Lajme nga vendi
RMV, do të zhvendoset data e maturës shtetërore nëse deri të premten nuk do të rriten pagat, thonë nga Qendra e Provimeve
Do të zhvendoset data e dhënies së provimit të maturës shtetërore nëse punonjësit e Qendrës Shtetërore të Provimeve (QShP) nuk marrin pëlqimin e Ministrisë së Financave për rritje pagash deri të premten. Sindikata e Qendrës Shtetërore të Provimeve (QShP) po vazhdon grevën e nisur të martën e kaluar për shkak se nuk kanë marrë miratimin nga Ministria për kontratën e tyre kolektive, e cila do t’i rrisë pagat, transmeton Portalb.mk.
Greva prek 15.620 maturantë të cilët janë regjistruar për të dhënë dy provimet eksterne më 27 maj dhe 10 qershor. Është ndërprerë edhe testi ndërkombëtar TIMSS, i cili mat arritjet e nxënësve në lëndët e matematikës dhe grupeve lëndëve natyrore (shkenca natyrore, fizikë, kimi, biologji). Testimi filloi më 3 prill dhe përfshin rreth 4.900 nxënës në 150 shkolla fillore.
Emilia Boshkovska, kryetare e organizatës sindikale në të cilën janë anëtarë të 29 të punësuarit, dje i bëri thirrje Ministrisë që t’i marrë seriozisht dhe të marrin përgjigje pozitive deri të premten sepse, në të kundërtën, duhet të ndrshohet kalendari për të gjitha proceset për të cilat është përgjegjës QShP dhe datat për dhënien e provimit të maturës shtetërore, i cili duhet të nisë më 27 maj.
Boskovska dje në një konferencë për media tha se Ministria e Financave i ka njoftuar përmes telefonit se “u vjen keq që kanë paga kaq të ulëta” dhe në vend të kontratës kolektive, si më të favorshëm, kanë propozuar Ligjin për zyrtarët administrativ.
Duke shpjeguar se pse oferta është e papranueshme për ta, ajo tha se përgjegjësia kryesore e QShP është që të kujdeset për cilësinë e arsimit në vend, ndërsa Ligji për zyrtarët administrativ nuk e parasheh atë pjesë, përkatësisht pjesën e edukim për të gjithë të përfshirët në institucion.
“Kemi qenë të vetëdijshëm për këtë për një kohë të gjatë dhe një nga arsyet pse i kemi qëndruar marrëveshjes kolektive është se jemi të veçantë si institucion dhe punonjësit kanë një mënyrë tjetër trajnimi, sistemi është i mbyllur, ka pak punonjës në mënyrë që të mos ketë thyerje të testeve, detyra shumë të përgjegjshme për secilën prej tyre dhe disa procese për një person”, tha Boshkovska.
Ata kanë marrë parasysh të gjitha përgjegjësitë që kanë në këtë periudhë dhe duke pasur parasysh kalendarin dhe provimet e planifikuara, i kanë bërë thirrje Ministrisë së Financave, siç tha ajo, “të na konsiderojë seriozisht në marrjen e vendimeve dhe të marrin përgjigje pozitive deri të premten në mënyrë që të realizojë maturën me këto data”.
“Pas të premtes, çdo negociatë do të duhet të jetë për ndryshimin e kalendarit dhe ndryshimin e datave të maturës. Ne nuk do të dëshironim që të vinte deri te kjo, por është gjithashtu një opsion. Ne do të jemi të durueshëm. Do të ketë maturë, nuk duam të dëmtojmë askënd dhe duam të zbatojmë të gjitha proceset, por kalendari do të duhet të ndryshojë. Por, është në interes të nxënësve që kjo të ndodhë sa më shpejt dhe të mos ndryshojmë datat”, apeloi Boshkovska.
Njëzet e nëntë punonjësit kërkojnë paga më të larta, të cilat nuk janë rritur as pas rritjes sërish të pagës minimale, e cila ka sjellë barazimin e pagave për pozicione të ndryshme pune. Pothuajse gjysma e tyre, 11, marrin rreth 20.100 denarë, kurse këshilltarët që, siç thonë, janë shtylla kurrizore e QShP-së, marrin 26 mijë denarë.
Kreu i Aleancës për Shqiptarët, Arben Taravari i cili është larguar nga koalicioni VLEN pasi vendosi të shkojë në zgjedhje lokale ndaras, ka pranuar se ka realizuar bisedë me kreun e BDI-së Ali Ahmeti. Në një intervistë për Lajm ai thotë se takim nuk ka pasur, por është dëgjuar me të në telefon.
Takim me Ali Ahmetin a keni pasur apo prisni të keni?
“Jo, jo, jo. Ka pasur një bisedë telefonike dhe ajo është…”, deklaroi Arven Taravari, kryetar i ASH.
Televizioni Alsat që në fillim të muajit prill raportoi për një bisedë telefonike 40 minutëshe mes Taravarit dhe Ahmetit, e cila sipas burimeve tona ka bërë që Taravari të lëkundet në bindjet, që deri dje i mbronte me aq fanatizëm ndaj BDI-së. Disa herë, Taravari përmendi që partia e tij ka kanale komunikimi me BDI-në, por edhe sinjale për bashkëpunim në zgjedhjet lokale. Madje, duke relativizuar se edhe partitë tjera të VLEN-it kanë kontakte. Ndaj kësaj, mori përgjigje të ashpër nga Lëvizja Besa, Lëvizja Demokratike, Alternativa dhe përfaqësuesi i Lëvizjes Vetëvendosje se nuk kanë asnjë arsye për të komunikuar me një parti të korruptuar, funksionarët e të cilës janë në lista të zeza.
Biseda telefonike është realizuar pikërisht në kohën kur Aleanca për Shqiptarët do të duhej të vendoste për mënyrën e garimit në zgjedhjet lokale, për çka Taravari disa herë përsëriti se ekzistojnë dy opsione për të garuar në zgjedhje. I pari, të garojnë së bashku me VLEN-in dhe i dyti të garojë vetëm si ASH, që në këtë rast nuk do të përjashtohej mundësia për të bashkëpunuar në komuna të caktuara me BDI-në.
Lajme nga vendi
MPB: Gjatë festave të Pashkëve fotografimi për dokumentet personale do të bëhet pa termin
Ministria e Punëve të Brendshme, në pritje të festave të Pashkëve, njofton se sot të gjitha Seksionet për Çështje Administrative pranë Departamentit për Çështje Administrative të MPB-së, përveç Sektorit për Çështje Administrative Shkup, do të punojnë nga ora 08:00 deri në ora 16:00.
Departamenti për Çështje Administrative Shkup, ose më saktë njësitë e tij organizative, sot do të punojnë me këtë orar:
Pika e kontrollit pranveror dy ndërrime nga ora 7:30 e mëngjesit deri në 19:30;
Postblloku i “RTMV” dy ndërrime nga ora 7:30 deri në 19:30, dhe me të njëjtin orar do të funksionojnë edhe pikat e kontrollit në “Beko” dhe Gjorçe Petrov.
Pikat e kontrollit në Draçevë dhe Butel do të funksionojnë me një turn nga ora 10:00 deri në ora 18:00.
Ministria e Brendshme njofton qytetarët se fotografimi për dokumente personale do të bëhet pa caktuar termin dhe dhënia e dokumenteve do të bëhet në vazhdimësi.
Lajme nga vendi
Më shumë se 1000 propozime për ndryshimin e emrave të rrugëve dhe shkollave në Tetovë
Përskaj nismës së ndryshimit të emrave të rrugëve, në Tetovë janë shtuar kërkesat edhe për ndryshimin e emrit të disa shkollave. Individë të sektorit të arsimit thonë se disa emra të shkollave, madje nuk kanë asnjë domethënie as simbolike dhe as historike për qytetarët. Nga gjithësej pesë shkolla të mesme katër prej tyre kanë emra që nuk përkojnë me siç është rasti i shkollës së mjekësisë Nikolla Shtejn.
“Ato pak të dhëna që ne i kemi nuk themi dot se janë të sakta thjeshtë ka qenë një infermier partizan që as nuk është nga shteti ynë e as nuk lidhet diçka me vendin tonë. Meqë edhe jemi shkolla më e madhe në vend shpesh kemi kërkesa nga prindër e nxënës se përse shkolla nuk merr një emër që do lidhej qoftë me Tetovën qoftë me ndonjë personalitet të mjekësisë”, tha Malësore Ramadani, drejtoreshë e SHMK “Nikolla Shtejn”.
Kërkesa të këtilla ka pasur edhe në shkollat tjera.
“Në kuadër të Komunës së Tetovës funksionojnë pesë shkolla të mesme nga të cilat vetëm njëra nga to ka emrin “7Marsi” ndërsa katër të tjerat kanë emra të periudhës së komunizmit dhe realisht sipas kërkimeve që kemi bë për një shkollë që quhet Nikolla Shtejn, nuk ka të dhëna as në google apo mjete tjera kërkimore”, tha Nazmi Dauti, sektori për Arsim Tetovë.
Nisma të ngjashme për ndërrim të emrave të shkollave fillore dhe të mesme ka pasur disa herë, por shkaku i mungesës së kohezionit politik në pushtetin lokal, ndryshimi i tyre, gjithnjë ka dështuar.
Problemi me emrat e shkollave po hapet në të njëjtën kohë kur procedura për ndryshimin e emrave të rrugëve në Tetovë është në fazën e debatit publik. Numri i propozimeve të dorëzuara në dy debatet e fundit publike ka arritur në 1050. Edhe pse sot duhej që të mbahet debati i tretë publik, debati është anuluar për javën e ardhshme, shkaku i festës së Pashkëve. Zëdhënësi i komunës Albion Alili për Alsat thotë se procedura zhvillohet pa përplasje.
“Pas debateve komisioni do të vlerësojë propozimet dhe biografitë e emrave të propozuar dhe do veprojë për emërtim të tyre. Realisht komisioni po punon në formën e paraparë dhe do veprohet. Nuk ka ndonjë përplasje siç plasohet në opinion, gjithëçka shkon si duhet”, u shpreh Albion Alili, zëdhënës i komunës së Tetovës.
Për momentin nuk ka ndonjë afat konkret se sa procedura do të zgjasë. /Alsat.mk
BE: Është thelbësore për Kosovën ta formojë shpejt Qeverinë e re
Taravari konfirmon bisedën telefonike me Ahmetin
MPB: Gjatë festave të Pashkëve fotografimi për dokumentet personale do të bëhet pa termin
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve