Lajme nga vendi
Kovaçevski: Mbështetja energjetike nga Turqia është e rëndësishme për ne
Turqia është bërë një qendër e madhe rajonale për ruajtjen dhe dërgimin e gazit natyror, për SHA EMV dhe Maqedoninë e Veriut është e rëndësishme që të ketë një furnizim të besueshëm dhe të qëndrueshëm me këtë energjens, për shkak të nevojave në krizën e energjisë elektrike, dhe veçanërisht në pjesën e krizës me energjinë ngrohëse, dhe presim që në të ardhmen të kemi mbështetje nga Turqia në këtë fushë, deklaroi drejtori i SHA EMV, Vasko Kovaçevski, në takimin e sotëm me ministrin turk të Energjetikës, Fatih Donmez.
Siç informojnë nga EMV, takimi është mbajtur në Qeverinë e Maqedonisë së Veriut.
Kovaçevski e njoftoi ministrin e Energjetikës Fatih Donmez dhe anëtarët e delegacionit me kapacitetet e SHA EMV, prodhimin e energjisë elektrike dhe ngrohëse, si dhe me menaxhimin në kushte të krizës energjetike.
Drejtori Kovaçevski theksoi se është mirë që vendi të ketë mbështetje nga Turqia në kohë të krizës energjetike, e cila ka rritur mundësitë dhe kapacitetet për prodhimin e energjisë elektrike, veçanërisht për furnizimin me gaz natyror.
“Me përfaqësuesit e kompanisë shtetërore turke BOTASH, aktiviteti parësor i së cilës është shitja, shpërndarja dhe ruajtja e gazit natyror, u shkëmbyen informacione dhe përvoja nga veprimtaria e të dyja kompanive, ndërsa gjatë muajit janar do të mbahet një takim i veçantë ndërmjet SHA EMV dhe BOTASH në lidhje me furnizimin me gaz natyror, në të cilin takim do të diskutohet edhe për kapacitetet energjetike, mundësitë e furnizimit me energjensa dhe opsione të tjera për ndihmë dhe mbështetje nga Turqia në fushën e energjetikës”, thuhet në njoftim
Lajme nga vendi
Ambasadori gjerman për REL: Nëse bisedimet në Ohër finalizohen, atëherë shtetet e BE-së që nuk e njohin pavarësinë e Kosovës…
Ambasadori i Gjermanisë në Kosovë, Jorn Rohde, në një intervistë për REL tha se nëse bisedimet mes Kosovës dhe Serbisë, që mbahen sot në Ohër, prodhojnë rezultat ideal, atëherë ai pret që pesë shtetet mosnjohëse të BE-së ta njohin pavarësinë e Kosovës.
Në intervistë, Rohde ka folur edhe për propozimin evropian për normalizimin e marrëdhënieve Kosovë-Serbi dhe ka thënë se njohja reciproke është kyçe në rrugën e këtyre vendeve drejt BE-së.
Kosova dhe Serbia janë të angazhuara në dialog për normalizimin e marrëdhënieve qysh nga viti 2011. Ato kanë arritur dhjetëra marrëveshje, por shumica e tyre nuk janë zbatuar në terren.
Së voni, dy shtetet janë pajtuar në parim për një propozim të BE-së për normalizimin e marrëdhënieve.
Për zbatimin e këtij propozimi, udhëheqësit e Kosovës dhe të Serbisë po bisedojnë sot në Ohër.
Një nga nenet e tij kërkon nga të dyja vendet që t’i zbatojnë të gjitha marrëveshjet e arritura në 12 vjetët e fundit./REL/
Maqedonia e Veriut është vendi më i palumtur në Ballkan, sipas raportit të ri të lumturisë të Institutit Gallup. Në vendin e 87-të nga 137 vende, pranë Maqedonisë së Veriut për nga lumturia janë Venezuela, Kongo dhe Ukraina në vendin e 92-të.
Nga vendet fqinje në Ballkan, Shqipëria është më afër RMV-së në vendin e 83-të, Bullgaria në vendin e 77-të, Bosnja dhe Hercegovina në vendin e 71-të, Greqia në vendin e 58-të, Serbia në vendin e 45-të, ndërsa Kosova është në vendin e 34-të, përcjell Telegrafi Maqedoni.
Raporti është bërë në bazë të sondazheve të ndryshme të kryera në shtetet përkatëse. Janë marrë parasysh gjashtë faktorë, duke përfshirë “Lirinë për të bërë zgjedhje të jetës”, “Perspektivat për një jetë të shëndetshme”, “Bujarinë e njerëzve”, “Perceptimin e njerëzve për korrupsionin”, “Mbështetjen sociale të ofruar nga shteti”, “Prodhimin e Brendshëm Bruto” dhe një faktor të quajtur “Distopia dhe qëndrueshmëria”.
Vendet më të lumtura në botë mbeten Finlanda dhe Danimarka dhe shtetet e tjera baltike apo shtetet në Evropën veriore. /Telegrafi/
Moti sot në Maqedoninë e Veriut do të jetë me diell dhe me vranësira të vogla deri në mesatare, por relativisht i ngrohtë. Do të fryjë erë e dobët nga drejtimi jugor.
Temperatura minimalë do të jetë në interval prej -3 deri në 4, ndërsa ajo maksimale do të arrij prej 17 deri në 21 gradë.
Në Shkup dhe rrethinë moti d të jetë i ngjashëm, me diell dhe me vranësira të vogla deri në mesatare. Do të fryjë dhe erë e dobët nga drejtimi jugor. Temperatura minimale do të ulet në 1, ndërsa ajo maksimale do të arrij në 19 gradë Celsiusë.
Stresi dedikim për prindërit pas fitores së Big Brother VIP Kosova: Kur të gjitha rrugët ishin të mbyllura, dera juaj…
Kriza bankare, banka zvicerane “UBS” ble për 3 mld franga “Credit Suisse”, 10 mijë pushime nga puna
“Bisedime ‘kokë më kokë’ me presidentin rus”/ Analiza e Al Jazeera: A do të arrijë takimi Xi-Putin të ndalojë luftën në Ukrainë!?
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Bashkimi Demokratik për Integrim i “pabashkuar” në aktivitete: “Grupi i zjarrit” sot në Manastir, Ahmeti me ministrat në Çegran
-
Lajme nga vendi7 months ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 months ago
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 months ago
Bashkimi Demokratik për Integrim i “pabashkuar” në aktivitete: “Grupi i zjarrit” sot në Manastir, Ahmeti me ministrat në Çegran
-
Lajme nga vendi7 months ago
Çertifikohet Këshilli komunal në Tetovë
-
Lajme nga vendi7 months ago
Zyra e Avokatit të Popullit në Tetovë sot do të jetë e hapur
-
Lajme nga vendi7 months ago
Mijallkov duhet të fillojë vuajtjen e dënimit në burgun e Strugës
-
Lajme nga vendi2 months ago
Nga mesnata çmime të reja të derivateve të naftës
-
Lajme nga vendi7 months ago
Gjendet makina e vjedhur në Tetovë, arrestohet autori