Lajme nga vendi
Të punësuarit në DAP Maqedoni çdo ditë do të mbajnë grevë nga dy orë
Punonjësit e Drejtorisë së të Ardhurave Publike, duke filluar nga sot, çdo ditë në vijim nga ora 10:00 deri në 12:00 pasdite, do të bëjnë grevë pa kryer detyrat e tyre të punës nga vendi i punës.
Nga atje paralajmërojnë se ekziston mundësia që të krijohen “situata të padëshiruara” si mospërmbushje e detyrave të punës dhe obligimeve të punonjësve gjatë një greve të mundshme të përgjithshme.
Dy ditë më parë ata mbajtën protestë duke nisur nga ora 11:00 para godinës së Ministrisë së Financave.
Punonjësit thonë se më herët është arritur marrëveshje me ministrinë, por për arsye të panjohura ende nuk është nënshkruar nga ministri Besimi. Ata paralajmëruan se do të detyrohen të fillojnë një grevë të përgjithshme dhe bllokadë të plotë, nëse marrëveshja nuk përmbushet.
“Në përmbajtjen e marrëveshjes së treguar është përcaktuar rritje e pagave të punonjësve të Drejtorisë së të Ardhurave Publike, e cila është legjitime dhe e vendosur sipas dispozitave të nenit 66 të Ligjit për Buxhetin. Në të njëjtën kohë, Kuvendi i Republikës së Maqedonisë së Veriut konfirmoi zbatimin e tillë të nenit të përmendur duke dhënë interpretimin e tij autentik”.
“Më parë, grupet e punës të deleguara nga punëdhënësi dhe organizata përfaqësuese sindikale solidaritet kanë përgatitur dhe kanë pranuar bashkërisht përmbajtjen e Kontratës së re Kolektive në nivel të punëdhënësit”, thuhet në njoftimin e punonjësve.
Lajme nga vendi
Policia jep detaje për vdekjen e 18-vjeçarit nga Tetova, është gjetur pa shenja jete në banjon e shtëpisë
Më datë 13.05.2024 rreth orës 18.00 në SPB-Tetovë, nga Qendra Urgjente e Spitalit Klinik të Tetovës, është raportuas në spital është sjellur personi E.Sh. (18) nga Tetova. Sipas raportit, nëna dhe motra e tij e gjetën atë pa shenja jete në banjo në shtëpinë e tyre familjare. Vdekjen pa gjurmë të dhunës e ka konfirmuar mjeku, kurse inspektimin në vendin e ngjarjes e ka kryer Prokurori publik dhe një ekip nga SPB-Tetovë. Me urdhër të Prokurorit publik, trupi i pa jetë i të ndjerit iu dorëzua familjes.
Aleanca për Shqiptarët (ASH) e prirë nga Arben Taravari në mbledhjen e mbajtur të kryesisë partiake ka zgjedhur nënkryetarët dhe sekretarët partiakë, mëson INA.
Nënkryetarë janë zgjedhur: Bujare Abazi, Gëzim Kadriu dhe Bekim Pocesta
Sekretar i Përgjithshëm: Blerant Ramadani
Sekretar Organizativ: Gadaf Uzairi
Të sapozgjedhurit do kryejnë këto detyra si ushtrues detyre deri në kongresin e ardhshëm partiak.(INA)
Avokatët e të dënuarve në rastin “Monstra”, për Alsat konfirmojnë se këtë javë kanë dorëzuar gjithsej tre ankesa Gjykatën e Strasburgut, për aktgjykimet në gjykatat e vendit për rastin “Monstra”. Për shkak se korrespodenca me Gjykatën e Strasburgut, zhvillohet në mënyrë të fshehtë, avokatët nuk japin detaje. Ankesat e avokatëve përfunduan në Strasburg pasi të dënuarit nuk janë të kënaqur me vendimin e Gjykatës Supreme të shtatorit të vitit 2023, me të cilin, u vërtetuan aktgjykimet e shkallës së parë dhe të dytë. Sipas vendimit, Alil Demiri, Afrim Ismailloviq dhe Agim Ismailloviq u shpallën fajtorë për veprën dhe u dënuan me burgim të përjetshëm, ndërkaq Fejzi Aziri dhe Haki Aziri u dënuan me burg 15 dhe 9 vjet burg. Sami Luta u lirua nga akuza, në mungesë të fakteve. /Alsat.mk
Policia jep detaje për vdekjen e 18-vjeçarit nga Tetova, është gjetur pa shenja jete në banjon e shtëpisë
ASH zgjodhi nënkryetarët dhe sekretarët partiakë
“Monstra” në Strasburg, avokatët dorëzojnë tre ankesa
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve