Lajme nga vendi
KSHPK: Presim përfshirje dhe reagim nga subjekte shtetërore relevante për shkarkimin e kryetares së Këshillit Gjyqësor
Komisioni Shtetëror për Parandalimin e Korrupsionit (KSHPK) kumtoi se pret përfshirje dhe ragim nga të gjitha subjektet relevante shtetërore për rastin me shkarkimin e kryetares së Këshillit Gjyqësor, Vesna Dameva.
“Duke e pasur parasysh pozicionimin e Këshillit Gjyqësor si organi më i lartë i pushtetit gjyqësor, që duhet të angazhohen për respektimin e pa kompromis të parimit të qeverisjes të së drejtës dhe sigurimit të pavarësisë së pushtetit gjyqësor si shtylla e tretë e pushtetit, Komisioni Shtetëror shpreh shqetësim serioz për ngjarjet në seancën e Këshillit Gjyqësor, prej të cilave në media janë prezentuar edhe video-regjistrime”, thuhet në kumtesën e sotme të KSHPK.
Komisioni i përkujton personat të cilët janë në funksione më të larta shtetërore dhe kryejnë autorizime publike, ndaj obligimit për respektimin e parimeve të ligjshmërisë dhe integritetit nga Ligji për parandalimin e korrupsionit dhe përplasjes së interesave.
“Parimi i ligjshmërisë: “(1) Çdokush është i detyruar të veprojë në përputhje me Kushtetutën dhe ligjet në ushtrimin e funksionit, të pushteteve publike dhe të detyrave zyrtare. (2) Askush nuk mund ta përdorë funksionin, autoritetin publik, detyrën zyrtare dhe pozitën për të kryer ose për të lënë një veprim që sipas ligjit nuk i lejohet, përkatësisht duhet ta kryejë, as ta bëjë kryerjen e veprimit juridik, për shkak të interesit personal, as interesit të një personi tjetër. (3) Askush nuk mund të thirret në përgjegjësi për korrupsion, përveç në rastet dhe kushtet e parashikuara me këtë ligj, me Kodin Penal dhe me ligje të tjera dhe në procedurën e përcaktuar me ligj, me Kodin penal dhe një ligj tjetër në procedurë të rregulluar me ligj”, thuhet në kumtesë.
Nga KSHPK përkujtuan edhe parimin e integritetit dhe nenin 39 paragrafi 1 i Ligjit për Parandalimin e Korrupsionit dhe Përplasjes së Interesave, me të cilin ndalohet çfarëdo ndikimi gjatë përzgjedhjes, emërimit dhe shkarkimit nga pozitat drejtuese.
Lajme nga vendi
Policia jep detaje për vdekjen e 18-vjeçarit nga Tetova, është gjetur pa shenja jete në banjon e shtëpisë
Më datë 13.05.2024 rreth orës 18.00 në SPB-Tetovë, nga Qendra Urgjente e Spitalit Klinik të Tetovës, është raportuas në spital është sjellur personi E.Sh. (18) nga Tetova. Sipas raportit, nëna dhe motra e tij e gjetën atë pa shenja jete në banjo në shtëpinë e tyre familjare. Vdekjen pa gjurmë të dhunës e ka konfirmuar mjeku, kurse inspektimin në vendin e ngjarjes e ka kryer Prokurori publik dhe një ekip nga SPB-Tetovë. Me urdhër të Prokurorit publik, trupi i pa jetë i të ndjerit iu dorëzua familjes.
Lajme nga vendi
ASH zgjodhi nënkryetarët dhe sekretarët partiakë
Aleanca për Shqiptarët (ASH) e prirë nga Arben Taravari në mbledhjen e mbajtur të kryesisë partiake ka zgjedhur nënkryetarët dhe sekretarët partiakë, mëson INA.
Nënkryetarë janë zgjedhur: Bujare Abazi, Gëzim Kadriu dhe Bekim Pocesta
Sekretar i Përgjithshëm: Blerant Ramadani
Sekretar Organizativ: Gadaf Uzairi
Të sapozgjedhurit do kryejnë këto detyra si ushtrues detyre deri në kongresin e ardhshëm partiak.(INA)
Lajme nga vendi
“Monstra” në Strasburg, avokatët dorëzojnë tre ankesa
Avokatët e të dënuarve në rastin “Monstra”, për Alsat konfirmojnë se këtë javë kanë dorëzuar gjithsej tre ankesa Gjykatën e Strasburgut, për aktgjykimet në gjykatat e vendit për rastin “Monstra”. Për shkak se korrespodenca me Gjykatën e Strasburgut, zhvillohet në mënyrë të fshehtë, avokatët nuk japin detaje. Ankesat e avokatëve përfunduan në Strasburg pasi të dënuarit nuk janë të kënaqur me vendimin e Gjykatës Supreme të shtatorit të vitit 2023, me të cilin, u vërtetuan aktgjykimet e shkallës së parë dhe të dytë. Sipas vendimit, Alil Demiri, Afrim Ismailloviq dhe Agim Ismailloviq u shpallën fajtorë për veprën dhe u dënuan me burgim të përjetshëm, ndërkaq Fejzi Aziri dhe Haki Aziri u dënuan me burg 15 dhe 9 vjet burg. Sami Luta u lirua nga akuza, në mungesë të fakteve. /Alsat.mk
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve