Lajme nga vendi
MASH dhe UNICEF me punëtori për përforcimin e kompetencave të bashkëpunëtorëve profesional në shkolla
Vazhdojnë punëtoritë për bashkëpunëtorët profesional nga të gjitha shkollat fillore dhe të mesme në vend. Ministria e Arsimit dhe Shkencës me mbështetjen e UNICEF-it MK, deri më tani organizuan gjashtë punëtori në Ohër, Manastir, Tetovë, Kumanovë dhe dy në Shkup, përmes të cilave arritëm të përfshijmë dhe bisedojmë me 411 bashkëpunëtorë profesional.
Qëllimi i punëtorive është të ndërtojnë përgjigje të përbashkët në bazë të zhvillimeve të fundit dhe të inkurajojnë bisedë të hapur dhe klimë të mbështetjes në shkolla. Në situata të krizës të cilat ndikojnë në mirëqenien dhe shëndetin mendor të nxënësve është me rëndësi të madhe që shkolla të mbetet vend i sigurt ku ata mund të gjejnë mirëkuptim, përgjigje dhe mbështetje për të tejkaluar sfidat, për të avancuar kompetencat e tyre socio-emocionale dhe të përforcojnë rezistencën psikologjike, thonë në MASH.
Për sot janë paraparë punëtori me bashkëpunëtorët profesional nga shkollat në Veles dhe Strumicë.
Mbështetja nga institucionet, por edhe përkrahja ndërmjet bashkëpunëtorëve profesional është thelbësore dhe ministri i Arsimit dhe Shkencës, Jeton Shaqiri përsëri bën thirrje që të mundësohet puna e përditshme e pandërprerë për bashkëpunëtorët profesional dhe çlirimi nga përgjegjësitë administrative në shkollë, theksojnë nga MASH.
Lajme nga vendi
Policia jep detaje për vdekjen e 18-vjeçarit nga Tetova, është gjetur pa shenja jete në banjon e shtëpisë
Më datë 13.05.2024 rreth orës 18.00 në SPB-Tetovë, nga Qendra Urgjente e Spitalit Klinik të Tetovës, është raportuas në spital është sjellur personi E.Sh. (18) nga Tetova. Sipas raportit, nëna dhe motra e tij e gjetën atë pa shenja jete në banjo në shtëpinë e tyre familjare. Vdekjen pa gjurmë të dhunës e ka konfirmuar mjeku, kurse inspektimin në vendin e ngjarjes e ka kryer Prokurori publik dhe një ekip nga SPB-Tetovë. Me urdhër të Prokurorit publik, trupi i pa jetë i të ndjerit iu dorëzua familjes.
Lajme nga vendi
ASH zgjodhi nënkryetarët dhe sekretarët partiakë
Aleanca për Shqiptarët (ASH) e prirë nga Arben Taravari në mbledhjen e mbajtur të kryesisë partiake ka zgjedhur nënkryetarët dhe sekretarët partiakë, mëson INA.
Nënkryetarë janë zgjedhur: Bujare Abazi, Gëzim Kadriu dhe Bekim Pocesta
Sekretar i Përgjithshëm: Blerant Ramadani
Sekretar Organizativ: Gadaf Uzairi
Të sapozgjedhurit do kryejnë këto detyra si ushtrues detyre deri në kongresin e ardhshëm partiak.(INA)
Lajme nga vendi
“Monstra” në Strasburg, avokatët dorëzojnë tre ankesa
Avokatët e të dënuarve në rastin “Monstra”, për Alsat konfirmojnë se këtë javë kanë dorëzuar gjithsej tre ankesa Gjykatën e Strasburgut, për aktgjykimet në gjykatat e vendit për rastin “Monstra”. Për shkak se korrespodenca me Gjykatën e Strasburgut, zhvillohet në mënyrë të fshehtë, avokatët nuk japin detaje. Ankesat e avokatëve përfunduan në Strasburg pasi të dënuarit nuk janë të kënaqur me vendimin e Gjykatës Supreme të shtatorit të vitit 2023, me të cilin, u vërtetuan aktgjykimet e shkallës së parë dhe të dytë. Sipas vendimit, Alil Demiri, Afrim Ismailloviq dhe Agim Ismailloviq u shpallën fajtorë për veprën dhe u dënuan me burgim të përjetshëm, ndërkaq Fejzi Aziri dhe Haki Aziri u dënuan me burg 15 dhe 9 vjet burg. Sami Luta u lirua nga akuza, në mungesë të fakteve. /Alsat.mk
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve