Lajme nga vendi
Nëpërmjet komunikimit më të mirë deri te siguria më e madhe e punonjësve të mediave
Sfidat në raportimin dhe dokumentimin e ngjarjeve nga sfera publike në rajonin e Pollogut dhe përmirësimi i komunikimit të gazetarëve me përfaqësuesit e MPB-së, në veçanti me zyrtarët e rinj, ishin temat e takimit të djeshëm i cili u zhvillua në SPB Tetovë.
Gazetarë nga rajoni i Tetovës dhe përfaqësuesit e MPB-së diskutuan hapur për mënyrat se si të përmirësohet puna e gazetarëve dhe se si ata në mënyrë më të sigurt të mund ti kryejnë detyrat e tyre në terren, pa u penguar gjatë procesit.
Bashkëpunimi ndërmjet përfaqësuesve të mediave dhe policisë është i domosdoshëm sidomos kur bëhet fjalë për ngjarje specifike siç janë protestat dhe tubimet publike, vizitat zyrtare dhe protokollare në qytetin e Tetovës por edhe në rastet kur ka pasur shkelje të ndryshme ligjore apo aksidente në hapësirë publike. Në këtë takim pune të pranishmit biseduan për nevojën e respektit të ndërsjellë mes policisë dhe mediave me qëllim të thellimit të mirëkuptimit të ndërsjellë por edhe për të përforcuar sigurinë e gazetarëve dhe kameramanëve.
U konstatua se në të ardhmen duhet më shumë punë dhe trajnime, në veçanti me gjeneratat e reja të zyrtarëve të MPB-së të cilët kanë më pak përvojë në punën e tyre. Në këtë mënyrë në të ardhmen do të parandalohen keqkuptimet por edhe do të përmirësohej respekti i ndërsjellë dhe komunikimi profesional dhe i përgjegjshëm mes policisë dhe mediave, e cila gjithashtu kontribuon në ndërtimin e bashkëpunimit më të fortë mes komunitetit dhe policisë.
Përfaqësues nga SHGM në takim ishin koordinatori i qendrës rajonale në Tetovë, gazetari Urim Hasipi, gazetari Zoran Dimovski, koordinatori i seksionit të kameramanëve nga rajoni i Pollogut, Vedut Osmani, ndërsa nga MPB morën pjesë ndihmës ministri për marrëdhënie me publikun Toni Angelovski si dhe Marjan Josifoski, Amir Dalipi dhe Fatmir Rexhepi nga SPB Tetovë.
Takimi është vazhdim dhe përmirësim i bashkëpunimit të mirë mes përfaqësuesve të SHGM-së dhe MPB-së dhe vazhdë e takimeve të zhvilluara gjatë vitit të kaluar në Shkup, si rezultat i memorandumit të bashkëpunimit të nënshkruar më parë. Në periudhën e ardhshme janë paraparë takime të ngjashme edhe në qendrat tjera rajonale të SHGM-së në Ohër, Manastir, Kumanovë, Shtip dhe Strumicë.
Lajme nga vendi
Paraburgim për një 31 vjeçar nga Shkupi, dyshohet për tentim për përdhunim
![](https://tetovaexpres.com/wp-content/uploads/2024/09/paraburgim_Pritvor-780x470-1.jpg)
Prokuroria Themelore Publike (PTHP) Shkup ka lëshuar urdhër për zhvillimin e procedurës hetuese ndaj personit për të cilin ekziston dyshimi i bazuar se ka kryer vepër penale sulm seksual dhe dhunim nga neni 186 paragrafi 1 lidhur me nenin 19 (në tentativë ) të Kodit Penal.
“Më 5 shtator, 31-vjeçari ka sulmuar një grua në Kisella Vodë dhe në kundërshtim me vullnetin e saj të shprehur qartë, ka tentuar qëllimisht të kryejë akte seksuale ndaj saj. Viktima ka qenë duke ecur në drejtim të shtëpisë së saj dhe pasi ka kaluar në vendkalimin për këmbësorë në bulevardin “Boris Trajkovski” afër komunës Kisella Boda, i dyshuari e ka kapur me të dyja duart dhe ka tentuar ta tërheqë zvarrë në një rrugë anësore. Ai e shtyu dhe tentoi ta sulmonte seksualisht. Gruaja vazhdonte të bërtiste, të kërkonte ndihmë dhe përpiqej të çlirohej, ndërsa kur njerëzit filluan të mblidheshin, i dyshuari e la të ikte pa e arritur qëllimin e tij”, thuhet në njoftimin e lëshuar nga PTHP-ja.
Prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit për të dyshuarin, me të cilin ka deklaruar se ekziston rreziku që ai të ikë, të pengojë procedurën penale ose të përfundojë tentativën e veprës penale. Gjykata themelore penale e Shkupit e ka pranuar propozimin dhe të dyshuarit i është shqiptuar masa e paraburgimit në kohëzgjatje prej 30 ditësh.
Lajme nga vendi
Durmishi: Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve
![](https://tetovaexpres.com/wp-content/uploads/2024/09/thumbnail.jpg)
Ministria e Ekonomisë dhe Punës, në përputhje me përkushtimin e saj për mbrojtjen e të drejtave të konsumatorëve, shpalli sot thirrje publike për ndarjen e mjeteve financiare për realizimin e programeve dhe projekteve nga shoqatat e konsumatorëve në kuadër të Programit për mbrojtjen e konsumatorëve për vitin 2024. Mjetet financiare nga ky Program janë të dedikuara për realizimin e programeve dhe projekteve nga shoqatat e konsumatorëve. Përmes kësaj mbështetjeje financiare, Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve në vlerë prej 300.000,00 denarë deri në 500.000,00 denarë në përputhje me propozim programet (projektet) e dorëzuara për mbrojtjen e konsumatorëve deri në shterimin e mjeteve financiare të parashikuara për këtë thirrje, të organizatave joqeveritare për mbrojtjen e konsumatorëve për sigurimin e informacioneve dhe ndihmës për konsumatorët.Kjo iniciativë është pjesë e përpjekjeve tona të vazhdueshme për të përmirësuar cilësinë e jetës së të gjithë qytetarëve dhe për të forcuar mbrojtjen dhe të drejtat e tyre.Inkurajojmë të gjitha shoqatat e konsumatorëve që të shfrytëzojnë këtë mundësi dhe të aplikojnë për mbështetje financiare që do t’u mundësojë atyre të realizojnë projekte të rëndësishme për të mirën e konsumatorëve. Kjo thirrje është dëshmi e përkushtimit tonë për transparencë, drejtësi dhe gjithëpërfshirje në krijimin e politikave që përmirësojnë kushtet e jetesës së të gjithë qytetarëve.Më shumë informacione për kushtet e aplikimit, shumën e mjeteve financiare dhe afatin për dorëzimin e kërkesave mund të gjeni në ueb-faqen tonë www.economy.gov.mk.Sektori i Koordinimit të aktiviteteve të ministrit
Ju bëjmë thirrje të kontribuoni bashkërisht në forcimin e të drejtave të konsumatorëve në vendin tonë. Afati përfundimtar për dorëzimin e aplikimeve është jo më vonë se ora 16:00 më 20.09. të vitit 2024.Tv Koha
Lajme nga vendi
Gjendet një trup i pajetë brenda një hoteli në Tetovë
![](https://tetovaexpres.com/wp-content/uploads/2024/09/policia-mk-stop-780x439-1.webp)
Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.
“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve