Lajme nga vendi
Radev: Sjellja antievropiane e disa politikanëve në Maqedoninë e Veriut po i largon ata nga BE-ja
Presidenti i Bullgarisë, Rumen Radev thotë se sjelljet antievropiane të disa politikanëve në Maqedoni po i largon ato nga anëtarësimi në BE.
“Sjelljet antievropiane të disa politikanëve në Maqedoninë e Veriut dhe lidhjet ndaj vendit tonë në asnjë mënyrë nuk janë në favor dhe i largojnë nga anëtarësimi i tyre në Bashkimin Evropian”, thotë presidenti i Bullgarisë, Rumen Radev duke komentuar deklaratën e presidentit të RMV-së, Stevo Pendarovski për pakicën maqedonase në Bullgari.
Ai thotë se është e qartë se disa politikanë në Maqedoninë e Veriut po përpiqen të njohin realietin në një mënyrë më të rëndë.
“Nuk u bën mirë atyre. Përkundrazi, deri më tani kanë pasur raste dhe ngjarje të mjaftueshme për t’i bindur se sjellja dhe qëndrimi i tyre antievropian ndaj vendit tonë në asnjë mënyrë nuk u sjell përfitime dhe i largon nga anëtarësimi i tyre në Bashkimin Evropian”, tha dje Radev.
Nga Kabineti i Pendarovskit para katër ditësh njoftuan se ekzistenca e pakicës maqedonase në Bullgari është fakt. Kjo vjen si reagim ndaj njoftimeve në mediat bullgare se MPJ-ja atje ka thirrur ambasadoren e Maqedonisë në Sofje për, siç thonë ata, “komentet e fundit publike të politikanëve nga shteti fqinj dhe deklaratat e tyre të rreme për Bullgarinë”.
Lajme nga vendi
Policia jep detaje për vdekjen e 18-vjeçarit nga Tetova, është gjetur pa shenja jete në banjon e shtëpisë
Më datë 13.05.2024 rreth orës 18.00 në SPB-Tetovë, nga Qendra Urgjente e Spitalit Klinik të Tetovës, është raportuas në spital është sjellur personi E.Sh. (18) nga Tetova. Sipas raportit, nëna dhe motra e tij e gjetën atë pa shenja jete në banjo në shtëpinë e tyre familjare. Vdekjen pa gjurmë të dhunës e ka konfirmuar mjeku, kurse inspektimin në vendin e ngjarjes e ka kryer Prokurori publik dhe një ekip nga SPB-Tetovë. Me urdhër të Prokurorit publik, trupi i pa jetë i të ndjerit iu dorëzua familjes.
Lajme nga vendi
ASH zgjodhi nënkryetarët dhe sekretarët partiakë
Aleanca për Shqiptarët (ASH) e prirë nga Arben Taravari në mbledhjen e mbajtur të kryesisë partiake ka zgjedhur nënkryetarët dhe sekretarët partiakë, mëson INA.
Nënkryetarë janë zgjedhur: Bujare Abazi, Gëzim Kadriu dhe Bekim Pocesta
Sekretar i Përgjithshëm: Blerant Ramadani
Sekretar Organizativ: Gadaf Uzairi
Të sapozgjedhurit do kryejnë këto detyra si ushtrues detyre deri në kongresin e ardhshëm partiak.(INA)
Lajme nga vendi
“Monstra” në Strasburg, avokatët dorëzojnë tre ankesa
Avokatët e të dënuarve në rastin “Monstra”, për Alsat konfirmojnë se këtë javë kanë dorëzuar gjithsej tre ankesa Gjykatën e Strasburgut, për aktgjykimet në gjykatat e vendit për rastin “Monstra”. Për shkak se korrespodenca me Gjykatën e Strasburgut, zhvillohet në mënyrë të fshehtë, avokatët nuk japin detaje. Ankesat e avokatëve përfunduan në Strasburg pasi të dënuarit nuk janë të kënaqur me vendimin e Gjykatës Supreme të shtatorit të vitit 2023, me të cilin, u vërtetuan aktgjykimet e shkallës së parë dhe të dytë. Sipas vendimit, Alil Demiri, Afrim Ismailloviq dhe Agim Ismailloviq u shpallën fajtorë për veprën dhe u dënuan me burgim të përjetshëm, ndërkaq Fejzi Aziri dhe Haki Aziri u dënuan me burg 15 dhe 9 vjet burg. Sami Luta u lirua nga akuza, në mungesë të fakteve. /Alsat.mk
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve