Lajme nga vendi
MASH: Nxënësit që plotësojnë kushtet do të kompensohen për gjashtë muaj!
![](https://tetovaexpres.com/wp-content/uploads/2024/06/denar.png)
Më 5 janar 2024, Ministria e Arsimit dhe Shkencës, publikoi Thirrjen publike për mbështetje financiare për nxënësit e shkollave fillore dhe të mesme familjet e të cilëve kanë të ardhura totale mujore prej neto pagave deri në 50.000 denarë.
Në linkun e aplikimit thuhej se Ministria e Arsimit dhe Shkencës pagesat do t`I bënte në bazë mujore për nxënësit që i plotësojnë kushtet.
Por, nxënës për Klan Maqedoni, kanë pohuar se pagesat i kanë marrë vetëm për dy muaj dhe prej atëherë pagesa e tyre është ndërprerë.
Në kohën kur ka përfunduar viti shkollor për nxënësit e shkollave të mesme dhe kur filloristët kanë edhe dy ditë mësim para pushimit veror, nxënësit shtrojnë pyetjen nëse do të kompensohen pagesat e muajve tjerë.
Në një përgjigje me shkrim për Klan Maqedoni, nga Ministria e Arsimit, sigurojnë se të gjithë nxënësit që plotësojnë kushtet, pagesa do t`u kompensohet për 6 muaj.
“Të gjithë ata që i plotësojnë kushtet për shfrytëzimin e mbështetjes financiare, do të përfitojnë shumën e paraparë për 6 muaj të plotë. Aktualisht janë duke u përgatitur urdhërat për pagesën e kompensimeve mujore të mbetura” – tha Jeton Shaqiri – ministër i Arsimit dhe Shkencës.
Kujtojmë se gjatë afatit të aplikimit u krijua kaosi, rrëmuja dhe pritjet e mëdha para Agjencisë për Punësim, ku prindërit dhe nxënësit përpiqeshin të sigurojnë dokumentet e nevojshme.
Bëhej fjalë për personat të cilët nuk janë të punësuar ku kërkohej dëshmi – Vërtetim nga Agjencia për Punësim ose Deklarata të të ardhurave nga të gjitha llogaritë e transaksionit në emër të prindërve/kujdestarëve për muajin paraprak.
Lajme nga vendi
Anesa Havziju nga Tetova nxënëse e shkëlqyeshme në shkollën Naim Frashëri këtë vit pjesmarëse në garat e matematikës në Olimpiaden ndërkombëtare “Fest Matematika 7, Durrës 2024”
![](https://tetovaexpres.com/wp-content/uploads/2024/06/30fd414b-afa4-494e-9495-e10857e98a71.jpg)
Anesa Havziju nga Tetova nxënëse e shkëlqyeshme në shkollën fillore Naim Frashëri këtë vit është pjesmarëse në garat nga lënda e matematikës në Olimpiaden ndërkombëtare “Fest Matematika 7, Durrës 2024” Anesa edhe vitet e kaluara ka qenë fituese e shum garave ne Matematik. Urime Anesa dhe të urojm shum suksese të reja!TV KOHA
Lajme nga vendi
Shkelet me makinë një i mitur në Tetovë
![](https://tetovaexpres.com/wp-content/uploads/2024/06/SPB-Tetove-780x439-1-780x439-1.png)
MPB Maqedoni informon se dje në një i mitur është shkelur me makinë nga një shofer nga Tetova.
“Me datë 19.06.2024 në ora 17:30 në SPB Tetovë është denoncuar se në rrugën “Ljubo Bozhinoski – Pish” në Tetovë, automjeti i pasagjerëve “Opel Vectra” me shenja regjistrimi Tetova, i drejtuar nga M.R.(33) nga Tetova ka goditur një këmbësor të mitur nga Tetova”.
“Në aksident i mituri ka pësuar lëndime të rënda trupore, të cilat janë konstatuar në Spitalin klinik të Tetovës. Inspektim është kryer nga ekipi inspektues i SPB Tetovë”, thuhet në njoftim.
Lajme nga vendi
Fillon sot regjistrimi elektronik i nxënësve në shkollat e mesme
![](https://tetovaexpres.com/wp-content/uploads/2024/06/shkolle-klase.jpg)
Nga sot deri të martën (25 qershor deri në orën 15) do të realizohet regjistrimi i parë elektronik i nxënësve për regjistrim në arsimiin e mesëm për vitin shkollor 2024/2025. Regjistrimi i dytë do të jetë më 1 korrik dhe 2 korrik deri në orën 15.
Me qëllim që të optimizohet procesi i përgjithshëm i regjistrimit në shkollat e mesme, Ministria e Arsimit dhe Shkencës edhe këtë vit nëpërmjet shërbimit digjital mundësoi aplikim elektronik. Regjistrimi i nxënësve do të realizohet përmes linkut në portalin e shërbimeve elektronike të MASH-it https://e-uslugi.mon.gov.mk me njoftim të veçantë për nxënësit e shkollave të mesme përmes llogarive të tyre përdoruese në schools.mk.
Nga MASH-i sqaruan se regjistrimi i sistemit nuk do të kërkohet dhe paralajmërimi do të bëhet ekskluzivisht me përdoruesit e schools.mk.
“Udhëzimi i hyrjes / paraqitjes në sistem dhe plotësimi i aplikacionit do të vendoset me link në faqen e hyrjes / paraqitjes” theksoi MASH-i.
Në fund të marsit MASH-i e publikoi Konkursin për regjistrimin e nxënësve në shkollat e mesme publike për vitin shkollor 2024/2025. Në të janë cekur dokumentet e nevojshme, mënyra e aplikimit dhe afatet e konkurseve.
Rang-listën përfundimtare me rezultatet e regjistrimit dhe vendet e lira pas regjistrimit të parë, çdo shkollë duhet ta publikojë më 26 qershor më së voni deri në orën 9, në vend publik në shkollë dhe/ose në faqen e intrnetit të shkollës.
Në shkollat ku do të ketë testim kualifikues do të organizohet më 28 qershor, ndërsa rang-listat përfundimtare me rezultatet do të publikohen më 28 qershor në vend publik në shkollë.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve