Connect with us

Lajme nga vendi

Etleva Tafa, fituese e çmimit kryesor në “Takimet Poetike të Karadakut – 2024”

Published

on

Të shtunën më 9 mars, me pjesëmarrjen e shumë krijuesve dhe dashamirëve të poezisë në Kumanovë u mbajt edicioni i 32-të me radhë i manifestimit “Takimet Poetike të Karadakut”, nën organizimin e Klubit të Shkrimtarëve ‘’Jehona e Karadakut”.

Takimet i hapi kryetari Fatos Rushiti, i cili vuri theksin tek krijimi i një lidhjeje të të gjitha klubeve të shkrimtarëve dhe artistëve nga të gjitha trojet shqiptare. “Shqipëria, Kosova, por dhe Maqedonia e Veriut, deri më tani nuk kanë bërë aq sa duhet për të nxitur dhe ndihmuar modalitete të ndryshme të bashkëpunimit kulturor ndër shqiptarët” theksoi Rushiti.

Këtë vit me çmimi kryesor “Fadil Bekteshi” shkoi te poetja nga Tirana – Etleva Tafa, me poezinë “Atje në Dalmaci”, me çmimin ‘’Doruntina’’ u nderua poeti nga Durrësi – Agron Çalliku, me poezinë “Një dramë brenda vetes”, ndërkaq me çmimin “Jehona Poetike” u shpërblye poeti nga Vitia – Fadil Abazi, me poezinë “Nuk fiket kujtimi për ty”.

Me mirënjohje të veçantë për afirmimin e poezisë shqipe brenda dhe jashtë vendit u laureua poeti i shumë çmimeve kombëtare dhe ndërkombëtare – Dhimitër Pojanaku nga Pogradeci.

Poetet që lexuan në Orën e Madhe Letrare ishin: Dhimitër Pojanaku, Kalosh Çeliku, Nehas Sopaj, Etleva Tafa,, Istref Haxhillari, Enkelejda Mitrollari, Agron Çalliku,  Fadil Abazi, Selajdin Shabani, Daim Iljazi, Rami Kamberi, Burhanedin Xhemaili, Bajramali Selimi, Bujar Balliu,  Arben Ibrahimi, Ali Qerimi, Arbër Salihu, Adriatik Zeqiri, Mejreme Kajolli Tusha, Ismail Ganiu, Shefki Selami, Emrah Bilalli, Ufra Alimi, Avni Shaqiri, Etem Xheladini, Ismet Miftari, Era Qerimi.

Advertisement

Juria letrare ishte në këtë përbërje dr. Sherif Selimi – studiues i letërsisë, mr. Arsim Halili poet dhe studiues, dhe Bilall Maliqi – poet i njohur nga Presheva.

Kryesia e Klubit, me plaket mirënjohjeje e nderoi doajenin e gazetarisë kumanovare – Nexhat Aqifi, për kontribut të veçantë në informimin dhe afirmimin e Klubit të Shkrimtarëve ‘’Jehona  e Karadakut”. Aqifi për 32 vite me radhë ka informuar për të gjitha aktivitetet e klubit, përmes televizionit lokal “Festa” dhe Televizionit Shtetëror – Programi në gjuhën shqipe. Ndërkaq, mirënjohje të veçantë mori veterani i arsimit dhe afaristi i njohur kumanovar – Feriz Dervishi, për mbështetjen e manifestimeve  kulturore në Kumanovë. Poashtu, me mirënjohje u nderua edhe Abil Ademi – pronar i “Foto Drita’’ nga Kumanova.

Kryeredaktori i revistës “Doruntina” – Sevdail Demiri, prezantoi edicionin e fundit të revistës nr. 53/54, si dhe botimet e fundit të autorëve që botuan me siglën e klubit gjatë vitit paraprak – Ligor Shyti, Fatos Rushiti, Selajdin Shabani dhe Avdulla Ameti.

Poezia në Kumanovë u shoqërua nga dy këngë shumë të bukura të kantautorit të njohur kumanovar Sunaj Raimi, njëherit poet dhe nënkryetar i këtij klubi.

Manifestimi ‘’Takimet Poetike të Karadakut – 2024’’ pjesërisht gjeti mbështetjen e Ministrisë së Kulturës, Komunës së Kumanovës dhe Likovës, si dhe firmës ‘Top Drajver’’. Në emër të Komunës së Kumanovës, manifestimin e nderuar këshilltarët komunal – Driton Sulejmani dhe Huzeir Mustafa.

Advertisement

Lajme nga vendi

Është rihapur për qarkullim vendkalimi kufitar “Bogorodicë”

Published

on

Vendkalimi kufitar “Bogorodicë” është rihapur dhe funksionon normalisht, njofton Ministria e Punëve të Brendshme (MPB) . Kalimi është mbyllur përkohësisht sot për shkak të zjarrit në anën greke të kufirit. Për shuarjen e zjarrit kanë ndërhyrë 39 zjarrfikëse me dy ekipe këmbësorie, 12 automjete dhe një helikopter.

Deri në normalizimin e qarkullimit në vendkalimin kufitar Bogorodicë – Evzoni automjetet janë devijuar në vendkalimin kufitar “Dojran”. Në kamerat e Ndërmarrjes Publike për Rrugët Shtetërore vërehej se në dalje të shtetit ndodhen tre rreshta të automjeteve që presin në dalje të shtetit dhe nuk lëvizin.

Continue Reading

Lajme nga vendi

(VIDEO)Vazhdimi i bulevardit V.S Bato në Tetovë do të realizohet në dy faza

Published

on

Vazhdimi i bulevardit V.S Bato në Tetovë do të realizohet në dy faza. Faza e parë është deri në lagjen Drenovec, respektivisht deri tek ish fabrika e Tullave, ndërsa faza e dytë duhet të realizohet deri në fshatin Poroj. Aktualisht është duke u punuar në fazën e parë, ku janë duke u vendosur kanalizimi atmosferik dhe fekal, rrjeti I ujësjellësit, ndërsa më pas do të vazhdohet edhe me asfaltimin dhe me ndriçimin publik. Nga komuna e Tetovës thonë se për fazën e parë janë siguruar mjetet ndërsa për fazën e dytë do të kërkohet ndihmë nga qeveria e Republikës së Maqedonisë së Veriut. Krahas punëve në teren në vijim e sipër është edhe procesi I shpronësimit të pronave private. “Për sa I përket këtij bulevardi, aktualisht është duke u bërë kanalizimi atmosferik, njëkohësisht ka filluar edhe shpronësimi I pronave, ku janë 38 lëndë për shpronësim.Pasi të përfundohet faza e parë që përfshinë kanalizimet, asfaltimin dhe ndriçimin publik ku vlera totale e fazës së parë kushton reth një milion euro, më pas do të vazhdohet edhe me fazën e dytë por, pasi që është një projekt që kushton më shumë do të duhet të kërkohet mjete nga qeveria për të përmbyllur këtë buevard”, deklaroi Besarta Ramadani, zëdhënse e komunës së Tetovës. Ndryshe, Bulevardi “Vidoe Smilevski – Bato” apo vazhdimi i bulevardit industrial nga qendra sportive e deri tek rruga për te kazerma, është përuruar në vitin 2021,ndërsa ka kushtuar gjithsej 1 milion euro kurse mjetet janë siguruar përmes bankës botërore. Ky bulevard është një ndër arteriet kryesore të komunikacionit për trafikun e stërngarkuar në rrugët e qytetit të Tetovës dhe kishte për qëllim që të evitojë kaosin në pjesët kryesore, sidomos për automjetete që vijnë nga Shkupi dhe Gostivari dhe desticnacion nuk e kanë Tetovën, por rrugën regjionale Tetovë-Jazhincë dhe anasjelltas.Paralelisht në Tetovë zhvillohen edhe dy projekte, njëri prej te kazerma e Tetovës e deri tek dalja në rrugën Tetovë-Jazhincë dhe qarkorja e Tetovës nga autostrada Tetovë-Shkup e deri në fshatin Neprshten. Të gjitha këto tre segmente rrugore nëse përfundojnë brenda disa viteve, do të jetë shpëtim për Tetovën sidomos për automjetetet e rënda të cilët nuk do të duhet që të hyjnë brenda në qytet por do të shfrytëzojnë njërën prej këtyre tre rrugëve.Qarkorja e Tetovës filloi këtë vit, pak para zgjedhjeve dhe sipas paralajmërimeve do të duhet të përfundojë vitin e ardhshëm. TV KOHA

Continue Reading

Lajme nga vendi

(VIDEO) Punët në rrugën e butiqeve fillojnë më 15 gusht

Published

on

Rruga e Butiqeve pritet të fillojë të rikostruohet kah mesi i muajit gusht, thotë kryetari i komunës së Tetovës Bilall Kasami. Rikostruimi i kësaj rruge është shtyer disa herë, filimisht për shkak të pandemisë, pastaj për shkak të rritjes së çmimit të materialeve, ndërsa kishte edhe prolongim të punëve për shkak të mos dhënies së lejes së punëve nga ana e policisë. Kryetari i komunës së Tetovës thotë se punimet do të fillojnë me 15 gushtë , afat që deri më tash është duke u shtyre nga viti 2022 kur edhe kryetari Kasami nënshkroi me ish ministrit të Vetëqeverisjes Lokale Risto Penov. Bilall Kasami- kryetar i komunës Tetovës “ Në rrugën e butileve është dashur të fillojnë punimet por me kërkesë të banorëve të zonës për shkak të përvojave më të hershme që nuk realizoheshin punimet në kohë , kërkuan që punimet të nisin pas largimit të mërgimtarëve dhe dakordimi është pas 15 gushtit të fillojn punimet dhe besoje në afat rekord para fillimit të dimrit të përmbylljen gjithë punimet.” Zakonisht në këtë periudhë kjo rrugë është më shumë e frekuentuar. Banorët janë të ndarë, disa thonë se punimet duhet të fillojnë të paktën me 1 shtator e disa mendoj se 15 gushti është koha e duhur.Anketa Me këtë projekt pritet që të ruhet identiteti dhe autenticiteti i Rrugës së Butiqeve apo i Çarshisë së Epërme. Kjo rrugë në të kaluarën ishte shumë e njohur dhe e frekuentuar nga qytetarët për artizanalet megjithatë sot bizneset që ndodhen aty nuk kanë punë sikur para disa viteve.TV KOHA

Continue Reading

Më të lexuarat