Connect with us

Lajme nga vendi

RMV, gjashtë vjet nga përgjakja e Kuvendit më 27 prill

Published

on

Sot, bëhen gjashtë vjet nga terrori i 27-prillit në Kuvendin e Republikës së Maqedonisë së Veriut (RMV), kur një turmë huliganësh u futën në objektin e shtëpisë legjislative dhe rrahën deputetë e gazetarë, shkruan Portalb.mk.

Me rastin e kësaj dite, LSDM-ja në pushtet deklaroi se “27 Prilli” është data më e zezë në historinë e demokracisë së Maqedonisë.

“VMRO-DPMNE inkurajoi banditët e armatosur që të hyjnë në Parlament duke u përpjekur të vrasin deputetë, të lëndojnë gazetarë dhe punonjës të shërbimeve parlamentare, të shkatërrojnë rendin kushtetues dhe të shkaktojnë luftë civile. VMRO-DPMNE i quajti mbrojtës të kushtetutës ata banditë që ishin të shoqëruar nga vetë Hristijan Mickoski para Kuvendit të Maqedonisë, madje kërkoi amnistinë e tyre, që vetëm tregon se asgjë nuk ka ndryshuar në VMRO-DPMNE”, thonë nga LSDM.

Si erdhi deri te sulmi i përgjakshëm?

Më 9 janar të vitit 2017, presidenti Gjorge Ivanov, ia dha mandatin për formimin e qeverisë liderit të atëhershëm të VMRO-DPMNE-së, Nikolla Gruevski që të formojë qeveri, pasi që në zgjedhjet parlamentare të vitit 2016-të kishte fituar 51 mandate, gjegjësisht 2 më shumë se LSDM-ja. Në këtë rast, VMRO-DPMNE-ja do të duhej që të fillojë negociatat për formimin e Qeverisë me BDI-në e bllokut shqiptar e cila i kishte marrë 9-të mandate.

Advertisement
Gruevski - Ivanov
Gruevski – Ivanov

Pas më shumë se tre javë negociata, VMRO-DPMNE-ja dhe BDI-ja nuk arritën marrëveshje për formim të Qeverisë. Në këtë rast, sipas Kushtetutës, duhej t’i jepet mundësi LSDM-së që ajo ta marrë mandatin dhe t’i fillojë bisedimet, megjithatë prej këtu nis “loja” e cila përfundoi tragjikisht.

Ahmeti - Zaev
Ahmeti – Zaev

Por, presidenti i atëhershëm Ivanov i vendosi disa kushte liderit të opozitës, Zoran Zaev që ai t’ia nënshkruajë mandatin, megjithatë edhe pas plotësimit të të njëjtave, Ivanov vazhdimisht gjente arsye për të mos e dhënë. Sipas tij, Zaevit nuk mundet t’i jepej mandati pasi që i njëjti e ka pranuar “Platformën e Tiranës” (Deklaratën e përbashkët e partive politike shqiptare) dhe me këtë do të vendoset dygjuhësi në Maqedoni. Presioni i brendshëm dhe i ndërkombëtarëve vazhdimisht rritej, ndërkaq presidenti Ivanov vazhdimisht përsëriste të njëjtat gjëra – nuk e jap mandatin.

Derisa opinioni i gjerë merrej me çështjen e mandatit, në Shkup dhe mbarë Maqedoninë nën organizimin dhe udhëheqjen eksponentëve të VMRO-DPMNE-së mbaheshin protesta me përmbajtje nacionaliste, albanofobe dhe anti-evropiane.

Protesta "Tvrdokorni"
Protesta “Tvrdokorni”

Në këtë periudhë është paraqitur dhe organizata e ashtuquajtur qytetare “Tvrdokorni” e cila më vonë u shndërrua në iniciativë “Për Maqedoni të përbashkët”, pjesëtarët e së cilës nëpër rrugët e Shkupit dhe Maqedonisë kërkonin “Maqedoni të pastër etnike”.

Në ndërkohë, edhe pse mandatin nuk e kishte në duar Zaevi, ai filloi bisedimet me partitë shqiptare, ndërkaq më 4 mars të vitit 2017, BDI e pranoi ofertën e LSDM-së për koalicion qeveritar.

27 prill, dita e zgjedhjes së kryetarit të Kuvendit, u përgjak

Pas arritjes së marrëveshjes, partnerët e rinj, bashkë me partitë opozitare shqiptare, pavarësisht se ende presidenti Ivanov, ende nuk ia kishte dhënë mandatin Zoran Zaevit, vendosën që më 27 prill ta zgjedhin kryetar të Kuvendit, Talat Xhaferin nën një atmosferë të tensionuar brenda dhe jashtë Kuvendit.

Derisa kryetari i Kuvendit, pas zgjedhjes mbante fjalimin solemn në sallën për konferenca për shtyp, protestuesit, me ndihmën e policisë (e cila ishte nën udhëheqjen e Mitko Çavkovit nga VMRO-DPMNE-ja) dhe disa deputetë të VMRO-DPMNE-së, u futën dhunshëm në objektin e Kuvendit. Me turmën kanë udhëhequr persona me maska, por edhe të armatosur.

Advertisement
Foto nga 27 prilli
Foto nga 27 prilli

Disa nga deputetet e VMRO-DPMNE-së i kanë hapur portat dhe i kanë drejtuar protestuesit e dhunshëm që të shkojnë drejtë vendit ku gjendeshin Talat Xhaferi, Zoran Zaev, Ziadin Sela dhe pjesëtarë të tjerë të shumicës parlamentare.

Me këtë rast, policia fare nuk ka reaguar, duke i lejuar që dhunuesit lirshëm të futën në Kuvend dhe të demolojnë gjithçka që shohin përpara.

Protestuesit rrahën deputetë, gazetarë dhe punonjës të Kuvendit. Me lëndime më serioze nga ky sulm doli deputeti i Aleancës për Shqiptarët, Ziadin Sela, i cili është rrahur brutalisht nga dhunuesit.

sobranie-osvoeno
Dhuna në Kuvend, 27 prill

Pos tij, të sulmuar kanë qenë edhe lideri i LSDM-së, Zoran Zaev, nënkryetarja e LSDM-së, Radmilla Shekerinska, por edhe deputetë tjerë.

27 prill Kuvend
27 prill Kuvend

Skandaloze gjithashtu ishte fakti që në atë natë, brenda Kuvendit është fotografuar edhe një agjent i Shërbimit Sekret të Serbisë, Goran Zivlajeviq.

Radmilla Sheqerinska e sulmuar
Radmilla Sheqerinska e sulmuar

Gjatë kohës sa ka zgjatur dhuna në Kuvend, agjentë nga Drejtoria për Siguri dhe Kundërzbulim, kanë tentuar që t’i fshijnë të gjitha video-incizimet nga kamerat e Kuvendit, me qëllim që të mos lihen gjurmë. Ndonëse agjentët kanë arritur që t’i fshijnë, megjithatë të njëjtat janë regjistruar edhe një një server tjetër, për këtë arsye ky plan ka dështuar.

Kuvend 27 prill

Presidenti i Maqedonisë, Gjorge Ivanov, në një konferencë të jashtëzakonshme për shtyp, ka bërë thirrje për qetësi dhe i ftoi të gjithë liderët në kabinetin tij që t’i shohin të gjitha opsionet për gjetjen e zgjidhjes, pas ngjarjeve në Kuvend.

Gruevski – Xhaferi – Ivanov – Zaev – Ahmeti

Sulmin e dënuan, të gjitha partitë në vend, madje edhe vet VMRO-DPMNE-ja, e cila ishte nxitëse e protestave. Nikolla Gruevski i VMRO-DPMNE-së, për rrahjen e deputetëve të shumicës parlamentare dhe gazetarëve e bëri fajtor Zoran Zaevin e LSDM-së. Sulmin e përgjakshëm e dënuan të gjitha partitë shqiptare.

Për sulmet në Kuvend, reagime kanë arritur nga katër anët e botës dhe për të kanë shkruar mediat më prestigjioze.

Pas kësaj ngjarje, Ivanov, më 17 maj, përfundimisht ia dha mandatin kryeministrit Zaev, i cili më pas formoi Qeverinë me BDI-në dhe Aleancën për Shqiptarët.

Advertisement
Zaev dhe Ivanov
Presidenti i Maqedonisë, Gjorge Ivanov dhe kryeministri, Zoran Zaev

Akuza, dënime me burg për dhunën dhe amnisti

Prokuroria filloi me mbledhjen e materialeve, ndërkaq më 27 mars 2018-të ngriti akuzë kundër 30 personave.

“28 persona akuzohen për rrezikim terrorist të rendit kushtetues dhe sigurisë, ndërkaq dy ngarkohen për ndihmë për të njëjtën vepër penale. Për sulmin në Kuvend”, tha në konferencë për shtyp kryeprokurori Lubomir Joveski.

Advertisement

Lajme nga vendi

Komuna e Gostivarit dhe qeveria do të punojnë bashkërisht në përmirësimin e transparencës dhe luftës kundër korrupsionit

Published

on

Vetëqeverisja lokale dhe Qeveria së bashku do të punojnë në përmirësimin e transparencës në punë dhe në përballjen me korrupsionin. Këto janë konkluzionet pas takimit të personit të parë të komunës së Gostivarit, Valbon Limani dhe zëvendëskryeministrit për Politika dhe Qeverisje të Mirë, Arben Fetai.

Në paraqitjen e parë zyrtare dhe vizitën e parë në Komunën e Gostivarit, Fetai foli në gjuhën shqipe dhe deklaratën për mediat që raportonin në gjuhën maqedonase e dha në gjuhën angleze me arsyetimin se nuk mund të shprehej mirë.

“Kemi diskutuar gjithashtu se do të doja të punoja me pushtetin vendor, për të forcuar transparencën, kemi një ligj për qasje në informacione publike që mezi zbatohet. Do të punojmë me komunat që procedurat e tenderit të publikohen dhe të jenë të aksesueshme për qytetarët dhe për kompanitë dhe që të publikohen dhe kontratat që ndahen, në mënyrë që qytetarët dhe kompanitë të dinë se çfarë po bëjnë komunat me paratë e taksapaguesve”, deklaroi zëvendëskryeministri Fetai.

Ushtruesi i detyrës së kryetarit të Komunës së Gostivarit, Valbon Limani theksoi se me zëvendëskryeministrin kanë biseduar për mundësitë dhe aktivitetet që do të ndikojnë në punën e vetëqeverisjes lokale dhe bashkëpunimin me qeverinë.

“Përveç për transparencns, kemi diskutuar edhe për planet vjetore për përballjen me korrupsionin. Ne propozuam gjithashtu vendisjen e një numri telefoni dhe një adrese elektronike për raportimin e rasteve të dyshimta. Presim që të organizohet një diskutim apo forum publik ku do të diskutohet për këtë fenomen dhe do të nxirren konkluzione që do të ndihmojnë në përballimin e kësaj dukurie”, tha Limani.

Advertisement

Zëvendëskryeministrja Fetai ka treguar se i duhet pak kohë për të shqyrtuar situatën dhe për të përcaktuar prioritetet të cilat, siç tha ai, do të vendosen deri në fund të vitit

Continue Reading

Lajme nga vendi

Ngritet kallëzim penal ndaj Besija Iljazit ish drejtoreshës së Klinikës Universitare për Toksikologji

Published

on

MPB ka njoftuar se Më 12.07.2024, Departamenti për luftimin e krimit të organizuar dhe të rëndë, Njësia për korrupsion në bashkëpunim me Departamentin e Policisë Kriminale, ngriti kallëzim penal kundër B.I. (29) nga Tetova, për shkak të dyshimit të bazuar se ka kryer vepër penale “shpërdorim i pozitës dhe autorizimeve zyrtare”, e parashikuar dhe e dënueshme sipas nenit 353, paragrafi 3 dhe paragrafi 1 të Kodit Penal.

E pandehura B.I., në cilësinë e ushtrueses së detyrës së drejtorit organizativ të Institucionit Publik Shëndetësor – Klinika Universitare për Toksikologji, duke tejkaluar autorizimet e saj zyrtare në periudhën nga 14.02.2024 deri më 24.06.2024, me qëllim të sigurimit të përfitimeve të paligjshme pasurore për 17 persona, më 15.05.2024 ka nënshkruar 15 kontrata për punë me 15 persona të cilët ishin të angazhuar në Klinikën Universitare për Toksikologji (dhe persona të tjerë pa bazë ligjore të rregulluar për praninë e tyre në klinikë), pas çka, retroaktivisht, për personat e supozuar të angazhuar për punë, për muajt prill dhe maj 2024 ka lëshuar dy urdhra pagese dhe ka kryer pagesën e kompensimit mujor për angazhimin e supozuar në një shumë totale prej 659,781 denarë me përfshirjen e tatimit personal mbi të ardhurat.

Pagesat e përmendura janë kryer në mënyrë të paligjshme, me çka e pandehura B.I. ka dëmtuar Institucionin Publik Shëndetësor Klinika Universitare për Toksikologji për një shumë totale të pagesave të kryera me tatimin e paguar prej 659,781 denarë.

Sipas të dhënave të lartpërmendura, e pandehura ka kryer veprime zyrtare të cilat nuk duhej t’i kryente, domethënë B.I. ka kryer vepër penale “shpërdorim i pozitës dhe autorizimeve zyrtare” sipas nenit 353, paragrafi 3 i lidhur me paragrafi 1 të Kodit Penal, duke dëmtuar Institucionin Publik Shëndetësor Klinika Universitare për Toksikologji për shumën prej 659,781 denarë.

Continue Reading

Lajme nga vendi

DMSH nënshkroi kontratë me dy pilotët e pensionuar të “Er traktor”, pritet përfshirja e tyre në shuarjen e zjarrit në rajonin e Negotinës

Published

on

Drejtoria për Mbrojtje dhe Shpëtim (DMSH) ka nënshkruar marrëveshje me dy pilotët në pension të “Er traktor” dhe gjatë ditës pritet të përfshihen në shuarjen e zjarrit në rajonin e Negotinës, ka bërë të ditur për MIA-n drejtori i DMSH-së, Bekim Maksuti.

Ai theksoi se dy pilotët tashmë kanë shkuar në aeroport dhe pasi të kenë kaluar procedurat që kërkohen para çdo fluturimi do të drejtohen për në malin Serta në rajonin e Negotinës.

“Kemi nënshkruar marrëveshje me dy pilotët dhe për një kohë shumë të shkurtër do të përfshihen në shuarjen e zjarreve në rajonin e Negotinës. Pilotët tashmë janë rrugës për në aeroport, duhet të kalojnë disa procedura para se të jenë gati për të fluturuar dhe në një kohë shumë të shkurtër do të përfshihen në shuarje”, deklaroi Maksuti për MIA-n.

Drejtori nuk ka dashur të tregojë se për sa rrogë dy pilotët janë rikthyer. Në një bisedë për MIA -në muajin e kaluar, Maksuti tha se për kthimin e dy pilotëve të trajnuar, DMSH-ja kërkon nga Ministria e Financave pagë prej 300 mijë denarë, sepse puna e pilotit në DMSH-së me pagë prej 72 mijë denarë është joatraktive.

Ai shtoi se kontrata është nënshkruar deri në fund të vitit dhe pas skadimit duhet të vendosë Qeveria, sepse, theksoi ai, “është e nevojshme që pagat të shlyhen në nivel shtetëror”.

Advertisement

“Kontrata është nënshkruar deri në fund të këtij viti, do të shohim se çfarë do të vendosë qeveria. Ka ndalesë për konkurse të reja, kështu që sapo të kemi mundësi të rinovojmë konkurset për marrjen e pilotëve të rinj, do ta bëjmë dhe do të shohim nëse ka të interesuar. Para së gjithash, duhet të rregullohet statusi i tyre për sa i përket të ardhurave, është i nevojshëm rregullimi i pagave në nivel shtetëror. Kjo është ende problem, sepse duhet zgjidhur në një nivel më të lartë”, tha Maksuti.

Continue Reading

Më të lexuarat