duhet t’i bëjë vetes
Prokuroria me detaje për zjarrin në Odën e Avokatëve: Dëmi është mbi nëntë milion denarë
RMV, nxënësit korrigjuan notat në ditarin elektronik, MASh kërkon që të gjithë prindërit dhe mësuesit të ndryshojnë fjalëkalimet
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve