Lajme nga vendi
Hekurudhave i kthehet rryma, borxhi do të paguhet më vonë nga shteti, as Klinika nuk do të ngelet pa rrymë
Hekurudhat Transport të RMV SHA Shkup në mesditë sërish ka rrymë, pasi në mëngjes EVN-ja për shkak të borxhit për faturat e pa paguara i ka shkëputur nga rrjeti objektet e kompanisë shtetërore hekurudhore në depon në Lisiçe të Shkupit dhe në Veles.
Informacionin se sërish ka rrymë e konfirmuan nga HRMV Transport, prej ku thonë se ndërprerja e furnizimit me rrymë nuk reflekton në zhvillimin e komunikacionit hekurudhor, edhe pse ka ekzistuar një rrezik i tillë duke e pasur parasysh se rryma u nevojitet për pompat e naftës.
Zëvendëskryeministri për çështje ekonomike, Fatmir Bytyqi, paraprakisht në deklaratë për media paralajmëroi se Hekurudhat do të kenë rrymë dhe ritheksoi se borxhi ndaj EVN-së për faturat e papaguara të institucioneve të caktuara shtetërore do të shlyhet menjëherë sapo në Kuvend do të kalojë transferimi i paralajmëruar i mjeteve nga Buxheti.
Sipas tij, nuk duhet kurrfarë garancie tjetër se kjo do të realizohet, sepse tashmë e kanë paralajmëruar kryeministri Dimitar Kovaçevski dhe anëtarët e tjerë të qeverisë.
“Mendoj se tani në këtë moment në “Hekurudhat Transport” ka rrymë. Qeveria nuk është as palë kontraktuese dhe as palë obligative e EVN-së dhe nëse EVN-ja nuk e kupton se qeveria këtu nuk është palë që jep garanci, atëherë EVN-ja realisht e ka problem me interpretimin e funksionimit të tyre në vendin tonë. Kryeministri, zëvendëskryeministri dhe ministri i Financave thanë se borxhet ndaj EVN-së do të paguhen dhe kjo mjafton që çdo operator ekonomik të kuptojë se është qeveria dhe shteti dhe se nuk nevojiten garanci të tjera”, tha kryeministri Bytyqi në përgjigje të pyetjes së gazetarëve se pse deri më tani Qeveria nuk i ka dërguar garanci EVN-së se do ta shlyejë borxhin, pasi në mëngjesin e sotëm ishte ndërprerë rryma në “Hekurudhat Transport”.
EVN-ja ka dhënë afat deri më 15 të këtij muaji në shumë institucione ta paguajnë borxhin për energjinë e shpenzuar elektrike, ndër të cilat janë edhe Qendra klinike dhe “HRMV Transport” dhe të tjera.
Nuk do të shkyçet rryma në Qendrën klinike, pohon Kovaçevski
Në Qendrën klinike nuk do të shkyçet rryma, deklaroi sot kryeministri Dimitar Kovaçevski, duke shtuar se në “HRMV Transport” rryma tani duhet të jetë e kyçyr.
Kovaçevski tha se shpreson se deputetët dhe Kuvendi do të jenë ekspeditivë dhe do të votojnë për ridedikim të mjeteve që të mbulohen llogaritë e mbetura për rrymë të institucioneve shtetërore.
“Me rishpërndarjen e fundit të Buxhetit, Qeveria ka paraparë mjete. Ajo u dërgua në Kuvend dhe sa të bëhet rishpërndarja e mjeteve, pasi kjo është detyrë e Kuvendit, atëherë parashtresat adekuate të Buxhetit do të mund të financohen dhe të paguhen faturat e borxhlinjëve. Këtu ju pyetët për Qendrën klinike dhe për insticionet tjera në Ministrinë e Shëndetësisë, si dhe për Hekurudhat. Sa të miratohet rishpërndarja në Kuvend, atëherë menjëherë do të mund të paguhen edhe faturat nga ana e Qeverisë”, tha Kovaçevski, duke iu përgjigjur pyetjes së gazetarëve në konferecën e sotme për shtyp në Qeveri.
Sipas tij, një pjesë e institucioneve realisht kanë problem me pagesa të rrymës, pasi çmimi është rritur për dhjetë herë, ndërsa ndikim ka pasur edhe kriza me Kovidin. Një pjesë e drejtorëve të institucioneve, janë ndërruar, thotë Kovaçevski, por ai këtë nuk e ka bërë, siç tha, në mënyrë pompoze si disa kryeministra më herët.
Paradite është shkyçur rryma në “HRMV Transport” SHA në deponë në Lisiçe të Shkupit dhe në objektet në Veles, për shkak të borxhit për rrymë ndaj “EVN Maqedoni”. Sipas informatave të fundit, “EVN Maqedoni” kërkon nga “HRMV Transport” mbi 400 milionë denarë për energji elektrike.
EVN u ka dhënë afat disa institucioneve që deri më 15 të këtij muaji të paguajnë borxhet për energjinë e konsumuar elektrike, përfshirë Qendrën Klinike dhe “HRMV Transport”, e të tjera.
Kreu i Aleancës për Shqiptarët, Arben Taravari i cili është larguar nga koalicioni VLEN pasi vendosi të shkojë në zgjedhje lokale ndaras, ka pranuar se ka realizuar bisedë me kreun e BDI-së Ali Ahmeti. Në një intervistë për Lajm ai thotë se takim nuk ka pasur, por është dëgjuar me të në telefon.
Takim me Ali Ahmetin a keni pasur apo prisni të keni?
“Jo, jo, jo. Ka pasur një bisedë telefonike dhe ajo është…”, deklaroi Arven Taravari, kryetar i ASH.
Televizioni Alsat që në fillim të muajit prill raportoi për një bisedë telefonike 40 minutëshe mes Taravarit dhe Ahmetit, e cila sipas burimeve tona ka bërë që Taravari të lëkundet në bindjet, që deri dje i mbronte me aq fanatizëm ndaj BDI-së. Disa herë, Taravari përmendi që partia e tij ka kanale komunikimi me BDI-në, por edhe sinjale për bashkëpunim në zgjedhjet lokale. Madje, duke relativizuar se edhe partitë tjera të VLEN-it kanë kontakte. Ndaj kësaj, mori përgjigje të ashpër nga Lëvizja Besa, Lëvizja Demokratike, Alternativa dhe përfaqësuesi i Lëvizjes Vetëvendosje se nuk kanë asnjë arsye për të komunikuar me një parti të korruptuar, funksionarët e të cilës janë në lista të zeza.
Biseda telefonike është realizuar pikërisht në kohën kur Aleanca për Shqiptarët do të duhej të vendoste për mënyrën e garimit në zgjedhjet lokale, për çka Taravari disa herë përsëriti se ekzistojnë dy opsione për të garuar në zgjedhje. I pari, të garojnë së bashku me VLEN-in dhe i dyti të garojë vetëm si ASH, që në këtë rast nuk do të përjashtohej mundësia për të bashkëpunuar në komuna të caktuara me BDI-në.
Lajme nga vendi
MPB: Gjatë festave të Pashkëve fotografimi për dokumentet personale do të bëhet pa termin
Ministria e Punëve të Brendshme, në pritje të festave të Pashkëve, njofton se sot të gjitha Seksionet për Çështje Administrative pranë Departamentit për Çështje Administrative të MPB-së, përveç Sektorit për Çështje Administrative Shkup, do të punojnë nga ora 08:00 deri në ora 16:00.
Departamenti për Çështje Administrative Shkup, ose më saktë njësitë e tij organizative, sot do të punojnë me këtë orar:
Pika e kontrollit pranveror dy ndërrime nga ora 7:30 e mëngjesit deri në 19:30;
Postblloku i “RTMV” dy ndërrime nga ora 7:30 deri në 19:30, dhe me të njëjtin orar do të funksionojnë edhe pikat e kontrollit në “Beko” dhe Gjorçe Petrov.
Pikat e kontrollit në Draçevë dhe Butel do të funksionojnë me një turn nga ora 10:00 deri në ora 18:00.
Ministria e Brendshme njofton qytetarët se fotografimi për dokumente personale do të bëhet pa caktuar termin dhe dhënia e dokumenteve do të bëhet në vazhdimësi.
Lajme nga vendi
Më shumë se 1000 propozime për ndryshimin e emrave të rrugëve dhe shkollave në Tetovë
Përskaj nismës së ndryshimit të emrave të rrugëve, në Tetovë janë shtuar kërkesat edhe për ndryshimin e emrit të disa shkollave. Individë të sektorit të arsimit thonë se disa emra të shkollave, madje nuk kanë asnjë domethënie as simbolike dhe as historike për qytetarët. Nga gjithësej pesë shkolla të mesme katër prej tyre kanë emra që nuk përkojnë me siç është rasti i shkollës së mjekësisë Nikolla Shtejn.
“Ato pak të dhëna që ne i kemi nuk themi dot se janë të sakta thjeshtë ka qenë një infermier partizan që as nuk është nga shteti ynë e as nuk lidhet diçka me vendin tonë. Meqë edhe jemi shkolla më e madhe në vend shpesh kemi kërkesa nga prindër e nxënës se përse shkolla nuk merr një emër që do lidhej qoftë me Tetovën qoftë me ndonjë personalitet të mjekësisë”, tha Malësore Ramadani, drejtoreshë e SHMK “Nikolla Shtejn”.
Kërkesa të këtilla ka pasur edhe në shkollat tjera.
“Në kuadër të Komunës së Tetovës funksionojnë pesë shkolla të mesme nga të cilat vetëm njëra nga to ka emrin “7Marsi” ndërsa katër të tjerat kanë emra të periudhës së komunizmit dhe realisht sipas kërkimeve që kemi bë për një shkollë që quhet Nikolla Shtejn, nuk ka të dhëna as në google apo mjete tjera kërkimore”, tha Nazmi Dauti, sektori për Arsim Tetovë.
Nisma të ngjashme për ndërrim të emrave të shkollave fillore dhe të mesme ka pasur disa herë, por shkaku i mungesës së kohezionit politik në pushtetin lokal, ndryshimi i tyre, gjithnjë ka dështuar.
Problemi me emrat e shkollave po hapet në të njëjtën kohë kur procedura për ndryshimin e emrave të rrugëve në Tetovë është në fazën e debatit publik. Numri i propozimeve të dorëzuara në dy debatet e fundit publike ka arritur në 1050. Edhe pse sot duhej që të mbahet debati i tretë publik, debati është anuluar për javën e ardhshme, shkaku i festës së Pashkëve. Zëdhënësi i komunës Albion Alili për Alsat thotë se procedura zhvillohet pa përplasje.
“Pas debateve komisioni do të vlerësojë propozimet dhe biografitë e emrave të propozuar dhe do veprojë për emërtim të tyre. Realisht komisioni po punon në formën e paraparë dhe do veprohet. Nuk ka ndonjë përplasje siç plasohet në opinion, gjithëçka shkon si duhet”, u shpreh Albion Alili, zëdhënës i komunës së Tetovës.
Për momentin nuk ka ndonjë afat konkret se sa procedura do të zgjasë. /Alsat.mk
BE: Është thelbësore për Kosovën ta formojë shpejt Qeverinë e re
Taravari konfirmon bisedën telefonike me Ahmetin
MPB: Gjatë festave të Pashkëve fotografimi për dokumentet personale do të bëhet pa termin
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve