Një prokuror publik nga Prokuroria Themelore për Ndjekjen e Krimit të Organizuar dhe Korrupsionit sot ka lëshuar Urdhër për zhvillimin e procedurës hetimore kundër dy personave, prej të cilëve njëri dyshohet për veprën penale – Marrje ryshfeti sipas nenit 357 paragrafi 5 në lidhje me paragrafin 2 të Kodit Penal, ndërsa tjetri për ndihmë në kryerjen e kësaj vepre penale.

I dyshuari i parë, si person zyrtar – drejtor i ISHP Spitali i Specializuar për Mjekësi Geriatrike dhe Paliative në Shkup, në periudhën nga 19.03.2025 deri më 08.04.2025, në disa raste ka kërkuar drejtpërdrejt përfitim material të konsiderueshëm për vete që të kryejë një veprim zyrtar që kishte për detyrë ta kryente.

Ryshfeti e ka kërkuar nga dëshmitarja në procedurë – kujdestare me kontratë për përkujdesje të përjetshme për një person i cili vuante nga disa gjendje shëndetësore dhe për të cilin, sipas rekomandimeve mjekësore, ishte e nevojshme të shtrohej në spitalin e lartpërmendur. Kur dëshmitarja u drejtua në institucion për shkak se gjendja e pacientit ishte përkeqësuar, ajo u informua se pacienti ishte vendosur në listën e pritjes për pranim.

Pas disa ditësh, ajo mori një telefonatë nga i dyshuari i dytë, i cili caktoi takim me drejtorin e Institucionit më 19.03.2025 në orët e mbrëmjes, në një lokal në Shkup.

Gjatë takimit, i dyshuari i parë i ka thënë personalisht se e di që pacienti është mirë i qëndruar financiarisht dhe kishte informacione për pronën e paluajtshme që zotëronte. Ai premtoi ndihmë për shtrimin e tij në spital nëse shpërblehet me 100.000 euro. Gruaja – dëshmitare ka reaguar se kjo është një shumë shumë e madhe, ndërsa drejtori ka propozuar që shuma të sigurohet përmes shitjes së banesës së pacientit, e cila nuk ishte opsion sepse banesa ishte përfshirë në kontratën për përkujdesje të përjetshme.

Advertisement

Më 03.04.2025 është realizuar një takim mes dëshmitares dhe ndihmësit, si person në të cilin drejtori kishte besim të plotë, ndërsa më 04.04.2025 dëshmitarja është takuar sërish me të dy të dyshuarit. Është rënë dakord që dëshmitarja të japë 20.000 euro si garanci për shtrimin e pacientit në spital, dhe nëse i dyshuari i parë, përmes “verifikimeve”, konstaton se pacienti ka edhe ndonjë pronë tjetër të paluajtshme, ajo të shitet për të siguruar shumën e kërkuar prej 100.000 eurosh.

Sipas këtij marrëveshjeje, më 08.04.2025 dëshmitarja është takuar me të dyshuarin e dytë, i cili hyri në automjetin e saj dhe në emër të drejtorit pranoi drejtpërdrejt shumën prej 20.000 eurosh, pas çka u kap në vendngjarje nga zyrtarët e policisë.

Prokurori publik i dorëzoi gjyqtarit të procedurës paraprake të Gjykatës Themelore Penale Shkup propozim për caktimin e masës së paraburgimit për të dy të dyshuarit.

Një rast i dyshimtë korrupsioni është duke u hetuar në Spitalin e Specializuar Geriatrik, ku në qendër të vëmendjes ndodhet drejtori i këtij institucioni, Muhsin Arifi. Burime të “Sloboden Peçat” bëjnë të ditur se shuma prej 20 mijë eurosh të gatshme, të përfolura si ryshfet i mundshëm, nuk janë gjetur te Arifi gjatë kontrollit.

Sipas informacioneve jozyrtare, paratë janë gjetur tek një ndërmjetës që ishte i punësuar në spital. Ky person e ka identifikuar drejtorin Arifi si njeriun që supozohet se kërkonte para në këmbim të një shtrimi afatgjatë të një pacienti në spital – për një periudhë prej një apo dy vitesh.

Për momentin, nuk është e qartë nëse Arifi ka kërkuar realisht paratë, apo emri i tij është keqpërdorur nga ndërmjetësi për të marrë paratë.

Spitali i Specializuar Geriatrik pranon pacientë të moshës së tretë në gjendje të rëndë shëndetësore. Kapaciteti i tij është i kufizuar, listat e pritjes janë të gjata, dhe çdo vend i lirë në këtë institucion është shumë i kërkuar, thonë burime të brendshme të spitalit.

Hetimet për këtë rast vazhdojnë.

Advertisement

Kuvendi sot pasdite, në kuadër të seancës së 42-të, e ka miratuar Propozim-ligjin për ndryshimin dhe plotësimin e Ligjit për arsimin e mesëm, me procedurë të shkurtuar, i cili u miratua me votim të dyfishtë, gjegjësisht edhe me votat e deputetëve të pranishëm, të cilët u takojnë bashkësive, që nuk janë shumicë në vend.

Me ndryshimet janë definuar dispozitat, me të cilat rregullohet arsimi i mesëm si i organizuar në mënyrë institucionale, kadrovike dhe përmbajtësore, në mënyrë që mundëson edukimin për të gjithë nxënësit, duke përfshirë fëmijët me aftësi të kufizuara, formimin e ekipeve gjithëpërfshirëse dhe mbështetjen e nxënësve me aftësi të kufizuara.

Vendosen dispozita për këshillimin e karrierës, një këshilltar karriere dhe një koordinator arsimor praktik. Me Ligjin e ri vendoset edhe një Koncept i ri për provimet në fund të arsimit të mesëm dhe për herë të parë në shkollat e mesme mundësohet organizimi dhe pjesëmarrja e nxënësve.

Të martën e kaluar, deputetët me procedurë të shkurër miratuan gjashtë ligje për arsimin – Ligjin për ushqimin e subvencionuar të studentëve, me të cilin rritet përfshirja e shfrytëzuesve të racioneve të studentëve, si dhe ndryshimet e Ligjit për arsim fillor dhe Ligjit për tekstet shkollore për arsimin fillor dhe të mesëm, Ligjit për Arsimin profesional dhe trajnim, Ligjit për Inspeksionin arsimor dhe Ligjit për Byronë për zhvillim të arsimit.