Gjatë natës zona e Jabllanicës është goditur nga një stuhi e tmerrshme, si dhe nga një tërmet.

Në veçanti ka pësuar fshati Zllatë afër Jabllanicës, ku së paku tre persona kanë vdekur.

 

Vërshimet e tmerrshme kanë shkaktuar edhe dëme të mëdha materiale, siç dëshmojnë fotografitë nga fshati Zllatë.

 

Madje sipas fotove të postuara nga media e Bosnjes N1 shihet edhe një xhami e përmbytur.

Deri më tani është konfirmuar se të paktën pesë persona kanë humbur jetën nga përmbytjet katastrofike.

Advertisement

Ministri i Mbrojtjes i Bosnjës dhe Hercegovinës, Zukan Helez tha se deri më tani sipas informacioneve të ende të pakonfirmuara janë 20 viktima si pasojë e përmbytjeve dhe rrëshqitjeve katastrofike në këtë shtet.

Ky informacion ende nuk është konfirmuar zyrtarisht nga Ministria e Brendshme.

Ndërkohë, Darko Juka, zëdhënës i Qeverisë së kantonit Hercegovinë-Neretva, ka bërë të ditur se janë gjetur 14 kufoma dhe se ka edhe viktima të tjera, gjersa situata më kritike është në zonën e Jabllanicës së Poshtme.

“Gruaja shtatzënë, fëmija i së cilës vdiq në barkun e saj, u evakuua nga zonat e prekura nga përmbytjet në jug të Bosnjë dhe Hercegovinës dhe u operua në Mostar”, tha Lamija Duranoviq, drejtoreshë e Spitalit Kantonal “Dr. Safet Mujiq”, për Radion Evropa e Lirë.

Advertisement

Presidenca e Bosnje-Hercegovinës ka marrë vendim për angazhimin e Forcave të Armatosura të Bosnjë-Hercegovinës në Jabllanicë, e cila u godit nga një përmbytje katastrofike pas reshjeve të mëdha të shiut gjatë natës së kaluar.

Dhjetëra gra e vajza po aftësohen në artizanate të ndryshme në kuadër të kurseve që organizohen nga Komuna e Prizrenit, në saje të bashkëpunimit me Komunën e Konyas nga Turqia.

Drejtori i Turizmit dhe Zhvillimit Ekonomik në Komunën e Prizrenit, Ramadan Tarashaj gjatë hapjes së edicionit të sivjetmë të trajnimeve ka theksuar se kurset për aftësim në zanate dhe punime të dorës ofrojnë mundësi të reja për vetëpunësim për gratë dhe vajzat e Komunës së Prizrenit, raporton Telegrafi.

“Kurset përfshijnë fusha të ndryshme si: dizajn për veshje (modë), mefrushat, djegie në dru, reliev në letër, dizajnimi i bizhuterive dhe qëndisje në fjongo”, ka thënë Tarashaj.

Njëra prej pjesëmarrësve të këtyre kurseve, Aida Dauti ka bërë të ditur se ka marrë pjesë edhe herën e kaluar në kursin e djegies në dru dhe të relievit në letër.

“Është një kurs relaksues, shumë i  mirë dhe mund të them që ka edhe përfitime. Jam e lumtur që më është dhënë rasti të përfitoj edhe më shumë dije”, ka thënë ajo.

Advertisement

Ndërkaq pjesëmarrësja tjetër, Florije Krasniqi ka pohuar se ka ardhur që ta përvetësojë pirografinë.

“Gratë që kërkojnë një lloj qetësie të brendshme mund të merren me këto punime, për arsye se i relakson”, ka deklaruar ajo.

Ndërsa trajnerja për dizajnimin e bizhuterive dhe qëndisjes në fjongo, Shpresa Makasqi ka theksuar se interesimi i grave për këto kurse tremujore po shtohet prej vitit në vit.

“Të gjitha zejet janë të veçanta, interesimi është shumë i madh. Për cdo kurs të radhës po shtohet interesimi”, ka thënë ajo.

Një gjë e tillë është konfirmuar edhe nga trajnerja e dizajnit të modës, Hykmete Celina.

Advertisement

Sipas njoftimit të zyrtarëve komunalë, ky projekt mbështetet nga Komuna e Prizrenit dhe Komuna e Konyas, me ç‘rast parashihet aftësimi i 60 pjesëmarrëseve, të cilat do të kenë mundësi të zhvillojnë aftësi të reja për artizanatet tradicionale dhe moderne, duke krijuar mundësi për vetëpunësim dhe përfshirje në tregun e punës.