Lajme nga vendi
Mexhiti: Në 2016-tën, unë e shpëtova BDI-në
Izet Mexhiti është i bindur se lideri i BDI-së, Ali Ahmeti do të sjell një vendim të duhur kundrejt “Grupit të zjarrit”, kështu vlerësoi ai në ClickPlus në TV21.
Sipas nënkryetarit të BDI Mexhiti, kjo do të ndodh pasi ai bashkë me Nevzat Bejtën dhe Teuta Arifin, në vitin 2016 e shpëtuan BDI-në duke e bërë fitimtare.
“Atëherë (në vitin 2016) e kemi pasur një përplasje, se a duhet të ndahemi nga (Nikolla) Gruevski ose jo apo duhet të rrimë me të? Ju kujtohet mirë kur promovohej edhe Qeveria me Gruevskin me 8 resore nga mediumet nga Shqipëria zotëri Grubi? Edhe kritikat e VMRO-së kur i tha se ‘nuk ke të drejtë të kritikosh VMRO-në se ke qenë inventar i VMRO-së! Edhe atëherë kemi qenë bashkë. Unë, Nevzati (Bejta) dhe Teuta (Arifi), por kemi dalë fitues”, tha Mexhiti.
Mexhiti ka komentuar edhe zëvendëskryeministrin e parë Grubi.
Duke bërë gjëra të reja, trashëgimi të reja, zëvendëskryeministri Artan Grubi është duke eliminuar trashëgimin e BDI-së dhe politikisht personalitete politike, tha Izet Mexhiti nga i ashtuquajturi “Grupi i zjarrit” në BDI, në emisionin ClickPlus.
“Me reformat që po i paralajmëron, Grubi mundohet të eliminojë një trashëgimi të BDI-së duke i eliminuar edhe politikisht personalitetet politike, brenda – shtyllat e BDI-së, duke u munduar të bëjë një trashëgimi të re”, tha ai.
Duke folur për zhvillimet në BDI dhe qëllimet e këtij grupi, ai komentoi edhe vizitën e funksionarit të BDI-së, ministrit të Ekonomisë, Kreshnik Bekteshi në Manastir. Mexhiti tha se kjo vizitë, që vjen pak ditë para vizitës së paralajmëruar nga Grupi i zjarrit po në këtë qytet, është e pahijshme.
“Vizita e sotme mendoj se është jo e hijshme, për shkak se kanë pasur shumë arsye për të shkuar në Manastir, në qytetin e alfabetit, sidomos për Shtëpinë e Alfabetit, për problemet që kanë me rrymën, për problemin që kanë ata pak shqiptarë që kanë mbetur në qytetin e Manastirit. Shumë më mirë do të ishte që ky ekzekutiv të ishte shumë më shpesh afër problemeve të qytetarëve dhe jo sot kur shkojnë për të ushtruar një lloj presioni. Për të mos marrë pjesë në tubimin e paralajmëruar në mënyrë publike, transparente”, tha Mexhiti.
Mexhiti për hyrjen e ASh-së në Qeveri
“Janë në gjendje të fusim Aleancën për Shqiptarët për të heshtur ‘Grupin e zjarrit’”, kështu e sheh situatën e krijuar së fundmi në Maqedoninë e Veriut, Izet Mexhiti ku qarkullojnë informacione se partia opozitare shqiptar, ASh mund të bëhet pjesë e koalicionit qeverisës.
“Për inat të resë më vdektë djali”, tha Mexhiti
Lajme nga vendi
VLEN: Gjykata Administrative e vërtetoi “trenin bullgar” në Komunën e Likovës (DOKUMENT)
Gjykata Administrative e vërtetoi “trenin bullgar” në Komunën e Likovës, bëjnë të ditur nga VLEN ku publikohet edhe vendimi gjyqësor.
Sipas këtij vendimi, rezultati i vendvotimit 1112/1 në Likovë ështé i pavlefshëm dhe anulohet. Me këtë vendim do shkarkohet këshilli votues dhe se ndaj shkelësve të ligjit do ketë përgjegjësi penale, duke rrezikuar edhe me burgim.
Lajme nga vendi
Kasami me rininë e VLEN-it në hapësirat turistike të Malit Sharr: Turizmi malor, prioritet i qeverisë së ardhshme
Kryetari i Lëvizjes Besa dhe njëheritë bartësi i listës për deputetë në njësinë 6 nga koalicioni VLEN, Bilall Kasami ka vazhduar sot fushatën në Malin Sharr.
Kasami tha se me Ndryshimin që VLEN, pas 8 majit, në pikat turistike të Tetovës dhe rajonit do të investoj edhe si pushtet qendror dhe turizmi në malin Sharr do të zhvillohet në maksimum.
“Bashkë me Forumin e Gruas dhe rininë e VLEN sot qëndruam në Gurin e Sidollit. Tetova ka natyrë të pasur, vende tepër piktoreske për të cilat kujdesemi që ti ruajmë por edhe ti promovojmë si vende turistike. Po ashtu bashkë edhe me kandidatët për deputetë të zonës zgjedhore 6, takuam numër të madh të qytetarëve të cilët kishin dalë në shëtitje. Ja VLEN që Tetova dhe vendet e saj të ruhen, të vizitohen dhe të jenë perla turistike, të cilat nuk mund të gjinden në asnjë vend tjetër.
Me Ndryshimin që VLEN, pas 8 majit, në pikat turistike të Tetovës dhe rajonit do të investojmë edhe si pushtet qendror dhe turizmi në malin Sharr do të zhvillohet në maksimum!”, ka shkruar Kasami.
Lajme nga vendi
Maqedoni, fillon regjistrimi i nxënësve të klasës së parë për vitin shkollor 2024/25
Në shkollat fillore në vend në muajin maj do të bëhet regjistrimi i nxënësve të klasës së parë.
Prindi ose kujdestari është i detyruar të regjistrojë në shkollë fillore fëmijën që do të mbushë gjashtë vjeç deri në fund të vitit kalendarik.
Përjashtimisht, fëmija mund të regjistrohet në klasën e parë nëse brenda datës 31 janar të vitit pasardhës ka mbushur gjashtë vjeç, pas një kërkese të mëparshme të prindit, pra kujdestarit dhe një mendimi të marrë nga pedagogu ose psikologu në shkollë.
Prindi ose kujdestari ka të drejtë ta regjistrojë fëmijën në shkollën fillore të zonës ku jeton ose banon përgjithmonë. Shkolla fillore është e obliguar të përfshijë nxënës nga zona e saj.
Me kërkesë të prindit dhe nëse ka pëlqim nga shkolla, si dhe vende të lira, fëmija mund të regjistrohet në një shkollë që nuk është në zonën e tij të banimit.
VLEN: Gjykata Administrative e vërtetoi “trenin bullgar” në Komunën e Likovës (DOKUMENT)
Kasami me rininë e VLEN-it në hapësirat turistike të Malit Sharr: Turizmi malor, prioritet i qeverisë së ardhshme
Maqedoni, fillon regjistrimi i nxënësve të klasës së parë për vitin shkollor 2024/25
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve