Connect with us

Lajme nga vendi

Gjyqësori duhet ta kthejë besimin e humbur te qytetarët

Published

on

Gjyqësori duhet ta kthejë besimin e humbur te qytetarët, përmes reformave dhe zbatimit të përpiktë të ligjeve. Kjo është porosia e përfaqësuesve ndërkombëtarë në
vend, të cilët, gjithashtu presin nga qeveria që të ndihmojë në këtë proces, por duke i konsultuar edhe ekspertët. Ambasadorja e SHBA-së në Shkup Angela Ageler,
duke theksuar se besueshmëria në gjyqësor është në nivel tronditës, porositi përfaqësuesit e gjyqësorit që të punojnë në mbrojtje të ligjit, integritetit dhe të
pengojnë ndërhyrjet politike.
“Maqedonia e Veriut ka ligje të përgatitura mirë, institucione të pajisura mirë, prokurorë dhe gjykatës me përvojë, shumica e të cilave kanë udhëtuar
dhe kanë pasur këmbime me SHBA-të. Parashtrohet pyetja se si të fillojmë ta plotësojmë atë hendek apo mungesë të besimit të atyre që duhet t’u
shërbejmë. Porosia është qartë dhe nuk ndryshon, punoni punën që duhet ta punoni. Ndiqeni ligjin, punoni për njerëzit, rezistoni ndaj trysnive politike,
mbrojeni integritetin tuaj dhe pranojeni transparencën. Puna e vështirë vetëm ka filluar dhe shohim përparim. Tani, lejoni të ju ndihmojmë që të
arrini edhe më përpara në rrugën tuaj”, tha Angela Ageler, Ambasadore e SHBA-së në Shkup.
Edhe ambasadori i Holandës, Dirk Jan Kop nënvizoi nivelin shqetësues të besimit të qytetarëve në gjyqësor, ndërkaq porositi qeverinë që të bëjë mos bëjë reforma të
shpejta dhe pa përfshirjen e ekspertëve.Gjyqësori në vend në vazhdimësi ka besueshmëri të ulët për shkak të përzierjes së politikës dhe mungesës së vullnetit
për të bërë reforma rrënjësore. Sipas raportit të fundit të Komisionit Evropian, Maqedonia e Veriut nuk ka bërë kurrfarë përparimi në këtë fushë e cila është ndër
kryesoret në procesin eurointegrues. Nga ana tjetër, sipas anketës së IRI-t e cila u publikua në maj të këtij viti, 72% e qytetarëve të anketuar vlerësojnë se
korrupsioni është problemi më i madh në vend, ndërkaq ndër më të korruptuar sipas tyre janë politikanët dhe gjyqësori.TV KOHA

Lajme nga vendi

Ndalohen dy persona, tentuan të transportojnë në mënyrë joligjore emigrantë nga Kina dhe Afganistani

Published

on

MPB Maqedoni njofton se dje 17.04.2025 në ora 19:30 në vijën kufitare ndërmjet Republikës së Maqedonisë së Veriut dhe Republikës së Greqisë, zyrtarët policorë në Bogorodicë kanë vërejtur pesë persona të cilët kanë tentuar të kalojnë ilegalisht kufirin shtetëror.

“Nga liria janë privuar personat L.J. (35) dhe një 17-vjeçar nga Kina dhe U.K. (23) nga Afganistani, ndërsa dy persona janë larguar nga vendi i ngjarjes. Menjëherë pasi janë marrë masat dhe aktivitetet dhe për shkak të dyshimit se kanë kryer veprën penale “kontrabandim me migrantë”, në afërsi të vijës kufitare janë privuar nga liria edhe D.T.(32) dhe 49-vjeçari V.T, të dy nga Gjevgjelia”.

“Aty pranë janë gjetur dhe sekuestruar për përpunim të mëtejshëm celularë dhe personat janë ndaluar në stacion policor. Pas dokumentimit të rastit, ndaj tyre do të bëhet kallëzim përkatës”, thonë nga MPB Maqedoni.

Continue Reading

Lajme nga vendi

Prej sot marketet me më shumë se 10 të punësuar duhet t’i publikojnë çmimet e produkteve në ueb-faqe

Published

on

Duke filluar nga sot, shitësit me pakicë duhet të publikojnë çdo ditë çmimet e shitjes së produkteve në faqet e tyre zyrtare të internetit. Obligimi buron nga ndryshimet në Ligjin për Mbrojtjen e Konsumatorit që janë publikuar në Gazetën Zyrtare më 4 mars dhe Ministria e Ekonomisë ka hartuar Rregullore për mënyrën e shpalljes së çmimeve të mallrave.

Rregullorja thotë se të gjithë shitësit e vegjël, të mesëm dhe të mëdhenj të angazhuar në tregtinë me pakicë në përputhje me Klasifikimin kombëtar të veprimtarive kanë për detyrë të publikojnë çdo ditë çmimet e mallrave që vendosin në treg në faqen e tyre të internetit në mënyrë të qartë dhe të qasshme, përmes një seksioni të veçantë të faqes së internetit të shitësit me pakicë të dedikuar për çmimet (Çmimore). Çmimet e publikuara duhet të jenë të disponueshme pa pasur nevojë për regjistrim ose hyrje shtesë.

Përditësimet e çmimeve duhet të bëhen çdo ditë deri në orën 10:00, dhe në rast të një gabimi teknik të paqëllimshëm, tregtari është i detyruar të korrigjojë gabimin brenda 24 orëve.

Nëse tregtari ofron çmime promocionale ose me zbritje, faqja e internetit duhet të tregojë çmimin e rregullt, përqindjen ose shumën e uljes, si dhe kohëzgjatjen e promovimit ose zbritjes.

Në një anketë të bërë nga AIM, shumica e qytetarëve kanë deklaruar se nuk do të dalin në treg derisa bojkoti është në vazhdim. Ata pajtohen se çmimet e produkteve janë shumë të larta për të ardhura të ulëta.

Advertisement

Sipas autoriteteve, kjo metodë e publikimit të çmimeve të shitjes do të sigurojë transparencë, konkurrencë më të madhe dhe ulje çmimi.

Ndryshimet në Ligjin për Mbrojtjen e Konsumatorit u miratuan në seancën parlamentare të mbajtur më 25 shkurt. Një ligj të ngjashëm ka miratuar edhe Kroacia.

Continue Reading

Lajme nga vendi

Motiçikleta del nga rruga në mes fshatrave Kopanica dhe Bojanë, shoferi vdes në vend, pasagjeri lëndohet rëndë

Published

on

Më 16.04.2025, rreth orës 18:25, në SPB Shkup është raportuar se në rrugën lokale fshat Kopanica – fshat Bojanë, Shkup, një motoçikletë “Suzuki” me targa të Shkupit, e drejtuar nga S.S. (38) nga fshati Bukoviq, Shkup, ka dalë nga rruga.
Për shkak të lëndimeve të marra, drejtuesi i motoçikletës ka ndërruar jetë në vendngjarje. Një mjek i Shërbimit të Ndihmës Urgjente ka konstatuar vdekjen, ndërsa me urdhër të prokurorit publik, trupi i pajetë është dërguar për obduksion.
Pasagjeri S.J. (41) nga fshati Kopanica, Shkup, ka pësuar lëndime të rënda, të cilat janë konstatuar në Kompleksin e Klinikave “Nëna Tereza”.

Një hetim ka pasuar nga prokurori publik dhe ekipi i hetuesve të SPB Shkup.

Continue Reading

Më të lexuarat