Lajme nga vendi
S’ka ligj që dënon abuzimin seksual përmes imazheve dhe videove
Një nga format më të zakonshme të dhunës seksuale dixhitale është publikimi i imazheve, videove apo përmbajtjeve audio me konotacion seksual, ndërsa situata është ndërlikuar edhe më tej me shfaqjen e inteligjencës artificiale, e cila mundëson krijimin e lehtë të imazheve false, të njohura si “deepfake”.
Kjo formë e dhunës seksuale në Maqedoninë e Veriut ende nuk është e përcaktuar në mënyrë specifike si krim derisa ekspertët ligjor vlerësojnë se rregullimi ligjor i kësaj forme të dhunës është dukshëm prapa. Këtë e ka konfirmuar edhe Martina Draganovska Martinova, hulumtuese juridike si dhe autore e raportit “Forcimi i mbrojtjes ligjore kundër dhunës seksuale përmes imazheve dhe teknologjisë “deepfake”, raport i cili së fundmi u prezantua në një panel diskutimi. Sipas saj, dispozitat ekzistuese të Kodit Penal mbulojnë vetëm pjesërisht dhe rastësisht këtë lloj të dhunës, pa një drejtim apo dispozitë të caktuar ligjore që do ta trajtonte këtë problem në mënyrë sistematike. “Kur i analizova dispozitat ligjore ekzistuese, arrita në përfundim se dhuna seksuale përmes imazheve mbulohet vetëm pjesërisht nga disa dispozita të izoluara, pa një rregullim të qartë ligjor që do ta trajtonte këtë lloj dhune. Kjo nënkupton se ligjvënësi nuk i ka kushtuar rëndësi të veçantë këtyre problemeve”, u shpreh Draganovska Martinova.
Në panel ajo theksoi gjithashtu se viktimat më të shpeshta të kësaj dhune janë femrat, ndërsa dhunuesit zakonisht janë meshkuj. Një dhunë e tillë ndodh nëpërmjet rrjeteve sociale, e-maileve ose mesazheve celulare ndërsa viktimat përballen me pasoja të rënda si ankthi, depresioni dhe humbja e vendeve të punës.
“Pasojat për viktimat janë të gjera, shumë prej tyre përballen me frikën e largimit nga shtëpitë e tyre, vuajnë nga sulme paniku dhe depresioni dhe shpesh kanë probleme në gjetjen e punës. Kjo është një nga arsyet pse është e nevojshme të kriminalizohet kjo lloj dhune përmes imazheve, si dhe krijimi dhe përdorimi i teknologjisë ‘deepfake’”, shtoi ajo.
Si përfundim kryesor i analizës së saj, ajo tha se nevojitet një dispozitë e re dhe e specializuar ligjore që do të kriminalizojë përdorimin e imazheve dhe videove me përmbajtje seksuale pa pëlqimin e personit në fjalë, pa pasur nevojë të vërtetohet qëllimi i kryerësit. “Ne kemi nevojë për një dispozitë ligjore e cila në mënyrë të qartë ndalon publikimin e përmbajtjeve seksualisht eksplicite, pa pëlqimin e viktimës, ndërsa dispozita duhet të zbatohet në detyrë zyrtare për të siguruar që autorët të ndiqen penalisht”, përfundoi ajo.
Që rregullimi ligjor për dhunën digjitale në Maqedoninë e Veriut është i paplotë u pajtua edhe profesoresha e të drejtës penale, Aleksandra Deanovska Trendafilova, e cila theksoi se është e nevojshme të bëhen ndryshime në ligjet që do të rregullojnë këtë fushë.
“Vendi ynë ende nuk është vonë, pasi edhe në kontekstin global, pak vende e trajtojnë “deepfake” si një krim më vete. Por, është e nevojshme të merren masa urgjente në këtë drejtim, sepse kjo lloj teknologjie paraqet kërcënim serioz për privatësinë dhe sigurinë e qytetarëve”, theksoi Deanovska Trendafilova.
Sipas MPB-së, deri më tani nuk ka raportime për raste të dhunës digjitale përmes “deepfake”. Megjithatë, ekspertët bëjnë thirrje për rritjen e ndërgjegjësimit dhe parandalimit, veçanërisht në mesin e popullatës së re, e cila më së shpeshti është e ekspozuar ndaj rreziqeve të tilla. (koha.mk)
Lajme nga vendi
Ministria e Infrastukturës jep dy kontrata me negocim në vlerë rreth 1.5 milion euro për punë shtesë në rrugën Prizren-Tetovë
Ministria e Infrastukturës do të nënshkruajë sot dy kontrata me procedurë të negocuar pa publikim të kontratës në vlerë rreth 1.5 milion euro për punë shtesë në rrugën Prizren-Tetovë, shkruan Reporteri.net.
Kontratat janë dhënë për Lotin 1 dhe Lotin 3. Për kontratën me titull “Ndërtimi i rrugës Prizren – Kufiri me Maqedonin e Veriut (Tetovë), segmenti Struzhë – Kyçja në Autoudhën dr.Ibrahim Rugova në Prizren – Jug Loti 3”, vlera është 834 mijë e 424 euro. Për këtë lot, me kontratë është shëprblyer kompania “EUROKOS HOLDING SH.P.K”.
Ministria e Infrastukturës do të nënshkruajë sot dy kontrata me procedurë të negocuar pa publikim të kontratës në vlerë rreth 1.5 milion euro për punë shtesë në rrugën Prizren-Tetovë, shkruan Reporteri.net.
Kontratat janë dhënë për Lotin 1 dhe Lotin 3. Për kontratën me titull “Ndërtimi i rrugës Prizren – Kufiri me Maqedonin e Veriut (Tetovë), segmenti Struzhë – Kyçja në Autoudhën dr.Ibrahim Rugova në Prizren – Jug Loti 3”, vlera është 834 mijë e 424 euro. Për këtë lot, me kontratë është shëprblyer kompania “EUROKOS HOLDING SH.P.K”.
Kontrata tjetër, ajo për Lotin 1 është në vlerë 653 mijë e 715. Punimet do t’i kryej konsorciumi “4 A-M; PREMIUM BETON SH.P.K.; GPG Company Sh.p.k”.
Të dy kontratat janë dhënë dje, teksa nënshkrimi i tyre është planifikuar të bëhet sot.
MI kishte nënshkruar kontratat për këtë rrugë në vlerë 32 milionë euro në gusht të vitit 2024.
Për Lotin 1, ishte dhënë kontratë në vlerë 8 milionë euro, për Lot 2 15 milionë e 600 mijë euro, por që pastaj ishte kthyer në rivlerësim dhe për Lotin 3 në vlerë 8 milionë e 346 mijë e 804 euro.
Pas nënshkrimit të këtyre dy kontratave, Ministri i Infrastukturës, Libur Aliu, kishte thënë se ajo kjo rrugë mundëson edhe hapjen e një korridori të ri rrugor me ndikim ekonomik për të dyja vendet
“Kjo rrugë i lidhë dy autostrada ndërkombëtare të cilat kalojnë në të dy anët e maleve të Sharrit, dhe lidhja e këtyre dy rrugëve në pikën më të afërt mes tyre, përveç se i afron dy qytetet dhe dy shtetet tona, ajo mundëson edhe hapjen e një korridori të ri rrugor me ndikim ekonomik për të dyja vendet”, kishte shkruar Aliu para tetë muajsh./Reporteri.net
Kontrata tjetër, ajo për Lotin 1 është në vlerë 653 mijë e 715. Punimet do t’i kryej konsorciumi “4 A-M; PREMIUM BETON SH.P.K.; GPG Company Sh.p.k”.
Të dy kontratat janë dhënë dje, teksa nënshkrimi i tyre është planifikuar të bëhet sot.
MI kishte nënshkruar kontratat për këtë rrugë në vlerë 32 milionë euro në gusht të vitit 2024.
Për Lotin 1, ishte dhënë kontratë në vlerë 8 milionë euro, për Lot 2 15 milionë e 600 mijë euro, por që pastaj ishte kthyer në rivlerësim dhe për Lotin 3 në vlerë 8 milionë e 346 mijë e 804 euro.
Pas nënshkrimit të këtyre dy kontratave, Ministri i Infrastukturës, Libur Aliu, kishte thënë se ajo kjo rrugë mundëson edhe hapjen e një korridori të ri rrugor me ndikim ekonomik për të dyja vendet
“Kjo rrugë i lidhë dy autostrada ndërkombëtare të cilat kalojnë në të dy anët e maleve të Sharrit, dhe lidhja e këtyre dy rrugëve në pikën më të afërt mes tyre, përveç se i afron dy qytetet dhe dy shtetet tona, ajo mundëson edhe hapjen e një korridori të ri rrugor me ndikim ekonomik për të dyja vendet”, kishte shkruar Aliu para tetë muajsh./Reporteri.net
Pavarësisht se jemi në vitin 2025, studentët në universitetet shtetërore të vendit po vazhdojnë të përdorin indekse tradicionale, duke mbajtur ato në duar, pa pasur mundësinë për të përdorur një indeks elektronik. Ky fenomen ka ngelur si pasojë e një pengesë administrative , duke e bërë këtë proces të dështuar. Megjithatë, një hap i rëndësishëm ka ndodhur së fundmi. Me iniciativë të Kuvendit Studentorë të Universitetit “Shën Kirili dhe Metodi” (UKM), një ndryshim i rëndësishëm është realizuar në Rregulloren që rregullon përmbajtjen dhe formatin e diplomave, si dhe dokumenteve të tjera të rëndësishme. Ky ndryshim është publikuar në “Gazetën Zyrtare të Maqedonisë së Veriut”, dhe ka sjellë mundësinë për implementimin e indeksit elektronik, duke kaluar mbi pengesat administrative të deritanishme.
“Me iniciativë të Kuvendit Studentor të UKIM-it, është bërë një ndryshim i rëndësishëm në Rregulloren për përmbajtjen dhe formatin e diplomave, udhëzimet për përgatitjen e shtojcës së diplomës dhe dokumenteve të tjera publike, të publikuara në Gazetën Zyrtare të RMV, nr. 67 më 28.3.2025”, thonë ata.
Njëkohësisht, digjitalizimi ka qenë një prioritet edhe për Organizatën Kombëtare Studentore. Ata, me mbështetje nga Fondacioni për Demokraci të Westminster-it, realizuan një studim mbi gjendjen aktuale të digjitalizimit në arsimin e lartë, dhe zhvilluan një plan aksional për modernizimin e këtij sektori. Kjo ka çuar në një bashkëpunim me disa institucione për të përshpejtuar digjitalizimin dhe për të siguruar një administratë studentore më efikase.
“Si përfaqësues studentorë, ne mbetemi të angazhuar në përmirësimin e të drejtave të studentëve dhe modernizimin e proceseve akademike. Futja e indeksit elektronik nuk është vetëm një ndryshim teknik, por edhe një hap thelbësor për një proces administrativ më të thjeshtë dhe për qasje më të lehtë në informacion për të gjithë studentët”, përfundojnë përfaqësuesit e studentëve. Ndryshe, siç theksojnë ata, ky hap do të lehtësojë jetën e studentëve dhe administratës, duke krijuar një sistem më të shpejtë, më të sigurt dhe më efikas. (koha.mk)
Universiteti i Evropës Juglindore ka hapur dyert sot për maturantët, duke promovuar fakultetet dhe programet studimore që ofron ky universitet, shkruan Alsat.
Në UEJL ofrohen edhe studime të personalizuara, por edhe programe të reja të përvitshme, për të cilat studentët shprehin interesim dhe tregojnë rregullshmëri në ndjekjen e ligjëratave, u shpreh me rektori i UEJL-së, Abdylmenaf Bexheti.
Ai më tej shtoi se një nga arsyet kryesore se persë duhet të zgjidhet UEJL, është pikërisht punësueshmëria e madhe e studentëve të UEJL-së, e cila ka një tregues të lartë mbi 80 për qind.
“Mënyra e të studiuarit në UEJL, duke filluar nga strukturat programore, me njohuritë bazike të shkathtësive të studentëve, e ka dëshmuar edhe tregu i punës. Raportet e rregullta të tregut të punës na flasin se mbi 80 për qind e studentëve të UEJL, punësohen që tre muajt e parë pas diplomimit, në një shkallë të papunësueshmërisë së shtetit me 13 për qind, pra kjo është diçka që dëshmohet vetvetiu. Dhe krejt për fund, mendoj se studentët përshtypjet e tyre i formojnë mbi atë që i pyesin gjeneratat paraprake. Andaj sivjet vazhdojmë me risitë programe, pra kemi edhe dy programe specialistike sidomos, programi një vjeçar i shkencave shëndetësore, dhe ai i masterit të psikologjisë, dy risi që ne i ndjekim në bazë të nevojave të tregut të punës”, tha Abdylmenaf Bexheti. Rektor i UEJL-së.
Ministria e Infrastukturës jep dy kontrata me negocim në vlerë rreth 1.5 milion euro për punë shtesë në rrugën Prizren-Tetovë
INDEKS ELEKTRONIK PËR STUDENTËT! Më në fund nis realizimi i kërkesës së kamotshme
Universiteti i Evropës Juglindore ka hapur sot dyert për maturantët
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve