Lajme nga vendi
Fakulteti i Merkos për Shkenca shëndetësore nuk mund të regjistrojë studentë
Fakulteti i Shkencave Shëndetësore pranë Universitetit Ndërkombëtar të Merkos nuk do të mund të regjistrojë studentë apo të fillojë punën derisa të plotësohen kërkesat ligjore për akreditimin e programeve të studimit, megjithëse qeveria në largim u nxitua t’i jepte leje.
“Programi i parë i dorëzuar i studimit për kujdes shëndetësor (infermier/teknik medicinal) nga Fakulteti i Kujdesit Shëndetësor i Universitetit Ndërkombëtar në Strugë, në seancën e Bordit për Akreditimin e Arsimit të Lartë më 6.6.2024 është REFUZUAR, respektivisht është sjellë vendim me të cilin nuk është akredituar programi i studimit për infermier/teknik medicinal, sepse nuk i plotëson kushtet ligjore”, thonë nga Bordi për Akreditimin e Arsimit të Lartë.
Ministri i Arsimit Shaqiri, i cili e ka nënshkruar vendimin për plotësimin e kushteve për fillimin e punës në institucionin e arsimit të lartë, thotë se këtë e ka bërë pasi e ka marrë raportin e komisionit në Ministrinë e Arsimit. Ky komision përfundoi të gjitha procedurat në një kohë të shkurtër. Ai u formua më 7 qershor, vetëm katër ditë pasi Universiteti iu drejtua ministrisë me kërkesë se fakulteti i plotëson kushtet për fillimin e punës. Më 10 qershor është inspektuar në Strugë dhe më 11 qershor ka marrë vendim pozitiv.
“Sikurse për disa fakultete të tjera, edhe për këtë – Fakultetin e Shkencave Shëndetësore, ku do të ketë programe studimore trevjeçare për infermiere, e jo studime për mjekë, pas raportit të dorëzuar nga komisioni në Ministrinë e Arsimit, kam nënshkruar Vendim për plotësimin e kushteve për fillimin e punës së institucionit të arsimit të lartë. Asgjë të paligjshme dhe asgjë arbitrare”, deklaroi Jeton Shaqiri-Ministër i Arsimit.
Vesna Janevska, e cila me shumë gjasa do të jetë ministrja e re e Arsimit, për Alsat paralajmëron revidim të gjithë procesit të hapjes së universiteteve private, që sipas saj duhet të ndalet. Ajo nuk e përjashton mundësinë që disa prej tyre mund dhe do të duhet ta ndërpresin punën. Revidim të punës së gjithë Universitetit kërkon edhe Arben Taravari, i cili përmendet si kandidati më serioz për Ministrinë e Shëndetësisë.
“Do të duhet t’i reduktojmë disa prej tyre, respektivisht disa prej tyre do të duhet ta ndërpresin punën”, tha Vesna Janevska – VMRO DPMN.
Nga Ministria e Arsimit thonë se për shkak të nevojës për më shumë punëtorë shëndetësorë në vend, Qeveria në periudhën e kaluar ka mbështetur disa iniciativa për ngritjen e njësive të reja në disa institucione të arsimit të lartë që do të zbatojnë programe studimore në fushën përkatëse. /Alsat.mk
Lajme nga vendi
Arrihet marrëveshje për shportën konsumatore të vjeshtës, do të shqyrtohet në mbledhjen e ardhshme qeveritare
Në mbledhjen e ardhshme qeveritare duhet të gjendet propozimi për shportën konsumatorë të vjeshtës, deklaroi sot kryeministri Hristian Mickoski.
Në deklaratën për mediat Mickoski tha se është arritur marrëveshje dhe se propozimi i Ministrisë së Ekonomisë dhe Punës dje ishte dorëzuar në Qeveri.
“Kishte dje propozim nga ana e ministrit të Ekonomisë, i cili është rezultat i takimit të cilin e kishin kompetentët me prodhuesit dhe me tregtarët. Thamë se punët do t’i zgjidhim përmes dialogut, ishte arritur marrëveshje dhe i njëjti do të jetë tashmë në mbledhjen e ardhshme të qeverisë. Dje nuk ishte për shkaqe të përcaktuara teknike, por duam që t’i kalojë edhe ato filtra siç janë Kolegiumi i përgjithshëm dhe Komisioni për Sistem Ekonomik. Pres që në mbledhjen e ardhshme qeveritare të martën të jetë në rend dite”, tha Mickoski, duke u përgjigjur në pyetjet e gazetarëve pas vizitës së sotme në komunën Aerodrom.
Për Ligjin për praktika të padrejta tregtare që duhet të hyjë në fuqi nga data 28 e këtij muaji, tha se nëse nuk marrin qëndrim përfundimtar nga sektori i biznesit, do të shkohet sipas dinamikës së paraparë.
Deri të martën duhet të dihet se cilat produkte ushqimore do të përfshihen me shportën konsumatore të vjeshtës dhe nëse do të shkohet me masën për ngrirjen e çmimeve ose për kufizimin e marzhave. Për këtë gjatë periudhës së kaluar punoi një grup pune me përfaqësues të ministrive të Ekonomisë, Financave dhe Bujqësisë.
Kryeministri Hristijan Mickoski, në pyetjen e gazetarit lidhur me rindërtimin e konviktit shtetëror studentor “Steve Naumov”, tha se më shumë se 18 milionë euro do të investohen në rindërtimin e konvikteve studentore, jo vetëm në Shkup, por edhe në qytete të tjera, ku kemi universitete.
“Për dy konviktet në Shkup, ‘Kuzman Josifovski-Pitu’ dhe ‘Steve Naumov’ do të investohen 18 milionë euro. Rikonstruksioni i konvikteve të tjera studentore në vend do të vijojë si një nga prioritetet kryesore të Qeverisë. Ky është një nga ato premtime që kemi bërë për studentët dhe rininë“, deklaroi kryeministri.
Ai shtoi se të dy konviktet do të rikonstruktohen dhe aty ka filluar rikonstruksioni. Presim që të përfundojë në periudhën e ardhshme. Në fund Mickoski shtoi se instalimet elektrike aktualisht janë duke u kryer, por e njëjta do të projektohet edhe në qendrat e tjera universitare në vend.
Në seancën e sotme të Qeverisë së Maqedonisë së Veriut, u miratuan disa ndryshime kadrovike në disa institucione shtetërore, në kuadër të ndryshimeve që vijnë nga Qeveria e re e udhëhequr nga kryeministri Hristijan Mickoski, transmeton Portalb.mk.
Abaz Selmani u emëruar Koordinator nacional për interkulturalizëm, zhvillim të kulturës dhe bashkëpunimit ndërsektorial.
Në këtë seancë, Qeveria emëroi Daniela Jovçevska – Mihajllovskën për ushtruese detyre në pozitën e drejtorit të Qendrës Shtetërore për Provime, ndërsa në pozitën e zëvendësit u emërua Ali Abdulla.
Qeveria sot gjithashtu u.d. drejtor te Shërbimet Pedagogjike e emëroi Robert Axhipetrovin.
Ndryshe, Qeveria e përbërë nga koalicioni VMRO-VLEN-ZNAM ka vazhduar me emërimet e reja në institucionet që udhëhiqen nga pushteti qendror.
Arrihet marrëveshje për shportën konsumatore të vjeshtës, do të shqyrtohet në mbledhjen e ardhshme qeveritare
Më shumë se 18 milionë euro do të investohen në rindërtimin e konvikteve
Qeveria e Maqedonisë së Veriut emëroi disa drejtorë e zëvendës të rinj
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve