Connect with us

Lajme nga vendi

Përdorën drogë, përjashtohen 5 nxënës të Tetovës

Published

on

“Kemi bërë hulumtime pas raportimeve të policisë se janë kapur nxënës me lëndë narkotike dhe janë gjithsej pesë nxënës. Tre prej tyre janë të viteve të treta, një është viti i katërt dhe një është viti i parë dhe stafi pedagogjik i shkollës ka shqiptuar masat konform statutit të shkollës, pra nxënësit janë përjashtuar”, informon drejtori i shkollës së mesme “Nikolla Shtejn”

Urim HASIPI

Tetovë, 28 dhjetor – Pesë nxënës janë përjashtuar nga shkolla e mesme e mjekësisë për shkak se tek ata është gjetur lëndë narkotike. Masat pedagogjike janë ndërmarrë pas konstatimit se të njëjtit janë kapur në ambientet shkollore me marihuanë, ndërsa edhe pse njëri prej tyre ka ankimuar vendimin e shkollës, megjithatë stafi pedagogjik nuk është tërhequr nga vendimi i mëparshëm. Këtë e ka bërë të ditur Binas Pajaziti, drejtor i shkollës së mesme të mjekësisë “Nikolla Shtejn” në Tetovë. “Kemi bërë hulumtime pas raportimeve të policisë se janë kapur nxënës me lëndë narkotike dhe janë gjithsej pesë nxënës. Tre prej tyre janë të viteve të treta, një është viti i katërt dhe një është viti i parë dhe stafi pedagogjik i shkollës ka shqiptuar masat konform statutit të shkollës, pra nxënësit janë përjashtuar. Kemi pasur një ankesë nga vetëm një nxënës në Këshillin e shkollës dhe Këshilli i shkollës e ka konfirmuar vendimin e mëparshëm”, tha Pajaziti.

Kohëve të fundit është rritur dukshëm bashkëpunimi ndërmjet policisë dhe shkollave të mesme për të parandaluar përdorimin e lëndëve narkotike nga ana e nxënësve. Ky bashkëpunim është rritur edhe me kërkesë të Sektorit për arsim në Komunën e Tetovës me qëllim që ky fenomen të mos del jashtë kontrollit. Problemet janë se, edhe jashtë oborreve shkollore, ka përdorim të lëndëve narkotike, shkruan  KOHA.

“Është pak komplekse, sepse tendenca për përdorimin e lëndëve narkotike është një problem më i madh, sepse ka të bëjë me institucionet tjera si policia e kështu e me rradhë. Ne i bëjmë të gjitha procedurat e rregullta, marrim masa parandaluese, mirëpo rastet e konfirmuara kohëve të fundit dëshmojnë të kundërtën, sepse arrijnë të infiltrohen në mënyra të ndryshme. Është një fenomen në rritje dhe duhet të gjithë, shoqëria së bashku me institucionet, ta luftojnë këtë dukuri” , tha drejtori Pajaziti. Në këtë drejtim, rol të rëndësishëm duhet të luajnë edhe prindërit. Sipas psikologëve, prindërit duhet që vazhdimisht të mbajnë nën kontroll fëmijët se çka mbajnë në xhepa dhe në çantat shkollore, sepse në të kundërtën mos kontrolli ndaj fëmijëve çon të njëjtit në rrugë devijuese. Me rëndësi është që prindërit të kenë kontroll se edhe me kë shoqërohen fëmijët e tyre. “Padyshim që duhet të shtohet kontrolli i prindërve duke filluar nga ajo se çka ka në çantë fëmija kur shkon në shkollë dhe kur kthehet nga shkolla. Gjithçka duhet të jetë nën kontroll, prindërit me fëmijët duhet të bisedojnë lirshëm, të jenë më të afërt, sepse askush nuk është më i afërt se prindërit”, thotë Nora Kasa-Veseli, psikologe.

Advertisement

Psikologët thonë se kur kujdestarët e nxënësve vërejnë çrregullime dhe sjellje jo të zakonshme tek nxënësit, të njëjtit thirren në bisedë, por kjo nuk mjafton, sepse duhet një bashkëpunim më i madh mes institucioneve që kjo dukuri të largohet nga shkollat.

Advertisement

Lajme nga vendi

Prej nesër fillon ulja e temperaturave, pritet shi i rrëmbyeshëm dhe bubullima

Published

on

Moti nesër do të jetë i ndryshueshëm me vranësira, nga orët e mesditës me paqëndrueshmëri, në disa vende me shi të rrëmbyeshëm dhe bubullima. Lokalisht proceset do të jenë në formë të motit të ligë me shi të rrëmbyeshëm intensiv, erë të fuqishme dhe kushte për paraqitje të breshrit, paralajmërojnë nga Drejtoria për Punë Hidrometeorologjike.

Nga DPHM shtojnë se përgjatë Vardarit përkohësisht do të fuqizohet erë veriore deri veriperëndimore.

Të enjten paqëndrueshmëria do të ulet dhe veçanërisht paradite do të ketë kushte për paqëndrueshmëri të izoluar lokale, ndërsa do të vazhdojë të fryejë erë e fuqishme veriore përgjatë Vardarit dhe në pjesët lindore. Temperatura e ditës do të bie dhe më freskët do të jetë të enjten dhe të premten.

Në Shkup nesër mot i ndryshueshëm me vranësira dhe i paqëndrueshëm me shi të përkohshëm dhe bubullima, ndërsa në disa pjesë të luginave me paraqitje të stuhisë afatshkurte.

Në rast të paraqitjes së shkarkimeve elektrike nga DPHM rekomandojnë kujdes më të madh, të mos qëndrohet në vende të hapura dhe nën drunj të vetmuar.

Advertisement
Continue Reading

Lajme nga vendi

VETURA ME TARGA ZVICERANE GODITI PËR VDEKJE BIÇIKLISTIN NË TETOVË DHE IKU NGA VENDI I NGJARJES

Published

on

MPB Maqedoni njofton se dje një banor i fshatit Xhepçisht ka denoncuar se babai i tij, i cili lëvizte me biçikletë në një rrugë të Tetovës, është goditur nga një automjet me targa zvicerane dhe si pasojë ka ndërruar jetë

Nga MPB thonë se personi i cili e ka goditur biçiklistin është larguar nga vendi i ngjarjes, përcjell Telegrafi Maqedoni.

“Me datë 22.07.2024 në ora 11:20 në SPB Tetovë, Xh.M (44) nga fshati Xhepçisht i Tetovës ka denoncuar se me datë 20.07.2024 në ora 11:20 në rrethrrotullimin ndërmjet rrugës “Ivo Lola Ribar” dhe rrugës “Bllagoja Toska”, automjeti i pasagjerëve “xhip” me targa kombëtare zvicerane ka goditur babain e tij, i cili ka qenë me biçikletë Z.M (67) nga fshati Xhepçisht, pas çka është larguar nga vendi”.

“Në goditja, biçiklisti ka pësuar lëndime të rënda, të cilat janë konstatuar në Spitalin Klinik të Tetovës, e më pas për shkak të lëndimeve të rënda është transferuar në Kompleksin klinika “Nënë Tereza” në Shkup, ku ka ndërruar jetë”, thonë nga MPB.

Sipas udhëzimeve të prokurorit publik është kryer kontroll nga një ekip inspektues nga SPB Tetovë dhe po ndërmerren masa për zbardhjen e rastit.

Advertisement
Continue Reading

Lajme nga vendi

Dogana e Maqedonisë: Janë sekuestruar cigare, veshje dhe motoçikleta

Published

on

Gjatë javës së kaluar, doganierët kanë parandaluar disa tentime për kontrabandim të mallrave të ndryshme, prej ku janë sekuestruar përkohësisht cigare, rroba, automjete dhe gjësende të tjera.

Siç kumtuan sot nga Drejtoria Doganore, është parandaluar tentim për kontrabandim të 114 pako cigareve pa pulla akcize, të markës Karelia dhe pesë pako cigare me pulla bullgare të akcizës, të markës Sobranie, që janë kapur në Aeroportin Ndërkombëtar të Shkupit gjatë kontrollit të çantave të udhëtimit të një shtetasi nga RMV-ja, i cili synonte të udhëtonte për në Londër.

“Pas denoncimit nga shërbimi i sigurisë së aeroportit se pasagjeri ka bagazhe të rënda, doganierët kanë bërë mbikëqyrjen e detajuar të valixhes së tij, gjatë së cilës janë gjetur cigaret e padeklaruara. Cigaret janë ndalur përkohësisht, ndërsa kundër pasagjerit do të fillojë procedimi penal”, kumtuan nga Dogana.

Drejtoria e Doganave ka paraqitur kallëzim penal për kontrabandë me 52 fustane, të zbuluara gjatë kontrollit të një automjeti kosovar të drejtuar nga një shtetas i Kosovës, i regjistruar për hyrje në vend në vendkalimin kufitar “Bllacë”.

“Drejtuesi i automjetit fillimisht nuk është ndalur në kontrollin doganor, por pas reagimit të doganierëve është kthyer mbrapsht dhe më pas është bërë kontrolli i detajuar. Në të njëjtën kohë, fustanet e padeklaruara janë gjetur në tre çanta të përziera pas sediljeve të pasme dhe dy qese të vendosura nën sediljen afër drejtuesit të cilat janë mbajtur përkohësisht”, shtohet në kumtesën.

Advertisement

Ndër të tjera janë zbuluar 350 bluza me mëngë të shkurtra nga ekipet mobile doganore me skaner gjatë kontrollit të një automjeti kosovar, i drejtuar nga një shtetas turk, i cili është paraqitur për dalje nga shteti në vendkalimin kufitar Bllacë. Produktet e padeklaruara, për të cilat shoferi tha se ishin blerë në Turqi, por nuk dispononte asnjë dokument, u gjetën në një çantë udhëtimi dhe disa qese plastike të vendosura në sediljen e pasme dhe në bagazh. Bluzat janë ndalur përkohësisht, ndërsa ndaj drejtuesit të automjetit do të ketë procedim penal.

“Automjeti Ford Fiesta 1.4 TD me targa regjistrimi sllovake, me të cilin shtetas i Maqedonisë pa vendbanim të rregulluar jashtë vendit, është regjistruar për hyrje në shtetin 2/2 në vendkalimin kufitar Jazhincë. Për faktin se në automjet nuk ndodhej pronari i automjetit, shtetas sllovak, drejtuesi i automjetit ka bërë kundërvajtje doganore, pra është sjellë sikur automjeti të ishte lëshuar në qarkullim të lirë. Automjeti është konfiskuar përkohësisht, ndërsa kundër drejtuesit të automjetit do të fillojë procedurë penale”, theksohet në kumtesën e Drejtorisë doganore.

Gjithashtu janë zbuluar 9 mjete motorike të përdorura (katërçikleta, motoçikleta dhe skuterë), 4 karroca elektrike, 42 altoparlantë të përdorur, 21 goma të përdorura, 1 frigorifer i përdorur, 1 njësi për kondicioner e përdorur, 35 mbajtës metalik të përdorur dhe 1 pishinë gome, me vlerë totale prej rreth 2,3 milionë denarë, të zbuluara nga ekipet mobile doganore, gjatë kontrollit të mallit me origjinë nga Zvicra i deklaruar për doganim importues në njësinë doganore në Shkup.

Continue Reading

Më të lexuarat