Lajme nga vendi
Taravari: Erdhi momenti i heqjes së 20%, partitë kanë rastin të bëjnë historinë tani!
Aleanca për Shqiptarët po jep shenja jete që është në Qeveri, të qenurit partner koalicioni nuk nënkupton nënshtrim ndaj partnerëve, por bashkëpunim e koordinim për çështje që janë në dobi të shoqërisë. Aktualisht, njëra ndër çështjet e dobishme dhe shumë të rëndësishme për kthim të dinjitetit të popullit shqiptarë është largimi i “20 përqindëshit” nga Kushtetuta, dhe zëvendësimi i së njëjtës me “gjuhë shqipe”. Por, kjo nuk bëhet duke luajtur rolin e “demokratëve progresistë” dhe duke ulur belin që të shkelemi sërish si popull, të tolerojmë e të durojmë sepse duhet të formojmë një front evropian. Po, pikërisht këta evropian po përkrahin popullin bullgar e institucionet bullgare kur ata po kërkojnë të drejtat e tyre elementare. Prandaj, përse shqiptarët nuk po marrin mësim nga bullgarët se për gjërat që meritojnë duhet t’i kërkojnë me ngulm, për të njëjtat duhet të unifikohen sepse në të kundërtën nuk mund as t’i paramendojnë të realizuara nga maqedonasit. Grekët fituan, morën atë që kërkuan, bullgarët janë në prag të marrjes atë që e meritojnë, shqiptarët që janë popull shtetformues në këtë vend duhet të humbasin sërish? Përse shqiptarët sërish duhet të heshtin e të mos kërkojnë që në momentin kur hapet Kushtetuta për futjen e bullgarëve të largohet edhe 20 përqindëshi për gjuhën shqipe? Për fat të mirë, këtë gjë veçse e kanë kapur partia më e re e koalicionit qeveritar, Aleanca për Shqiptarët, konkretisht ministri Drejtësisë, Krenar Lloga, por këto të vetëm nuk mund të arrijnë këtë gjë, prandaj kanë në nevojë për një unifikim mbarë partiak në kampin shqiptarë për të arritur rezultatin e dëshiruar. Tani është momentumi kryesor, nëse nuk bëhet tani nuk do të bëhet asnjëherë, e për tu bërë tani duhet unifikim dhe mbështetje nga të gjitha partitë politike shqiptare, shkruan Zhurnal.
ASH kërkon mbështetje, partitë tjera shqiptare nuk duhet të qëndrojnë duarkryq –
Kërkesa për mbështetje nga ASH i tejkalon kufijtë e interesave partiake sepse kemi të bëjmë me çështje që është më e madhe se partia, rregullimin zyrtar të statusit të gjuhës shqipe në Kushtetutë. Mjaftë më, me poshtërime të tilla që gjuha shqipe të identifikohet me 20%, ka ikur kjo kohë e duhet të ikë edhe ky përkufizim nga Kushtetuta, sepse edhe ashtu për shqiptarët 20% figuron vetëm në Kushtetute askund tjetër. Në regjistrimin e fundit të popullsisë shqiptarët rezultuan me 29%.
Dhe, tani në situatën kur një parti politike cila do qoftë ajo në rastin konkret është Aleanca për Shqiptarët, ka kërkuar mbështetje nga gjitha partitë tjera, e kjo gjë nuk duhet të merret me sportivitet sepse kemi të bëjmë me një momentum që nuk dihet nëse do të kthehet sërish. Tani po hapet Kushtetuta dhe shqiptarët duhet t’i hapin sytë e veshët të koordinohen e bashkëpunojnë që me çdo kusht të largohet edhe përkufizimi gabuar 20 përqindëshi për gjuhën shqipe.
Fundja përse po hapet Kushtetuta, përgjigja është për të drejtat e një pakice që në këtë rast janë bullgarët, e si ka mundësi të hapet për të drejta e mos të eliminohet edhe një padrejtësi e bërë ndër vite për popullin shtetformues shqiptarët.
Partitë tjera shqiptare, duke filluar nga BDI, Lëvizja Besa, dhe Alternativa me çdo kusht duhet të jenë konzistentë dhe në mbështetje të kërkesës së ASH-së që kur të hapet Kushtetuta e vendit të largohet edhe “20 përqindëshi” nga Kushtetuta dhe e njëjta të zëvendësohet “gjuhë shqipe”. Sepse, fundja kemi të bëjmë me një popull të pastër me gjuhë të pasur, që as etniteti e as gjuha, pra asnjë element identifikues nuk është i cenueshëm e i diskutueshëm nga ndonjë popull tjetër, Pra, kemi të bëjmë me popullin me identitet të vulosur dhe të pa kontestuar.
Taravari: Erdhi momenti i heqjes së 20%, partitë kanë rastin të bëjnë historinë –
Kryetari i Aleancës për Shqiptarët, Arben Taravari, është shprehur se heqja e 20% nga Kushtetuta dhe në vend të kësaj përqindje të qëndrojë “gjuha shqipe”, duhet të ndodh tani, me ndryshimet Kushtetuese te cilat parashohin futjen e bullgarëve si komunitet që jeton në Maqedoninë e Veriut.
“Aleanca për Shqiptarët është e lumtur që tashmë erdhi momenti kur partitë politike në Maqedoninë e Veriut do të mund të shprehin pajtimin e tyre që gjuha shqipe të emërtohet si e tillë dhe mos të quhet më gabimisht “20%“. Propozojmë që ky ndryshim të ndodhë tani dhe jemi të bindur, jo vetëm në pajtimin e partive shqiptare, por edhe me dakordësinë e të gjitha partive në Maqedoninë e Veriut. Të gjitha partitë që do të marrin pjesë në këtë ndryshim do të shkruhen në histori si parti demokrate e veçanërisht evropiane. Sidomos z. Kovaçeski dhe z. Mickovski do të bëhen pjesë e këtij momenti të rëndësishëm jo vetëm për shqiptarët që jetojnë në këtë vend, por edhe për të ardhmen evropiane të shtetit tonë të përbashkët. Presim me padurim momentin e shpalljes zyrtare të këtij premtimi mbarë partiak” ka deklaruar Taravari.
VMRO, LSDM, Bujar Osmani janë shprehur kundër largimit të 20 përqindëshit për shqiptarët nga Kushtetuta –
VMRO DPMNE-ja nuk do të mbështesë heqjen e 20 përqindëshit nga Kushtetuta dhe zëvendësimin e tij me termin gjuha shqipe. Nënkryetari VMRO DPMNE-së Timço Mucunski, në Programin 200 në Alsat tha se janë të hapur të diskutojnë për implementimin e modelit kroat në preambulën e kushtetutës, por jo për zgjidhje që siç tha ai imponojnë binacionalizëm.
Nga ana tjetër, në mënyrë indirekte janë shprehur kundër kësaj nisme edhe kryeministri Dimitar Kovaçevski, zëvendëskryeministri për çështje evropiane, Bojan Mariçiq dhe ministri i Punëve të Jashtme, Bujar Osmani. Të cilët thonë se prioritet lidhur me Kushtetutën është përmbushja e obligimit nga korniza negociuese e miratuar nga 27 vende-anëtare të Bashkimit Evropian në pjesën e amendamenteve kushtetuese për përfshirje të pjesëve të tjera të popujve që jetojnë në Republikën e Maqedonisë së veriut, si dhe se nuk ka kurrfarë marrëveshje dhe as që është biseduar për çfarëdo lloj intervenimi tjetër në Kushtetutë.
Kujtojmë që, shqiptarët janë pro ndryshimeve Kushtetuese dhe janë populli më pro evropian në rajon, prandaj nuk ka kuptim logjik të neglizhohet largimi 20 përqindëshit nga Kushtetuta për të mos penguar rrugëtimin evropian. Kaq e thjesht dhe e lehtë shqiptarët nuk po kërkojnë federalizëm apo ndarje shteti, po kërkojnë vetëm atë që e meritojnë t’i kthehet dinjiteti dhe mos të identifikohen me përqindje. Kjo gjë duhet të ndodhë tani, duhet të shfrytëzohet momentumi i hapjes së Kushtetutës pikërisht për të drejta të bullgarëve, përse mos të përfitojnë edhe shqiptarët? Prandaj, duhet unifikim dhe mbështetje e kërkesës së ASH-së nga gjitha partitë politike shqiptare. /Zhurnal.mk
Lajme nga vendi
Ministria e Infrastukturës jep dy kontrata me negocim në vlerë rreth 1.5 milion euro për punë shtesë në rrugën Prizren-Tetovë
Ministria e Infrastukturës do të nënshkruajë sot dy kontrata me procedurë të negocuar pa publikim të kontratës në vlerë rreth 1.5 milion euro për punë shtesë në rrugën Prizren-Tetovë, shkruan Reporteri.net.
Kontratat janë dhënë për Lotin 1 dhe Lotin 3. Për kontratën me titull “Ndërtimi i rrugës Prizren – Kufiri me Maqedonin e Veriut (Tetovë), segmenti Struzhë – Kyçja në Autoudhën dr.Ibrahim Rugova në Prizren – Jug Loti 3”, vlera është 834 mijë e 424 euro. Për këtë lot, me kontratë është shëprblyer kompania “EUROKOS HOLDING SH.P.K”.
Ministria e Infrastukturës do të nënshkruajë sot dy kontrata me procedurë të negocuar pa publikim të kontratës në vlerë rreth 1.5 milion euro për punë shtesë në rrugën Prizren-Tetovë, shkruan Reporteri.net.
Kontratat janë dhënë për Lotin 1 dhe Lotin 3. Për kontratën me titull “Ndërtimi i rrugës Prizren – Kufiri me Maqedonin e Veriut (Tetovë), segmenti Struzhë – Kyçja në Autoudhën dr.Ibrahim Rugova në Prizren – Jug Loti 3”, vlera është 834 mijë e 424 euro. Për këtë lot, me kontratë është shëprblyer kompania “EUROKOS HOLDING SH.P.K”.
Kontrata tjetër, ajo për Lotin 1 është në vlerë 653 mijë e 715. Punimet do t’i kryej konsorciumi “4 A-M; PREMIUM BETON SH.P.K.; GPG Company Sh.p.k”.
Të dy kontratat janë dhënë dje, teksa nënshkrimi i tyre është planifikuar të bëhet sot.
MI kishte nënshkruar kontratat për këtë rrugë në vlerë 32 milionë euro në gusht të vitit 2024.
Për Lotin 1, ishte dhënë kontratë në vlerë 8 milionë euro, për Lot 2 15 milionë e 600 mijë euro, por që pastaj ishte kthyer në rivlerësim dhe për Lotin 3 në vlerë 8 milionë e 346 mijë e 804 euro.
Pas nënshkrimit të këtyre dy kontratave, Ministri i Infrastukturës, Libur Aliu, kishte thënë se ajo kjo rrugë mundëson edhe hapjen e një korridori të ri rrugor me ndikim ekonomik për të dyja vendet
“Kjo rrugë i lidhë dy autostrada ndërkombëtare të cilat kalojnë në të dy anët e maleve të Sharrit, dhe lidhja e këtyre dy rrugëve në pikën më të afërt mes tyre, përveç se i afron dy qytetet dhe dy shtetet tona, ajo mundëson edhe hapjen e një korridori të ri rrugor me ndikim ekonomik për të dyja vendet”, kishte shkruar Aliu para tetë muajsh./Reporteri.net
Kontrata tjetër, ajo për Lotin 1 është në vlerë 653 mijë e 715. Punimet do t’i kryej konsorciumi “4 A-M; PREMIUM BETON SH.P.K.; GPG Company Sh.p.k”.
Të dy kontratat janë dhënë dje, teksa nënshkrimi i tyre është planifikuar të bëhet sot.
MI kishte nënshkruar kontratat për këtë rrugë në vlerë 32 milionë euro në gusht të vitit 2024.
Për Lotin 1, ishte dhënë kontratë në vlerë 8 milionë euro, për Lot 2 15 milionë e 600 mijë euro, por që pastaj ishte kthyer në rivlerësim dhe për Lotin 3 në vlerë 8 milionë e 346 mijë e 804 euro.
Pas nënshkrimit të këtyre dy kontratave, Ministri i Infrastukturës, Libur Aliu, kishte thënë se ajo kjo rrugë mundëson edhe hapjen e një korridori të ri rrugor me ndikim ekonomik për të dyja vendet
“Kjo rrugë i lidhë dy autostrada ndërkombëtare të cilat kalojnë në të dy anët e maleve të Sharrit, dhe lidhja e këtyre dy rrugëve në pikën më të afërt mes tyre, përveç se i afron dy qytetet dhe dy shtetet tona, ajo mundëson edhe hapjen e një korridori të ri rrugor me ndikim ekonomik për të dyja vendet”, kishte shkruar Aliu para tetë muajsh./Reporteri.net
Pavarësisht se jemi në vitin 2025, studentët në universitetet shtetërore të vendit po vazhdojnë të përdorin indekse tradicionale, duke mbajtur ato në duar, pa pasur mundësinë për të përdorur një indeks elektronik. Ky fenomen ka ngelur si pasojë e një pengesë administrative , duke e bërë këtë proces të dështuar. Megjithatë, një hap i rëndësishëm ka ndodhur së fundmi. Me iniciativë të Kuvendit Studentorë të Universitetit “Shën Kirili dhe Metodi” (UKM), një ndryshim i rëndësishëm është realizuar në Rregulloren që rregullon përmbajtjen dhe formatin e diplomave, si dhe dokumenteve të tjera të rëndësishme. Ky ndryshim është publikuar në “Gazetën Zyrtare të Maqedonisë së Veriut”, dhe ka sjellë mundësinë për implementimin e indeksit elektronik, duke kaluar mbi pengesat administrative të deritanishme.
“Me iniciativë të Kuvendit Studentor të UKIM-it, është bërë një ndryshim i rëndësishëm në Rregulloren për përmbajtjen dhe formatin e diplomave, udhëzimet për përgatitjen e shtojcës së diplomës dhe dokumenteve të tjera publike, të publikuara në Gazetën Zyrtare të RMV, nr. 67 më 28.3.2025”, thonë ata.
Njëkohësisht, digjitalizimi ka qenë një prioritet edhe për Organizatën Kombëtare Studentore. Ata, me mbështetje nga Fondacioni për Demokraci të Westminster-it, realizuan një studim mbi gjendjen aktuale të digjitalizimit në arsimin e lartë, dhe zhvilluan një plan aksional për modernizimin e këtij sektori. Kjo ka çuar në një bashkëpunim me disa institucione për të përshpejtuar digjitalizimin dhe për të siguruar një administratë studentore më efikase.
“Si përfaqësues studentorë, ne mbetemi të angazhuar në përmirësimin e të drejtave të studentëve dhe modernizimin e proceseve akademike. Futja e indeksit elektronik nuk është vetëm një ndryshim teknik, por edhe një hap thelbësor për një proces administrativ më të thjeshtë dhe për qasje më të lehtë në informacion për të gjithë studentët”, përfundojnë përfaqësuesit e studentëve. Ndryshe, siç theksojnë ata, ky hap do të lehtësojë jetën e studentëve dhe administratës, duke krijuar një sistem më të shpejtë, më të sigurt dhe më efikas. (koha.mk)
Universiteti i Evropës Juglindore ka hapur dyert sot për maturantët, duke promovuar fakultetet dhe programet studimore që ofron ky universitet, shkruan Alsat.
Në UEJL ofrohen edhe studime të personalizuara, por edhe programe të reja të përvitshme, për të cilat studentët shprehin interesim dhe tregojnë rregullshmëri në ndjekjen e ligjëratave, u shpreh me rektori i UEJL-së, Abdylmenaf Bexheti.
Ai më tej shtoi se një nga arsyet kryesore se persë duhet të zgjidhet UEJL, është pikërisht punësueshmëria e madhe e studentëve të UEJL-së, e cila ka një tregues të lartë mbi 80 për qind.
“Mënyra e të studiuarit në UEJL, duke filluar nga strukturat programore, me njohuritë bazike të shkathtësive të studentëve, e ka dëshmuar edhe tregu i punës. Raportet e rregullta të tregut të punës na flasin se mbi 80 për qind e studentëve të UEJL, punësohen që tre muajt e parë pas diplomimit, në një shkallë të papunësueshmërisë së shtetit me 13 për qind, pra kjo është diçka që dëshmohet vetvetiu. Dhe krejt për fund, mendoj se studentët përshtypjet e tyre i formojnë mbi atë që i pyesin gjeneratat paraprake. Andaj sivjet vazhdojmë me risitë programe, pra kemi edhe dy programe specialistike sidomos, programi një vjeçar i shkencave shëndetësore, dhe ai i masterit të psikologjisë, dy risi që ne i ndjekim në bazë të nevojave të tregut të punës”, tha Abdylmenaf Bexheti. Rektor i UEJL-së.
Ministria e Infrastukturës jep dy kontrata me negocim në vlerë rreth 1.5 milion euro për punë shtesë në rrugën Prizren-Tetovë
INDEKS ELEKTRONIK PËR STUDENTËT! Më në fund nis realizimi i kërkesës së kamotshme
Universiteti i Evropës Juglindore ka hapur sot dyert për maturantët
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve