Lajme nga vendi
Formim i ekipit të posaçëm dhe linjë e hapur ku qytetarët do të mund të paraqesin korrupsionin nëpër institucione
Formim i ekipit të posaçëm dhe linjë e hapur, ku qytetarët do të mund të paraqesin nëse u është kërkuar ryshfet në ndonjë nga institucionet apo nëse dikush qëllimisht po e vonon atë që u takon me ligj dhe sipas procedurës, ka paralajmëruar sonte një gjë të tillë kryeministri Hristian Mickoski.
Siç ka sqaruar ai, pas raportimit nga qytetarët, organet hetimore do të kontaktojnë dhe të gjitha ato “sjellje devijonte brenda institucioneve do të reduktohen, ndërsa autorët do të vihen para drejtësisë”.
Mickoski porositi se nuk duhet bërë shfaqje me krimin, sepse nuk është asgjë e veçantë nëse shteti zbaton rendin dhe ligjet, por se në bazë të informacioneve që ai merr si nieri i parë qeverisë, institucionet ngadalë por sigurt po gjurmojnë se “çfarë është bërë në shtatë vitet e fundit”.
Perceptimi sot, thekson Mickoski, është se jemi shtet kriminal andaj kjo luftë “nga shtatori vetëm se do të intensifikohet” dhe do të zgjasë derisa për ata të cilët ka prova të fuqishme se kanë kryer krime, do të përballen me drejtësinë.
“Besoj në prezumimin e pafajësisë dhe askush nuk është fajtor derisa të vërtetohet e kundërta, por për të gjithë ata për të cilët ka dyshime të arsyeshme për krim të kryer dhe prova të fuqishme, të gjitha ato do të zbatohen dhe këtu nuk ka asnjë parti politike”, deklaroi Mickoski gjatë pjesëmarrjes në TV Alfa.
Ai theksoi se kjo vlen për të gjithë personat e zgjedhur dhe të emëruar, pa dallim nëse janë nga qeveria e kaluar apo nga kjo qeveri nëse kanë gabuar para ligjit.
“Për momentin janë duke u analizuar shumë çështje dhe dosje dhe këto janë ish zyrtarë të lartë. Por të merremi vesh, kjo nuk duhet të perceptohet si një përndjekje politike dhe kjo do të vlejë edhe për të emëruar tani nga kjo qeveri. Nëse kanë gabuar para ligjit, garantoj se do të mbajnë përgjegjësi. Nëse ndonjë prej tyre raportohet dhe ka dyshime të arsyeshme, ta dini se do të jemi të pamëshirshëm”, tha Mickoski.
Lidhur me paralajmërimet për destabilizim të mundshëm të vendit në vjeshtë, Mickoski tha se njerëzit që në shtatë vitet e kaluara e shndërruan vendin si “të tyre dhe menduan se janë të pazëvendësueshëm dhe të përjetshëm” do të kërkojnë grupe të margjinalizuara që për para do t’i motivojnë të destabilizojnë.
“Do të mundohen ta bëjnë përmes tensioneve etnike, sepse nuk kanë rrugë tjetër. Ata nuk mund t’i tërheqin njerëzit, sepse as mbështetësit e tyre nga e kaluara tani nuk i mbështesin. Në mungesë të protestave masive, sepse për ta paratë nuk janë problem, do të kërkojnë grupe të margjinalizuara që me para t’i motivojnë të destabilizojnë. Kjo është rruga e tyre e vetme”, ka thënë Mickoski.
Ato sipas Mickoskit, duan që ne të jemi gjenerues të destabilitetit dhe prandaj, siç theksoi ai, “nuk duhet të lejojmë që kjo të ndodhë dhe të biem pre e atyre provokimeve”.
Lidhur me reformat e paralajmëruara në sistemin e drejtësisë, Mickoski tha se përderisa japin kohë për propozime të ekspertëve, mund të humbet durimi i opinionit dhe “ne të jemi viktimë, për shkak të dështimit të të tjerëve”, duke theksuar se këtë nuk do ta lejojnë.
Lajme nga vendi
Vdes i moshuari në Maqedoninë e Veriut, një javë më parë ishte infektuar nga virusi i Nilit Perendimor
Një pensionist 78-vjeçar nga Obleshev e Kocanit, ka ndërruar jetë një javë pasi u shtrua në Klinikën për Sëmundje Infektive dhe Gjendje Febrile, pas infektimit nga virusi i Nilit Perëndimor. Ky është rasti i parë vdekjeprurës nga kjo sëmundje në vend, dhe i katërti i regjistruar.
Sipas informacionit nga Instituti për Shëndet Publik (ISHP), simptomat e para te pacienti filluan më 9 shtator, me humbje apetite, dobësi dhe temperaturë të ngritur deri në 39°C.
“Për shkak të shqetësimit, agresivitetit, afazisë dhe humbjes së vetëdijes, pacienti më 10 shtator u dërgua me urgjencë në spitalin e Shkupit, ku iu nënshtruan procedurave neurologjike. Për shkak të gjendjes së rëndë dhe diagnozës së encefalitit, ai u dërgua në Klinikën për Sëmundje Infektive dhe Gjendje Febrile në Shkup. U morën mostra për analiza mikrobiologjike. U konfirmua infektimi nga virusi i Nilit Perëndimor. Pavarësisht trajtimit, pacienti ndërron jetë më 16.09.2024”, njofton ISHP.
Rasti i parë i importuar u regjistrua në prill, ndërsa dy të tjerë në korrik dhe gusht të këtij viti.
Pacienti ishte një fermer, babai i dy fëmijëve, dhe nuk kishte udhëtuar jashtë vendit në periudhën e inkubacionit. Në rajonin e Koçanit është regjistruar pranimi i mushkonjave. Autoritetet shëndetësore kanë ndërmarrë masa për dezinfektimin e territorit.
ISHP thekson se sëmundjet e transmetuara nga vektorët po bëhen gjithnjë e më relevante, dhe ndryshimet klimatike ndikojnë në shpërndarjen dhe aktivitetin e tyre. Ka një rrezik të mesëm për popullatën, por mund të minimizohet duke ndjekur rekomandimet për parandalim.
Nesër do të mbajë mot i ndryshueshëm me vranësira dhe me reshje të kohëpaskohshme të shiut, ndërsa në disa vende do të jenë më të rrëmbyeshme të përcjella me bubullima, kumton Drejtoria për Punë Hidrometeorologjike (DPHM).
Temperatura minimale do të sillet në interval prej tetë deri në 15 gradë Celsius, ndërsa ajo maksimale gjatë ditës do të arrijë prej 14 deri në 25 gradë Celsius.
Të shtunën në pjesët perëndimore do të ketë kushte për reshje të dobëta lokale të shiut. Në ditët në vijim do të mbajë mot me diell me vranësira të ulëta deri në mesatare. Temperatura ditore do të jetë në rritje graduale.
Lajme nga vendi
Spitali modular në Klinikën Infektive në Shkup do të përdoret ose nga Burgu i Idrizovës ose nga Ministria e Mbrojtjes
Ministri i Shëndetësisë Arben Taravari njofton se po shqyrtohet nëse spitali modular i vendosur në Klinikën Infektive në Shkup do të merret nga Ministria e Mbrojtjes apo do të transferohet në Burgun e Idrizovës.
Taravari tha se ka vendim të Qeverisë për marrjen e spitalit modular nga Ministria e Mbrojtjes, por se duhet ambulancë edhe në Burgun e Idrizovës.
“Sa i përket spitalit modular të Klinikës Infektive, tashmë ka një vendim të qeverisë me të cilin Ministria e Mbrojtjes duhet ta marrë atë spital. Ekziston një ide tjetër sepse në burgun e Idrizovës duhet spital. Tani jemi në dilemë nëse ai spital modular ta transferojmë atje për të shërbyer si ambulancë në Burgun e Idrizovës”, tha Taravari gjatë vizitës në Spitalin e Shtipit.
Për spitalin modular në Shtip, i cili funksionon që nga marsi i vitit 2021, Taravari tha se duhet menduar në mënyrë racionale se si të përdoret aty ku ka nevojë.
Ndryshe, gjatë pandemisë me vendim të Ministrisë së Shëndetësisë u ndërtuan spitale modulare në 16 qytete të vendit.
Vdes i moshuari në Maqedoninë e Veriut, një javë më parë ishte infektuar nga virusi i Nilit Perendimor
Nesër mot me vranësira dhe reshje të shiut, temperaturat deri në 25 gradë
Spitali modular në Klinikën Infektive në Shkup do të përdoret ose nga Burgu i Idrizovës ose nga Ministria e Mbrojtjes
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve