Lajme nga vendi
Heqja e ngrirjes së çmimeve, Bytyqi: Çmimet mund të ulen edhe më tepër
Zëvendëskryeministri për Çështje Ekonomike, Fatmir Bytyqi nuk pret ndryshime të mëdha dhe rritje të çmimeve të produkteve ushqimore, pas largimit të masës për ngrirjes së çmimeve, e cila duhet të hyjë në fuqi pasnesër, por paralajmëron se Qeveria do ta ndjekë situatën që të reagojë nëse eventualisht ndodh kjo.
“Të gjitha parakushtet që duhet të plotësohen që të mbeten çmimet e njëjta që çmimet të mbeten në të njëjtin nivel, ndoshta edhe të jenë më të ulëta, janë bërë. Të gjitha kushtet e mëparshme që u krijuan për rritjen e çmimeve tani janë zhdukur dhe rryma nuk është me çmimin që ka qenë. Çmimi i lëndëve të para në bursat botërore është ulur. Kjo do të thotë se edhe ata që prodhojnë, edhe ata që tregtojnë, i kanë kushtet që realisht të mbajnë çmimet e ulura, siç kanë qenë çmimet e ngrira, ndoshta edhe të bien edhe më tepër. Ne kemi parë që në tregun e perimeve natyrisht kanë rënë për 40 për qind më tepër se çmimet e ngrira dhe për këtë është marrë vendimi për shkrirjen e tyre”, tha sot Bytyqi.
Javën e kaluar, siç informoi, kishin takim në Odën Ekonomike, ndërsa bindja, siç tha, është se nuk ka lëvizje të mëdha, gjegjësisht rritje të çmimeve.
“Por, jemi të gatshëm që të ndjekim syhapur, nëse eventualisht ndodh kjo të reagojmë, por mendoj se nuk ka kushte për këtë”, tha Bytyqi, në pyetjen e gazetarëve pas hapjes së MEF Forumit Energjetik 2023.
Ai para pjesëmarrësve në konferencë porositi se në fokus të punës së Qeverisë është ndërtimi i kapaciteteve për prodhimin e energjisë nga burime të rinovueshme të energjisë.
“Nëse marrim parasysh se sektori energjetik krijon 10 deri në 15 për qind të PBB-së së ekonomisë sonë, atëherë është e qartë se zgjedhja që bëjmë sot në sektorin e energjisë do të ketë ndikim të madh në të ardhmen e ekonomisë sonë dhe në mirëqenien e qytetarëve. Vendi ynë është lider energjetik në rajon, me ligje dhe akte nënligjore të miratuara dhe të zbatuara, në përputhje të plotë me Bashkësinë Evropiane të Energjisë dhe në këtë mënyrë mundësojmë liberalizimin e tregut të energjisë”, tha Bytyqi.
Lajme nga vendi
Shkon në 61 numri i viktimave në Koçan/ Ndërron jetë Aleksandar Gavrillovskin i cili ishte për kurim në Lituani
Edhe një viktimë nga tragjedia në Koçan, bëhet fjalë për 29 vjeçarin Aleksandar Gavrillovski i cili ishte për kurim në Lituani. Lajmin e bëri të ditur ministri i Shëndetësisë, Arben Taravari, sipas të cilit edhe dy pacientë të tjerë janë në gjendje kritike për jetën, shkruan Alsat.
“Tanimë i ndjeri Aleksandar Gavrilovski ishte njëri nga katër pacientët në gjendje kritike”, tha Taravari.
Numri i viktimave nga tragjedia në Koçan arrin në 61 persona. /Alsat.mk
Lajme nga vendi
Taravari: Gëzohem që VV, LD, Alternativa dhe L.Besa kanë rënë dakord që të bëhen një parti, ASH-ja nuk ka pasur ftesë!
Kryetari i Aleancës për Shqiptarët, Arben Taravari përshëndeti iniciativën e partive që janë pjesë e koalicionit VLEN që të shkrihen në një të vetme, por siç tha, deri te ASH-ja nuk ka pasur një ftesë të tillë, por nëse do të ketë, Taravari tha se do të shqyrtohet
“Sinqerisht unë e dëgjova tash duke ardhur, z.Mexhitin. ne e kemi diskutuar për shkrirje të VLEN-it prej në korrik të vitit të kaluar e më pas aspak nuk është hapur kjo temë. Unë gëzohem që ata kanë ra dakord, Vetëvendosje, LD-ja, Alternativa dhe Besa që të shkrihen dhe e përshëndes këtë aktin. Aleanca për shqiptarët do të mbetet si subjekt që do të tentoje të bashkëpunojë nëse këta do të shkrihen në një parti. Deri të ne nuk ka ardhur ashtu ftesë, nëse vjen, do ta shqyrtojmë”, tha Taravari.
https://www.facebook.com/tv21hd/videos/1321070935843885/?ref=embed_video
Lajme nga vendi
Durmishi: Masat po japin rezultat, çmimet e produkteve bazë ushqimore po stabilizohen, inflacioni në muajin mars u ul me 1.3% në nivel mujor
Inflacioni në mars 2025 krahasuar me muajin shkurt shënoinjë rënie prej -1.3%, të dhëna këto të Entit Shtetëror të Statistikave, njoftoinë rrjetin social Facebook ministri i Ekonomisë dhe Punës Besar Durmishi.
“Masat e Ministrisë së Ekonomisë dhe Punës po japin rezultat.Çmimet e produkteve ushqimore bazë janë në stabilizim dhe në rënie.Në nivel vjetor në mars 2025 krahasuar me mars 2024, inflacioni i matur për mes kostos së jetesës është 2.7%. Në vazhdimësi popunohet në masa për përmirësimin e standardit të qytetarëve dhe stabilizimin e çmimeve”, ka shkruar ministri Durmishi.
Qeveria, me propozim të Ministrisë së Ekonomisë dhe Punës, mori vendim për kufizimin e marzhit bruto të fitimit të 102 grupeve të produkteve ushqimore bazë, si dhe vendim për përcaktimin e çmimeve më të larta të 8 grupeve të produkteve ushqimore bazë. Këto dy vendime kanë hyrë në fuqi më 20 shkurt dhe do të vlejnë deri më 30 prill 2025.
Vendimi për të kufizuar marzhin bruto të fitimit në tregtinë me shumicë dhe pakicë në 102 grupe produktesh ose mbi 1000 produkte ushqimore dhe joushqimore përfshin:
5% marzh fitimi bruto në bazën 8 produkte ushqimore qumësht, bukë, miell (lloji 400 dhe tip 500, vezë, vaj gatimi, dhe kos)
10% marzh fitimi bruto për produktet ushqimore, i cili përfshin një grup prej 55 produkteve ushqimore (mish dhe produkte mishi, sheqer, produkte qumështi, margarinë, gjalpë, perime dhe fruta të konservuara, fasule, oriz, makarona)
15% marzh fitimi bruto për 39 produkte ushqimore dhe produkte higjienike (fruta dhe perime të freskëta, detergjentë, ushqim për fëmijë, pelena, sapun, letër higjienike dhe të tjera.
Po ashtu u ngrinë çmimet e 8 grupeve të produkteve ushqimore bazë :qumështi, buka, mielli (lloji 400 dhe tipi 500), vezët, vaji i gatimit, kosi etj.
Qëllimi i këtyre masave është mbrojtja e standardit të qytetarëve, ulja e çmimeve të produkteve ushqimore bazë dhe stabilizimi i inflacionit.
Shkon në 61 numri i viktimave në Koçan/ Ndërron jetë Aleksandar Gavrillovskin i cili ishte për kurim në Lituani
Taravari: Gëzohem që VV, LD, Alternativa dhe L.Besa kanë rënë dakord që të bëhen një parti, ASH-ja nuk ka pasur ftesë!
Durmishi: Masat po japin rezultat, çmimet e produkteve bazë ushqimore po stabilizohen, inflacioni në muajin mars u ul me 1.3% në nivel mujor
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve