Lajme nga vendi
Nuk ka të ndalur largimi i mjekëve nga Maqedonia
![](https://tetovaexpres.com/wp-content/uploads/2024/04/Mjek_2.jpg)
Largimi i mjekëve nga Maqedonia nuk ka të ndalur. Në nivel vjetor rreth 250 mjekë e lëshojnë vendin tone. Që mjekët të mbeten në vendlindje duhen kushte më të mira për punë dhe paga më të larta, thonë nga Shoqata e mjekëve të Maqedonisë.
“Nga shëndetësia publike sigurisht që rreth 200 deri 250 mjekë shkojnë jashtë vendit, në nivel vjetor. Nga pikëpamja profesionale unë mendoj se duhet të bëhet një rajonalizim i mirë, të sigurohen kushte më të mira për specializim dhe përparim, punësim të shpejtë dhe bursa derisa akoma vazhdojnë studimet”, ddeklaroi Goran Dimitrov, Shoqata e mjekëve të Maqedonisë.
Leonid Rene Tomas Karaxhinov është studenti më i mirë mjekësisë që tashmë ka përmbyllur studimet. Momentalisht po kryen praktikën në Ndihmën e Shpejtë. Ai nuk dëshiron të largohet nga vendi por për të punuar në vendlindje kërkon siguri financiare.
“Siguria është çelësi kryesor, ta dimë se pas nesh qëndron dikush që na mbanë të sigurt për shkak të situatave të pakëndshme, mirëpo siguria financiare është shumë e rëndësishme, rritja e pagave. Siguria personale dhe siguria financiare janë dy gjërat thelbësore që do të na mbajnë të mbetemi këtu”, u shpreh Leonid Rene Tomas Karaxhinov, mjek i ri.
Nga OBSH-ja thonë se shëndetësia në Maqedoni ka shënuar përmirësime por ka akoma zbrazëtira që duhet plotësuar.
“Ka akoma hapësirë për përmirësim. Të ulen shpenzimet të cilat qytetarët i paguajnë nga xhepi i tyre për shërbimet shëndetësore, posaçërisht në shëndetësinë primare pasiqë u miratua nga Qeveria ligji që mundëson qasje më të mirë në shëndetësinë primare”, tha Ane Johansen, OBSH.
Në prag të 7 prillit, Ditës botërore të shëndetit, sipas OBSH-së rëndësi të posaçme duhet ti kushtohet zbulimit të hershëm të sëmundjeve që shkaktojnë vdekjen. Nga OBSH-ja thonë se rreziku për jetën në mbarë botën vjen nga sëmundjet jo infektive si diabeti, shtypja e lartë e gjakut dhe sëmundjet kardiovaskulare mirëpo këto mund të parandalohen dhe menaxhohen nëse zbulohen më herët. Gjithashtu, sipas OBSH-së, pirja e duhanit është shkaktari kryesor i vdekjeve së parakohshme./Alsat.mk
Lajme nga vendi
Paraburgim për një 31 vjeçar nga Shkupi, dyshohet për tentim për përdhunim
![](https://tetovaexpres.com/wp-content/uploads/2024/09/paraburgim_Pritvor-780x470-1.jpg)
Prokuroria Themelore Publike (PTHP) Shkup ka lëshuar urdhër për zhvillimin e procedurës hetuese ndaj personit për të cilin ekziston dyshimi i bazuar se ka kryer vepër penale sulm seksual dhe dhunim nga neni 186 paragrafi 1 lidhur me nenin 19 (në tentativë ) të Kodit Penal.
“Më 5 shtator, 31-vjeçari ka sulmuar një grua në Kisella Vodë dhe në kundërshtim me vullnetin e saj të shprehur qartë, ka tentuar qëllimisht të kryejë akte seksuale ndaj saj. Viktima ka qenë duke ecur në drejtim të shtëpisë së saj dhe pasi ka kaluar në vendkalimin për këmbësorë në bulevardin “Boris Trajkovski” afër komunës Kisella Boda, i dyshuari e ka kapur me të dyja duart dhe ka tentuar ta tërheqë zvarrë në një rrugë anësore. Ai e shtyu dhe tentoi ta sulmonte seksualisht. Gruaja vazhdonte të bërtiste, të kërkonte ndihmë dhe përpiqej të çlirohej, ndërsa kur njerëzit filluan të mblidheshin, i dyshuari e la të ikte pa e arritur qëllimin e tij”, thuhet në njoftimin e lëshuar nga PTHP-ja.
Prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit për të dyshuarin, me të cilin ka deklaruar se ekziston rreziku që ai të ikë, të pengojë procedurën penale ose të përfundojë tentativën e veprës penale. Gjykata themelore penale e Shkupit e ka pranuar propozimin dhe të dyshuarit i është shqiptuar masa e paraburgimit në kohëzgjatje prej 30 ditësh.
Lajme nga vendi
Durmishi: Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve
![](https://tetovaexpres.com/wp-content/uploads/2024/09/thumbnail.jpg)
Ministria e Ekonomisë dhe Punës, në përputhje me përkushtimin e saj për mbrojtjen e të drejtave të konsumatorëve, shpalli sot thirrje publike për ndarjen e mjeteve financiare për realizimin e programeve dhe projekteve nga shoqatat e konsumatorëve në kuadër të Programit për mbrojtjen e konsumatorëve për vitin 2024. Mjetet financiare nga ky Program janë të dedikuara për realizimin e programeve dhe projekteve nga shoqatat e konsumatorëve. Përmes kësaj mbështetjeje financiare, Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve në vlerë prej 300.000,00 denarë deri në 500.000,00 denarë në përputhje me propozim programet (projektet) e dorëzuara për mbrojtjen e konsumatorëve deri në shterimin e mjeteve financiare të parashikuara për këtë thirrje, të organizatave joqeveritare për mbrojtjen e konsumatorëve për sigurimin e informacioneve dhe ndihmës për konsumatorët.Kjo iniciativë është pjesë e përpjekjeve tona të vazhdueshme për të përmirësuar cilësinë e jetës së të gjithë qytetarëve dhe për të forcuar mbrojtjen dhe të drejtat e tyre.Inkurajojmë të gjitha shoqatat e konsumatorëve që të shfrytëzojnë këtë mundësi dhe të aplikojnë për mbështetje financiare që do t’u mundësojë atyre të realizojnë projekte të rëndësishme për të mirën e konsumatorëve. Kjo thirrje është dëshmi e përkushtimit tonë për transparencë, drejtësi dhe gjithëpërfshirje në krijimin e politikave që përmirësojnë kushtet e jetesës së të gjithë qytetarëve.Më shumë informacione për kushtet e aplikimit, shumën e mjeteve financiare dhe afatin për dorëzimin e kërkesave mund të gjeni në ueb-faqen tonë www.economy.gov.mk.Sektori i Koordinimit të aktiviteteve të ministrit
Ju bëjmë thirrje të kontribuoni bashkërisht në forcimin e të drejtave të konsumatorëve në vendin tonë. Afati përfundimtar për dorëzimin e aplikimeve është jo më vonë se ora 16:00 më 20.09. të vitit 2024.Tv Koha
Lajme nga vendi
Gjendet një trup i pajetë brenda një hoteli në Tetovë
![](https://tetovaexpres.com/wp-content/uploads/2024/09/policia-mk-stop-780x439-1.webp)
Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.
“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve