Connect with us

Lajme nga vendi

Ulet papunësia po, por ulet për shkak të migrimit nga vendi

Published

on

Gjatë vitit që kaloi vërehet një ulje e numrit të të pa punëve në Komunën e Dibrës. Nëse bëhet një krahasim me vitet e kaluara, numri i të punësuarve të rinj është dukshëm më i vogël. Por, duke marrë parasysh edhe krizën ekonomike që erdhi pas pandemisë Kovid 19, mund të thuhet se punësimet janë në nivelin objektiv. Gjatë vitit që kaloi janë realizuar afro 300 punësime, theksojnë përfaqësuesit të njësisë të Agjencisë për Punësim në Dibër. Gjatë vitit 2022, numri i të papunëve në Komunën e Dibrës ishte 2374, thotë udhëheqësi i kësaj njësie në Dibër, Muharem Imeroski.

Sipas tij, në krahasim me vitin 2021, ka një ulje të numrit të të papunëve meqë gjatë vitit kanë qenë të papunë 2640. Duke marrë parasysh situatën e përgjithshme ekonomike në komunën e Dibrës mund të thuhet se punësimi i afro 300 personave është një numër objektiv, thotë Imeroski dhe shton se punësime ka patur si në sektorin e biznesit ashtu edhe në sektorin e arsimit administratës, etj. Po sipas tij, ka patur punësime në sferën e biznesit në përputhje me projektet e Agjencisë për Punësim. Projektet të Agjencisë kanë dhënë rezultate, thotë Imeroski.

Kur bëhen analiza të punësimeve gjatë vitit 2022 duhet theksuar se punësimet kryesisht janë në sferën e administratës, arsimit, por edhe në sferën e biznesit. Pothuajse në të gjithë shkollat fillore dhe të mesme në komunën e Dibrës kanë patur punësime si të kuadrit arsimor ashtu edhe të kuadrit teknik. Në sferën e administratës punësime kanë patur në njësitë të ministrive që funksionojnë në Dibër. Por, duhet potencuar edhe faktin se një numër i theksuar i punësimeve është realizuar në kompani më të suksesshme të vitit 2022 në Dibër “Slice Macedonia”.

Është një kompani, e cila në kontinuitet realizon punësime meqë është një kall qendër që kryesisht punon për tregun amerikan. Investitori i kësaj kompanie, dibrani Ilir Sela, jep një kontribut shumë të madh në punimin e të rinjve të cilët kryesisht janë njohës të mirë të gjuhës angleze. Kompania në fjalë e cila ka njësi në Dibër, Ohër dhe Shkup ka një konkurs të hapur dhe bën punësime shumë domethënëse. Poashtu punësime janë bërë edhe në biznesin e rrjetit tregtar, ndërtimor etj, por në numër minimal.

Kur bëhet fjalë për numrin e të papunëve dhe uljen e numrit të tyre nga viti 2021 në vitin 2022, patjetër duhet theksuar edhe argumentin që një pjesë e të papunëve kanë migruar. Janë të rinj, të cilët duke pritur punë disa vite me radhë, kanë vendosur të braktisin Dibrën dhe të punësohen disa në Shkup, por shumë të tjerë jashtë vendit kryesisht në Itali, Gjermani, Zvicër dhe Austri. /koha/

Advertisement

 

Advertisement

Lajme nga vendi

Komuna e Gostivarit dhe qeveria do të punojnë bashkërisht në përmirësimin e transparencës dhe luftës kundër korrupsionit

Published

on

Vetëqeverisja lokale dhe Qeveria së bashku do të punojnë në përmirësimin e transparencës në punë dhe në përballjen me korrupsionin. Këto janë konkluzionet pas takimit të personit të parë të komunës së Gostivarit, Valbon Limani dhe zëvendëskryeministrit për Politika dhe Qeverisje të Mirë, Arben Fetai.

Në paraqitjen e parë zyrtare dhe vizitën e parë në Komunën e Gostivarit, Fetai foli në gjuhën shqipe dhe deklaratën për mediat që raportonin në gjuhën maqedonase e dha në gjuhën angleze me arsyetimin se nuk mund të shprehej mirë.

“Kemi diskutuar gjithashtu se do të doja të punoja me pushtetin vendor, për të forcuar transparencën, kemi një ligj për qasje në informacione publike që mezi zbatohet. Do të punojmë me komunat që procedurat e tenderit të publikohen dhe të jenë të aksesueshme për qytetarët dhe për kompanitë dhe që të publikohen dhe kontratat që ndahen, në mënyrë që qytetarët dhe kompanitë të dinë se çfarë po bëjnë komunat me paratë e taksapaguesve”, deklaroi zëvendëskryeministri Fetai.

Ushtruesi i detyrës së kryetarit të Komunës së Gostivarit, Valbon Limani theksoi se me zëvendëskryeministrin kanë biseduar për mundësitë dhe aktivitetet që do të ndikojnë në punën e vetëqeverisjes lokale dhe bashkëpunimin me qeverinë.

“Përveç për transparencns, kemi diskutuar edhe për planet vjetore për përballjen me korrupsionin. Ne propozuam gjithashtu vendisjen e një numri telefoni dhe një adrese elektronike për raportimin e rasteve të dyshimta. Presim që të organizohet një diskutim apo forum publik ku do të diskutohet për këtë fenomen dhe do të nxirren konkluzione që do të ndihmojnë në përballimin e kësaj dukurie”, tha Limani.

Advertisement

Zëvendëskryeministrja Fetai ka treguar se i duhet pak kohë për të shqyrtuar situatën dhe për të përcaktuar prioritetet të cilat, siç tha ai, do të vendosen deri në fund të vitit

Continue Reading

Lajme nga vendi

Ngritet kallëzim penal ndaj Besija Iljazit ish drejtoreshës së Klinikës Universitare për Toksikologji

Published

on

MPB ka njoftuar se Më 12.07.2024, Departamenti për luftimin e krimit të organizuar dhe të rëndë, Njësia për korrupsion në bashkëpunim me Departamentin e Policisë Kriminale, ngriti kallëzim penal kundër B.I. (29) nga Tetova, për shkak të dyshimit të bazuar se ka kryer vepër penale “shpërdorim i pozitës dhe autorizimeve zyrtare”, e parashikuar dhe e dënueshme sipas nenit 353, paragrafi 3 dhe paragrafi 1 të Kodit Penal.

E pandehura B.I., në cilësinë e ushtrueses së detyrës së drejtorit organizativ të Institucionit Publik Shëndetësor – Klinika Universitare për Toksikologji, duke tejkaluar autorizimet e saj zyrtare në periudhën nga 14.02.2024 deri më 24.06.2024, me qëllim të sigurimit të përfitimeve të paligjshme pasurore për 17 persona, më 15.05.2024 ka nënshkruar 15 kontrata për punë me 15 persona të cilët ishin të angazhuar në Klinikën Universitare për Toksikologji (dhe persona të tjerë pa bazë ligjore të rregulluar për praninë e tyre në klinikë), pas çka, retroaktivisht, për personat e supozuar të angazhuar për punë, për muajt prill dhe maj 2024 ka lëshuar dy urdhra pagese dhe ka kryer pagesën e kompensimit mujor për angazhimin e supozuar në një shumë totale prej 659,781 denarë me përfshirjen e tatimit personal mbi të ardhurat.

Pagesat e përmendura janë kryer në mënyrë të paligjshme, me çka e pandehura B.I. ka dëmtuar Institucionin Publik Shëndetësor Klinika Universitare për Toksikologji për një shumë totale të pagesave të kryera me tatimin e paguar prej 659,781 denarë.

Sipas të dhënave të lartpërmendura, e pandehura ka kryer veprime zyrtare të cilat nuk duhej t’i kryente, domethënë B.I. ka kryer vepër penale “shpërdorim i pozitës dhe autorizimeve zyrtare” sipas nenit 353, paragrafi 3 i lidhur me paragrafi 1 të Kodit Penal, duke dëmtuar Institucionin Publik Shëndetësor Klinika Universitare për Toksikologji për shumën prej 659,781 denarë.

Continue Reading

Lajme nga vendi

DMSH nënshkroi kontratë me dy pilotët e pensionuar të “Er traktor”, pritet përfshirja e tyre në shuarjen e zjarrit në rajonin e Negotinës

Published

on

Drejtoria për Mbrojtje dhe Shpëtim (DMSH) ka nënshkruar marrëveshje me dy pilotët në pension të “Er traktor” dhe gjatë ditës pritet të përfshihen në shuarjen e zjarrit në rajonin e Negotinës, ka bërë të ditur për MIA-n drejtori i DMSH-së, Bekim Maksuti.

Ai theksoi se dy pilotët tashmë kanë shkuar në aeroport dhe pasi të kenë kaluar procedurat që kërkohen para çdo fluturimi do të drejtohen për në malin Serta në rajonin e Negotinës.

“Kemi nënshkruar marrëveshje me dy pilotët dhe për një kohë shumë të shkurtër do të përfshihen në shuarjen e zjarreve në rajonin e Negotinës. Pilotët tashmë janë rrugës për në aeroport, duhet të kalojnë disa procedura para se të jenë gati për të fluturuar dhe në një kohë shumë të shkurtër do të përfshihen në shuarje”, deklaroi Maksuti për MIA-n.

Drejtori nuk ka dashur të tregojë se për sa rrogë dy pilotët janë rikthyer. Në një bisedë për MIA -në muajin e kaluar, Maksuti tha se për kthimin e dy pilotëve të trajnuar, DMSH-ja kërkon nga Ministria e Financave pagë prej 300 mijë denarë, sepse puna e pilotit në DMSH-së me pagë prej 72 mijë denarë është joatraktive.

Ai shtoi se kontrata është nënshkruar deri në fund të vitit dhe pas skadimit duhet të vendosë Qeveria, sepse, theksoi ai, “është e nevojshme që pagat të shlyhen në nivel shtetëror”.

Advertisement

“Kontrata është nënshkruar deri në fund të këtij viti, do të shohim se çfarë do të vendosë qeveria. Ka ndalesë për konkurse të reja, kështu që sapo të kemi mundësi të rinovojmë konkurset për marrjen e pilotëve të rinj, do ta bëjmë dhe do të shohim nëse ka të interesuar. Para së gjithash, duhet të rregullohet statusi i tyre për sa i përket të ardhurave, është i nevojshëm rregullimi i pagave në nivel shtetëror. Kjo është ende problem, sepse duhet zgjidhur në një nivel më të lartë”, tha Maksuti.

Continue Reading

Më të lexuarat