Lajme nga vendi
Sot reshje shiu dhe bubullima, ja kur pritet përmirësimi i motit në Maqedoninë e Veriut
Moti sot do të jetë i ndryshueshëm me vranësira dhe i paqëndrueshëm me reshje të rrëmbyeshme shiu dhe bubullima. Në vende lokale proceset do të jenë më intensive në formë stuhie me reshje më të dendura, erë të përforcuar dhe paraqitje të izoluar të breshrit. Temperatura minimale do të jetë në interval nga 12 deri më 18, ndërsa ajo maksimale do të arrijë nga 20 në 26 gradë Celsius, informojnë nga DPHM-ja.
“Në Shkup moti do të mbajë i vranët dhe i paqëndrueshëm me reshje shiu dhe bubullima. Në pjesë të luginës do të ketë kushte për stuhi afatshkurtër me reshje të dendura shiu dhe erë të përforcuar. Temperatura minimale do të zbresë deri në 16, ndërsa ajo maksimale do të arrijë deri 23 gradë Celsius”, thuhet në njoftimin e DPHM-së.
Gjatë fundjavës reshjet do të jenë lokale dhe do të shoqërohen me bubullima të rralla dhe do të fryjë erë e fortë veriore. Nga e hëna moti do të jetë stabil dhe më i ngrohtë.
Lajme nga vendi
Policia jep detaje për vdekjen e 18-vjeçarit nga Tetova, është gjetur pa shenja jete në banjon e shtëpisë
Më datë 13.05.2024 rreth orës 18.00 në SPB-Tetovë, nga Qendra Urgjente e Spitalit Klinik të Tetovës, është raportuas në spital është sjellur personi E.Sh. (18) nga Tetova. Sipas raportit, nëna dhe motra e tij e gjetën atë pa shenja jete në banjo në shtëpinë e tyre familjare. Vdekjen pa gjurmë të dhunës e ka konfirmuar mjeku, kurse inspektimin në vendin e ngjarjes e ka kryer Prokurori publik dhe një ekip nga SPB-Tetovë. Me urdhër të Prokurorit publik, trupi i pa jetë i të ndjerit iu dorëzua familjes.
Aleanca për Shqiptarët (ASH) e prirë nga Arben Taravari në mbledhjen e mbajtur të kryesisë partiake ka zgjedhur nënkryetarët dhe sekretarët partiakë, mëson INA.
Nënkryetarë janë zgjedhur: Bujare Abazi, Gëzim Kadriu dhe Bekim Pocesta
Sekretar i Përgjithshëm: Blerant Ramadani
Sekretar Organizativ: Gadaf Uzairi
Të sapozgjedhurit do kryejnë këto detyra si ushtrues detyre deri në kongresin e ardhshëm partiak.(INA)
Avokatët e të dënuarve në rastin “Monstra”, për Alsat konfirmojnë se këtë javë kanë dorëzuar gjithsej tre ankesa Gjykatën e Strasburgut, për aktgjykimet në gjykatat e vendit për rastin “Monstra”. Për shkak se korrespodenca me Gjykatën e Strasburgut, zhvillohet në mënyrë të fshehtë, avokatët nuk japin detaje. Ankesat e avokatëve përfunduan në Strasburg pasi të dënuarit nuk janë të kënaqur me vendimin e Gjykatës Supreme të shtatorit të vitit 2023, me të cilin, u vërtetuan aktgjykimet e shkallës së parë dhe të dytë. Sipas vendimit, Alil Demiri, Afrim Ismailloviq dhe Agim Ismailloviq u shpallën fajtorë për veprën dhe u dënuan me burgim të përjetshëm, ndërkaq Fejzi Aziri dhe Haki Aziri u dënuan me burg 15 dhe 9 vjet burg. Sami Luta u lirua nga akuza, në mungesë të fakteve. /Alsat.mk
Policia jep detaje për vdekjen e 18-vjeçarit nga Tetova, është gjetur pa shenja jete në banjon e shtëpisë
ASH zgjodhi nënkryetarët dhe sekretarët partiakë
“Monstra” në Strasburg, avokatët dorëzojnë tre ankesa
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve