Connect with us

Lajme nga vendi

Ministria e Financave rrit pagat për vete, Besimi arsyetohet me largimin e kuadrit

Published

on

Fatmir Besimi tha se ministri nuk i bënë punët vetë, prandaj motivimi ndaj të punësuarve në Ministrinë që ai drejton është rritja e pagave në mënyrë lineare për 30% nga 1 Janari. Ai tha se këtë rritje e bazon në Ligjin për administratë shtetërore, duke u nisur nga rritja e pagës minimale dhe të gjithë ata që kanë të lidhur marrëveshje kolektive të nivelizohen pagat në sektorin publik.

“Ta lëmë Ministrinë pa të punësuar! Të mos kemi buxhet në tërësi? Të mos punoj askush në Ministri! Kjo është pyetja? Ministria e Financave është institucioni i vetëm ku të punësuarit kishin paga më të ulëta se organet me përbërje të njëjtë, siç është harmonizimi me DAP-in dhe Doganën dhe kështu u bë zgjidhja sipas ligjit, ku theksohet se është 30% më e lartë në raport me pagat e vitit të kaluar”, deklaroi Fatmir Besimi, Ministër i Financave.

Besimi tha se vjet përveç se ata që u pensionuan, 40 të punësuar braktisën resorin shkaku pagave, përfshirë edhe udhëheqës të sektorëve. Aktualisht kjo ministri ka rreth 400 të punësuar. Ai tha se e kishin patjetër të rrisin pagat për të mbajtur kuadrin sepse në konkurse nuk kishte interesim.

“Unë si ministër nuk jam i obliguar vetëm për pagat e resorit tim, por për gjithë administratën publike në raport me pagat të jemi konistent që të kemi zgjidhej afatgjate. Me grupet e punës punojmë për pagat minimale, pensionet, pagat në administratën shtetërore, Ligjin për paga në sektorin publik ku do jemi pjesë edhe ne”, tha Fatmir Besimi, Ministër i Financave.

Advertisement

Se duhet të bëhet konsolidimi i administratës publike u dhanë vërejtje edhe nga Ambasadori i BE-së Dejvid Gir dhe përfaqësuesi i Bankës Botërore në Shkup, Paoluçi. Sipas Regjistrit Qendror të Maqedonisë, në 2020 kishte 1,346 institucione të sektorit publik me gjithsej 132,088 të punësuar, ndërsa në 2021 u shtuan edhe 14 të tjera, duke u shtuar dhe 905 të punësuar.

Përndryshe, Qeveria dje miratoi planin për riorganizim të organeve shtetërore, kur parashikohet shkrirja e Inspektoratit Shtetëror të Tregut me Inspektoratin Shtetëror të Inspektimit Teknik dhe krijimi i një institucioni të vetëm të llojit të mbikëqyrjes inspektuese, në kuadër të Ministrisë së Ekonomisë. Sipas këtij shembulli janë paraparë bashkimet e: Fondit për Inovacion dhe Zhvillim Teknologjik me Agjencinë për Mbështetjen e Ndërmarrësisë së Republikës së Maqedonisë së Veriut; Agjencia për Investimet e Huaja dhe Nxitjen e Eksportit me Drejtorinë e Zonave të Zhvillimit Industrial Teknologjik dhe Agjencinë e Energjisë me Agjencinë për Rezervat e Detyrueshme të Naftës. /Alsat.mk Gazetar: Adnan Qaili

Advertisement

Lajme nga vendi

Ambasadori gjerman për REL: Nëse bisedimet në Ohër finalizohen, atëherë shtetet e BE-së që nuk e njohin pavarësinë e Kosovës…

Published

on

Ambasadori i Gjermanisë në Kosovë, Jorn Rohde, në një intervistë për REL tha se nëse bisedimet mes Kosovës dhe Serbisë, që mbahen sot në Ohër, prodhojnë rezultat ideal, atëherë ai pret që pesë shtetet mosnjohëse të BE-së ta njohin pavarësinë e Kosovës.

Në intervistë, Rohde ka folur edhe për propozimin evropian për normalizimin e marrëdhënieve Kosovë-Serbi dhe ka thënë se njohja reciproke është kyçe në rrugën e këtyre vendeve drejt BE-së.

Kosova dhe Serbia janë të angazhuara në dialog për normalizimin e marrëdhënieve qysh nga viti 2011. Ato kanë arritur dhjetëra marrëveshje, por shumica e tyre nuk janë zbatuar në terren.

Së voni, dy shtetet janë pajtuar në parim për një propozim të BE-së për normalizimin e marrëdhënieve.

Advertisement

Për zbatimin e këtij propozimi, udhëheqësit e Kosovës dhe të Serbisë po bisedojnë sot në Ohër.

Një nga nenet e tij kërkon nga të dyja vendet që t’i zbatojnë të gjitha marrëveshjet e arritura në 12 vjetët e fundit./REL/

Continue Reading

Lajme nga vendi

Maqedonia e Veriut vendi më i palumtur në Ballkan

Published

on

Maqedonia e Veriut është vendi më i palumtur në Ballkan, sipas raportit të ri të lumturisë të Institutit Gallup. Në vendin e 87-të nga 137 vende, pranë Maqedonisë së Veriut për nga lumturia janë Venezuela, Kongo dhe Ukraina në vendin e 92-të.

Nga vendet fqinje në Ballkan, Shqipëria është më afër RMV-së në vendin e 83-të, Bullgaria në vendin e 77-të, Bosnja dhe Hercegovina në vendin e 71-të, Greqia në vendin e 58-të, Serbia në vendin e 45-të, ndërsa Kosova është në vendin e 34-të, përcjell Telegrafi Maqedoni.

Raporti është bërë në bazë të sondazheve të ndryshme të kryera në shtetet përkatëse. Janë marrë parasysh gjashtë faktorë, duke përfshirë “Lirinë për të bërë zgjedhje të jetës”, “Perspektivat për një jetë të shëndetshme”, “Bujarinë e njerëzve”, “Perceptimin e njerëzve për korrupsionin”, “Mbështetjen sociale të ofruar nga shteti”, “Prodhimin e Brendshëm Bruto” dhe një faktor të quajtur “Distopia dhe qëndrueshmëria”.

Vendet më të lumtura në botë mbeten Finlanda dhe Danimarka dhe shtetet e tjera baltike apo shtetet në Evropën veriore. /Telegrafi/

Advertisement

Continue Reading

Lajme nga vendi

Moti sot në Maqedoninë e Veriut

Published

on

Moti sot në Maqedoninë e Veriut do të jetë me diell dhe me vranësira të vogla deri në mesatare, por relativisht i ngrohtë. Do të fryjë erë e dobët nga drejtimi jugor.

Temperatura minimalë do të jetë në interval prej -3 deri në 4, ndërsa ajo maksimale do të arrij prej 17 deri në 21 gradë.

Në Shkup dhe rrethinë moti d të jetë i ngjashëm, me diell dhe me vranësira të vogla deri në mesatare. Do të fryjë dhe erë e dobët nga drejtimi jugor. Temperatura minimale do të ulet në 1, ndërsa ajo maksimale do të arrij në 19 gradë Celsiusë.

Advertisement
Continue Reading

Më të lexuarat