Reagimin e ashpër të Serbisë ndaj lajmit se Kenia njohu pavarësinë e Kosovës, Prishtina zyrtare nuk e la pa përgjigje. Ministria e Punëve të Jashtme dhe Diasporës e Kosovës e akuzoi Beogradin se në të vërtetë, ai nuk ka “asnjë interes” që të normalizojë raportet me Kosovën, dhe këtë, e dëshmoi fare qartë me reagimin e tij.

“Deklarata e tyre e fundit si përgjigje ndaj vendimit sovran të Republikës së Kenias për të njohur Republikën e Kosovës, vërteton se Serbia vazhdon të refuzojë të përmbushë zotimet e saj në kuadër të dialogut për normalizimin e marrëdhënieve, të  ndërmjetësuar nga Bashkimi Europian”, thuhet në deklaratën e lëshuar prej kësaj ministrie.

Kenia e njohu një ditë më parë pavarësinë e Kosovës dhe Serbia reagoi menjëherë duke thënë se një vendim i tillë përbën “shkelje të rëndë të së drejtës ndërkombëtare dhe cenim të drejtpërdrejtë të Rezolutës 1244 të Këshillit të Sigurimit të Kombeve të Bashkuara, me të cilën garantohet në mënyrë të qartë sovraniteti dhe integriteti territorial i Republikës së Serbisë”.

MPJD e cilësoi këtë deklaratë si kërcënim “të drejtpërdrejtë dhe alarmues” kundër Kosovës. “Duke pohuar se do ta mbrojë ‘me vendosmëri më të madhe’ sovranitetin dhe integritetin e saj territorial, Serbia po sinjalizon sërish gatishmërinë e saj për agresion”, theksohej në deklaratë, ku kërkohej gjithashtu nga bashkësia ndërkombëtare që t’i marrë seriozisht “këto kërcënime”.

Qindra studentë dhe protestues bllokuan një urë kyçe në Beograd për të protestuar për vdekjen e 16 viktimave në një katastrofë të stacionit hekurudhor nëntorin e kaluar. Protestat e përditshme të udhëhequra nga studentët janë përhapur gjatë katër muajve të fundit në pjesën më të madhe të Serbisë.

Protestuesit në urën e Brankos që lidh qendrën e qytetit me zonën e Novi Beogradit, valëvitën flamuj, u ranë bilbilave dhe brohoritën sloganin e tyre të përhershëm, “largojini ata”. Shumë në Serbi e kanë lidhur katastrofën e Novi Sadit me korrupsionin dhe keq menaxhimin e përhapur.

Autoritetet dhe presidenti Aleksandar Vuçiç dhe Partia e tij në pushtet i mohojnë këto akuza. Ata akuzojnë gjithashtu Vuçiçin për lidhje me krimin e organizuar, mbytje të lirive të medias dhe dhunë ndaj kundërshtarëve politikë

Kenia ka njohur sot Kosovën si shtet të pavarur, duke u bërë shteti i 105-të që i jep njohjen ndërkombëtare Kosovës. Ky vendim erdhi pas një periudhe të gjatë përpjekjesh diplomatike nga Serbia për të penguar këtë njohje, duke përfshirë vizita të nivelit të lartë si ajo e Tamara Vuçiq, bashkëshortes së presidentit serb, Aleksandar Vuçiq, e cila vizitoi Kenian në tetor 2024.

Presidentja e Kosovës, Vjosa Osmani, e konfirmoi njohjen e Kosovës nga Kenia, duke nënvizuar rëndësinë e këtij vendimi dhe duke theksuar se Kenia ka bërë hapin historik për të mbështetur pavarësinë e Kosovës. Presidenti i Kenias, William Ruto, nënshkroi dokumentin për njohjen e Kosovës, duke e bërë Kenian një nga shtetet që kontribuon në forcimin e pozicionit të Kosovës në arenën ndërkombëtare.

Pavarësisht përpjekjeve intensive të Serbisë, që përfshinë lobim të drejtpërdrejtë dhe bisedime diplomatike me zyrtarë kenianë, Kenia vendosi të njohë sovranitetin e Kosovës. Ky hap ka përforcuar pozicionin e Kosovës si një shtet të pavarur dhe ka dërguar një mesazh të fortë për mbështetje të vazhdueshme për pavarësinë e Kosovës në botë.

Megjithatë, Kosova mbetet ende një shtet jo-anëtar i OKB-së, për shkak të kundërshtimit të disa shteteve me të drejtë vetoje, si Rusia dhe Kina, që nuk e njohin Prishtinën si shtet të pavarur. Pas kësaj njohjeje, Kosova shpreson se njohjet e tjera do të pasojnë në muajt e ardhshëm, duke i hapur kështu mundësinë për të arritur anëtarësimin në organizata të rëndësishme ndërkombëtare.