Connect with us

Lajme nga vendi

Marrëveshja shembullore e Prespës/ Maqedonia e Veriut dhe Greqia vijojnë me projekte të përbashkëta…

Published

10 months ago

on

Në disa rrugë të Greqisë ende nuk janë ndryshuar tabelat e vjetra të trafikut në të cilat shkruan  Shkup ose FYROM, megjithëse Marrëveshja e Prespës parashikon respektimin e emrit të ri, Republika e Maqedonisë së Veriut.

Deri në shkurt të vitit 2024, qytetarët kanë obligim ligjor të ndryshojnë të gjitha dokumentet personale, në të cilat në vend të emrit të mëparshëm Republika e Maqedonisë, duhet të shkruhet emri i ri, i cili rrjedh nga Marrëveshja e Prespës me Greqinë, Republika e Maqedonisë së Veriut. Kjo do të thotë se qytetarët, të cilët nuk e kanë bërë këtë deri më tani, do të duhet të ndërrojnë letërnjoftimin, pasaportën, patentën e shoferit, lejen e qarkullimit, si dhe targat.

Në Samitin e fundit të NATO-s, kryeministri Kovaçevski  pati  takim me kryeministrin e ri të Greqisë. Pyetjes së TV21 se a është diskutuar për zbatimin e Marrëveshjes së Prespës, ai u  përgjigj:

“Në fushën e marrëveshjes së Prespës, një pjesë e madhe e punës është zbatuar, janë disa ratifikime që duhen bërë në parlamentin grek, ka edhe disa detyrime në vendin tonë që duhen zbatuar në sferën e politikave tatimore etj. Një pjesë e punës është në kompetencën e autoriteteve rajonale që përmendëm dhe Greqia me siguri do të punojë për zbatimin e saj në periudhën e ardhshme, ashtu siç po punojmë ne për zbatimin e elementeve të tjera të marrëveshjes me Greqinë”, tha kryeministri I RMV-së Dimitar Kovaçevski.

Sipas marrëveshjes duhet të hapen dy pika të reja kufitare. Një në “Markova Noga”, e cila do të mundësonte lëvizjen ndërmjet Maqedonisë së Veriut dhe Greqisë në Prespë dhe “Majden” në Mariovë të Tikveshit. Parlamenti grek tashmë ka sjellë vendime për këtë çështje.

“Shembull i përkushtimit të institucioneve në Greqi është regjistrimi i qendrës për gjuhën maqedonase, i cili u kontestua, por gjykata në Greqi solli vendim shumë të qartë se është diçka që mund të regjistrohet në Greqi dhe ata që dëshirojnë ta ruajnë gjuhën maqedonase mund ta bëjë këtë lirisht në mënyrë institucionale”, shtoi Kovaçevski.

Marrëveshja e Prespës, e cila zgjidhi mosmarrëveshjen e gjatë maqedonase-greke për emrin, u nënshkrua më 17 qershor 2018, në anën greke të liqenit të Prespës, në fshatin Nivici (Psarades).

Advertisement
Related Topics:
Advertisement

Lajme nga vendi

(VIDEO) Vendi i parë Gara për Gjykim të simuluar për fakultetin juridik të UEJL-së

Published

16 mins ago

on

May 18, 2024

By

Studentet e Fakultetit Juridik në Universitetin e Evropës Juglindore në Tetovë Gentiana Reka, Elona Zendeli, Era Gjakova dhe Flutra Xhemaili nën mentorimin e profesoreshës Vedije Ratkoceri arritën që fitojnë vendin e parë në garën ndërkombëtare për gjykim të simuluar në Tiranë në konkurrencë me 16 ekipe të fakulteteve juridike nga Shqipëria, Kosova dhe Maqedonia e Veriut.Garat u zhvilluan në dy faza, në fazën e përgatitjes dhe dorëzimit të dokumenteve për lëndët përkatëse gjyqësore, në të cilën një pjesë u diskualifikuan disa fakultete, ndërsa në fazën e dytë dhe përfundimtare, pjesa tjetër e ekipeve vazhdoi me një gjykim të simuluar verbal.
Skuadra e UEJL-së kishte një paraqitje brilante në të gjitha raundet dhe u vlerësua lartë nga juria për përgatitjen profesionale, hulumtimin e bërë dhe nivelin e lartë të shkresave të dorëzuara, prezantimin oral, bashkëpunimin e skuadrës si dhe gatishmërinë dhe mënyrën e përgjigjes ndaj pyetjeve të parashtruara si nga skuadrat kundërshtare ashtu edhe nga juria.
Ekipi i Universitetit të Evropës Juglindore në Tetovë kishte një performancë të shkëlqyer në të gjitha fazat dhe u vlerësua me nota të larta nga juria për përgatitjen profesionale, për hulumtimin e bërë dhe për nivelin e lartë të punimeve të arritura, për prezantimin gojor, për bashkëpunimin e ekipit, si dhe për përgatitjen dhe mënyrën se si përgjigjeshin në pyetjet e parashtruara nga ekipet kundërshtare dhe nga juria. Garat u organizuan për herë të dytë radhazi nga Fondacioni Halimi, me mbështetjen e Ambasadës së Holandës në Tiranë.TV KOHA

Continue Reading

Lajme nga vendi

(VIDEO) Promovohet libri i Shaban Sinanit “Kolosët e Sportit”

Published

41 mins ago

on

May 18, 2024

By

Gazetari Shaban Sinani, sot në Tetovë ka promovuar librin e tij të rradhës në sferën e sportit. Bëhet fjalë për librin Kolosët e Sportit kushtuar ikonave të sportit ndër vite, atyre që kanë lënë gjurmë sidomos në sportin shqiptar, në mesin e tyre Shaban Tërstena, Qatip Osmani, Miftar ZIberi e këshu me rradhë. Autori është shprehur se këta sportis që kanë shënuar shumë suksese sidomos në garra ndërkombëtare duhet që të jenë motiv për sportistët e ardhshëm që të arrijnë suksese në nivele me të larta.Ai ka bërë të ditur se ky libër u dedikohet familjes së tij të ngushtë të cilët e kanë përkrahur gjatë tërë karrierës.
Në këtë promovim, ishin të pranishëm një numër I madh I puntorëve sportiv, gazetar, trajner, ish sportist të dalluar nga Tetova, Shkupi e kështu me rradhë, të cilët në fjalën e tyre theksuan se të arriturat e sportistëve shqiptarë janë të mëdha dhe është mirë që këta suksese të shënohen nëpër libra që të ngelë dëshmi edhe për të ardhmen. Ky është libri I shtatë me rradhë me autor Shaban Sinanin, ku kryesisht sikurse ky libër, edhe të tjerët kanë qenë në sferën e sportit.TV KOHA

Continue Reading

Lajme nga vendi

Zyrtari i policisë së Maqedonisë kapet duke marrë 12 mijë euro ryshfet që ka ndërmjetësuar për marrje të banesave sociale

Published

4 hours ago

on

May 18, 2024

By

Ministri i Punëve të Brendshme, Pançe Toshkovski u shpreh se punonjësi i MPB-së është kapur me ryshfet prej 12.500 eurove.

Siç informoi MPB-ja, Sektori për kontroll të brendshëm, hetime kriminele dhe standarde profesionale në koordinim me Sektorin për polici kriminele pas denoncimit nga tre persona të dëmtuar dhe më 17.05.2024 I.M. është kapur në momentin e marrjes së 12.500 eurove, paraprakisht në mënyrë kriminalistike të përpunuara, të cilat i janë dhënë për gjoja ndërmjetësim për marrje të banesave sociale nga kategoria B.

Lidhur me veprën penale është kryer bastisje në hapësirat zyrtare të cilat i ka përdorur e denoncuara me ç’rast është gjetur dokumentacion i dyshuar më vëllimor i cili është i lidhur me veprën penale në lloj në dokumenteve të ndryshme për të cilët ekziston dyshim se janë të falsifikuara, marrëveshje të ndryshme për hua, marrëveshje për ndërmjetësim të ndarje të banesave sociale, fleta pronësore, si dhe fletore me dorëshkrime në të cili është mbajtur evidencë për personat për të cilët janë kryer punë të caktuara.

Gjithashtu, gjatë bastisjes në shtëpinë e saj në fshatin Bukoviq, i kryer me urdhër gjyqësor, janë gjetur edhe sekusetruar armë zjarri dhe municion.

Personi është nxjerrë para gjykatësit të procedurës paraprake, i cili përcaktoi masë kujdesi, marrje të dokumentit të udhëtimit dhe ndalesë për braktisje të Qytetit të Shkupit.

Advertisement

Sipas Prokurorisë, nga prilli i vitit 2023, duke shfrytëzuar marrëdhënie të njëjtë të përhershme dhe raste të njëjta, e dyshuara ka mashtruar tre persona, të cilëve rrejshëm u është prezantuar si shefe në stacionin policor Gazi Babë dhe anëtare e Komisionit për shpërndarje të banesave sociale. Tre personave të dëmtuar të papunë u ka premtuar se do t’ju ndërmjetësojë që të marrin banesa sociale në Lisiçe me çmim më të ulët se ai real, duke iu kërkuar që t’i paguajnë nga 12.000 euro për banesë dhe 3.000 euro për ndërmjetësim dhe përgatitje të dokumentacionit. Të hollat ua kanë dhënë disa herë, ndërsa gjatë pagesës së fundit të 12.500 euro, në afërsi të stacionit policor, është kapur menjëherë pas dorëzimit të të hollave.

Për rastin mëngjesin e sotëm, përmes profilit të tij në Fejsbuk informoi edhe ministri teknik i Punëve të Brendshme Pançe Toshkovski.

Continue Reading

Më të lexuarat