Lajme nga vendi
Në Universitetin e Tetovës u organizua panel diskutimi për gratë në biznes
Me rastin e muajit historik të gruas, Këndi Amerikan në Tetovë, në bashkëpunim me Institutin për Lidership dhe Politika Publike, si dhe me Universitetin e Tetovës organizuan panel diskutimi, me temë: “Gratë në biznes: Përparësitë, sfidat dhe mundësitë”.
Pjesë e këtij paneli diskutimi ishin, Erik Meyer, Zëvendës-Ambasador i SHBA-ve në Maqedoninë e Veriut, Pranvera Kasami, presidente e Institutit për Lidership dhe Politika Publike, Susanne Machacz, drejtoreshë në kompaninë Bayer, Selvie Shaqiri, drejtuese biznesi dhe Artina Kamberi, drejtoreshë e Parkut Teknologjik të Universitetit të Tetovës.
Në fjalën e tij, Rektori i Universitetit të Tetovës, Prof. Dr. Kushtrim Ahmeti tha se, një ngjarje e tillë është frymëzuese për të ndërmarrë veprime drejt krijimit të një bote biznesi më të barabartë dhe gjithëpërfshirëse. “Ne e dimë se kur gratë kanë sukses, bizneset dhe komunitetet lulëzojnë. Hulumtimet tregojnë se kompanitë me më shumë diversitet gjinor priren të jenë më inovative dhe fitimprurëse. Është e qartë se mbështetja dhe fuqizimi i grave në biznes nuk është vetëm gjëja e duhur, por edhe gjëja e zgjuar”, u shpreh Rektori, Prof. Dr. Kushtrim Ahmeti.
Ndërsa panelistët folën më shumë mbi eksperiencat e tyre në fushën e sipërmarrësisë, duke ndarë me të pranishmit sfidat dhe vështirësitë me të cilat përballen gratë në botën e biznesit. Ata, po ashtu i dhanë edhe rekomandimet e tyre se si të tejkalohen të gjitha këto sfida dhe gratë të jenë edhe më shumë të përfshira në sipërmarrësi.
Lajme nga vendi
(VIDEO) Në Tetovë mbahen Gara në Rabgy
Lajme nga vendi
(VIDEO) Vendi i parë Gara për Gjykim të simuluar për fakultetin juridik të UEJL-së
Lajme nga vendi
(VIDEO) Promovohet libri i Shaban Sinanit “Kolosët e Sportit”
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve