Lajme nga vendi
Ageler: Besimi i opinionit në gjyqësor është jashtëzakonisht i ulët
Edhe demokracitë më të fuqishme nuk ia dalin të vetme. Kur jemi të bashkaur, jemi më të fuqishëm. SHBA-ja është më e fuqishme dhe jemi mirënjohës që kemi aleatë, miq dhe partnerë si Maqedonia e Veriut, porositi dje mes tjerash ambasadorja amerikane, Anxhela Ageler në shënimin e 248 viteve të pavarësisë amerikane në Ambasadën në Shkup.
Në fjalimin e vet para të prnaishmëve, ajo deklaroi se e ka nderin ta prezantojë SHBA-në në vend dhe foli për ndryshimet me të cilat po përballet bota, zgjedhjet që këtë vit mbahen në mbi 90 shtete, për demokracinë dhe nevojën për mbrojtjen e saj.
“Në përgjithësi, zgjedhjet bazohen në mendime të ndryshme, prioritete dhe qëllime individuale. Mund të jenë të rënda, por kur përfundojnë, është imperativ t’i kthehemi asaj që njëri prej presidentëve tanë më të mëdhenj, Abraham Linkoln e quajti ‘engjujt më të mirë të natyrës sonë’. Sërish të bashkohemi si popull dhe të punojmë për të mirën e qytetarëve. Kjo vlen këtu siç do të zbatohet në SHBA në nëntor. Prandaj, Ju uroj Juve dhe Qeverisë suaj dhe të gjithëve që e bëni këtë, përkatësisht, mbështeteni në engjujt e mirë”, tha Ageler.
Duke folur për demokracinë dhe rëndësinë e saj, ambasadorja e citoi fituesen e Çmimit Nobel për paqe, Maria Resa, e cila porositi se demokracia është e brishtë, se duhet të luftojmë për çdo pjesë të saj, për secilin ligj, për secilën mbrojtje, për secilin institucion, për secilën storje.
“Duhet të dini se sa është e rrezikshme ta vuani madje edhe shkurtimin më të vogël. Edhe sot fjalët e saj kanë rëndësi më të madhe se kurdo herë. Çdokun përrreth nesh shohim botën e cila po ndryshon. Më shumë votues se kurdoherë në histori kanë tëd rejtë të votojnë në vitin 2024 në mbi 90 vende dhe në BE, madje edhe në kohë kur luftërat dhe konfliktet godasin miliona njerëz në mbarë botën. Tani mu kujtua se demokracitë më të fuqishme nuk ia dalin të vetme. Kur jemi të bashkuar, jemi më të fuqishëm. SHBA-ja është më e fuqishme dhe jemi mirënjohës sepse kemi aleatë, miq dhe partnerë si Maqedonia e Veriut”, tha Ageler në fjalimin para të pranishmëve në ceremoni.
Ageler sot kumtoi në platformën X, duke cekur se ka pasur festim të mrekullueshëm të 248-vjetorit të pavarësisë amerikane me partnerë dhe miq.
Lajme nga vendi
Vdes i moshuari në Maqedoninë e Veriut, një javë më parë ishte infektuar nga virusi i Nilit Perendimor
Një pensionist 78-vjeçar nga Obleshev e Kocanit, ka ndërruar jetë një javë pasi u shtrua në Klinikën për Sëmundje Infektive dhe Gjendje Febrile, pas infektimit nga virusi i Nilit Perëndimor. Ky është rasti i parë vdekjeprurës nga kjo sëmundje në vend, dhe i katërti i regjistruar.
Sipas informacionit nga Instituti për Shëndet Publik (ISHP), simptomat e para te pacienti filluan më 9 shtator, me humbje apetite, dobësi dhe temperaturë të ngritur deri në 39°C.
“Për shkak të shqetësimit, agresivitetit, afazisë dhe humbjes së vetëdijes, pacienti më 10 shtator u dërgua me urgjencë në spitalin e Shkupit, ku iu nënshtruan procedurave neurologjike. Për shkak të gjendjes së rëndë dhe diagnozës së encefalitit, ai u dërgua në Klinikën për Sëmundje Infektive dhe Gjendje Febrile në Shkup. U morën mostra për analiza mikrobiologjike. U konfirmua infektimi nga virusi i Nilit Perëndimor. Pavarësisht trajtimit, pacienti ndërron jetë më 16.09.2024”, njofton ISHP.
Rasti i parë i importuar u regjistrua në prill, ndërsa dy të tjerë në korrik dhe gusht të këtij viti.
Pacienti ishte një fermer, babai i dy fëmijëve, dhe nuk kishte udhëtuar jashtë vendit në periudhën e inkubacionit. Në rajonin e Koçanit është regjistruar pranimi i mushkonjave. Autoritetet shëndetësore kanë ndërmarrë masa për dezinfektimin e territorit.
ISHP thekson se sëmundjet e transmetuara nga vektorët po bëhen gjithnjë e më relevante, dhe ndryshimet klimatike ndikojnë në shpërndarjen dhe aktivitetin e tyre. Ka një rrezik të mesëm për popullatën, por mund të minimizohet duke ndjekur rekomandimet për parandalim.
Nesër do të mbajë mot i ndryshueshëm me vranësira dhe me reshje të kohëpaskohshme të shiut, ndërsa në disa vende do të jenë më të rrëmbyeshme të përcjella me bubullima, kumton Drejtoria për Punë Hidrometeorologjike (DPHM).
Temperatura minimale do të sillet në interval prej tetë deri në 15 gradë Celsius, ndërsa ajo maksimale gjatë ditës do të arrijë prej 14 deri në 25 gradë Celsius.
Të shtunën në pjesët perëndimore do të ketë kushte për reshje të dobëta lokale të shiut. Në ditët në vijim do të mbajë mot me diell me vranësira të ulëta deri në mesatare. Temperatura ditore do të jetë në rritje graduale.
Lajme nga vendi
Spitali modular në Klinikën Infektive në Shkup do të përdoret ose nga Burgu i Idrizovës ose nga Ministria e Mbrojtjes
Ministri i Shëndetësisë Arben Taravari njofton se po shqyrtohet nëse spitali modular i vendosur në Klinikën Infektive në Shkup do të merret nga Ministria e Mbrojtjes apo do të transferohet në Burgun e Idrizovës.
Taravari tha se ka vendim të Qeverisë për marrjen e spitalit modular nga Ministria e Mbrojtjes, por se duhet ambulancë edhe në Burgun e Idrizovës.
“Sa i përket spitalit modular të Klinikës Infektive, tashmë ka një vendim të qeverisë me të cilin Ministria e Mbrojtjes duhet ta marrë atë spital. Ekziston një ide tjetër sepse në burgun e Idrizovës duhet spital. Tani jemi në dilemë nëse ai spital modular ta transferojmë atje për të shërbyer si ambulancë në Burgun e Idrizovës”, tha Taravari gjatë vizitës në Spitalin e Shtipit.
Për spitalin modular në Shtip, i cili funksionon që nga marsi i vitit 2021, Taravari tha se duhet menduar në mënyrë racionale se si të përdoret aty ku ka nevojë.
Ndryshe, gjatë pandemisë me vendim të Ministrisë së Shëndetësisë u ndërtuan spitale modulare në 16 qytete të vendit.
Vdes i moshuari në Maqedoninë e Veriut, një javë më parë ishte infektuar nga virusi i Nilit Perendimor
Nesër mot me vranësira dhe reshje të shiut, temperaturat deri në 25 gradë
Spitali modular në Klinikën Infektive në Shkup do të përdoret ose nga Burgu i Idrizovës ose nga Ministria e Mbrojtjes
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve