Connect with us

Lajme nga vendi

Vazhdojnë protestat e transportuesve privatë të autobusëve

Published

on

Transportuesit privatë të autobusëve edhe sot vazhdojnë me protestat përmes bllokadave në disa prej pikave kryesore në komunikacionin e kryeqytetit. Sipas deklaratave të deritanishme nga ana e tyre, ata nuk do t’i mënjanojnë autobusët derisa nuk përmbushen kërkesat e parashtruara për pagesë të borxhit që e kërkojnë nga Qyteti i Shkupit. Paralajmëruan se bllokadat mund të zgjerohen në më shumë pika në komunikacionin e Shkupit.

“Siç paralajmëruam, sot autobusët janë parkuar dhe do të jenë këtu derisa të mos ketë përparim të gjendjes, përkatësisht të mos na thirrin në bisedime dhe të dakordohemi për dinamikën e pagesës së borxhit të mbetur, të vazhdojnë pagesat e së dielës në mënyrë që të mund të kyçemi në linjë, e tërë kjo me qëllim që të mos pësojnë qytetarët”, deklaroi dje Kemal Muriq nga “Slloboda prevoz”.

Gjatë ditës së djeshme, përmes kumtimit në rrjetet sociale, “Slloboda prevoz” u kërkoi falje qytetarëve të Shkupit për lëvizjen e penguar në qytet.

Qytetarët ndërkohë, ishin të detyruar të gjejnë alternativa në komunikacion, por, për shkak të tollovisë së shtuar nëpër rrugët dhe bulevardet alternative, pati pengesa në pjesën më të madhe të rrugëve në kryeqytet, përderisa disa qytetarë zgjodhën të udhëtojnë me biçikleta, trotinetë, apo në këmbë drejt destinacioneve të veta.

Drejtori i “Slloboda prevoz”, Lenin Jovanovski, në deklaratë për mediumet tha se bllokadat e transportuesve privatë në Shkup vazhdojnë gjithnjë derisa nuk ulen në tryezë me kryetaren e Qytetit, Danella Arsovska dhe të mos gjendet zgjidhje adekuate ligjore.

Advertisement

Ai kërkoi edhe nga institucionet e tjera të kyçen në gjetjen e zgjidhjes për këtë problem dhe paralajmëroi se është e mundur zgjerim i caktuar i protestave.

Kumtoi se edhe në “Slloboda prevoz” dje ka arritur njoftimi për shkëputje të kontratës me Qytetin e Shkupit, ndërkaq në pyetjen e MIA-s nëse nga unanimitet nga ana e transportuesve privatë se nuk do t’i përgjigjen thirrjes, Jovanovski u përgjigj se askush prej tyre nuk do të paraqitej, duke e ditur se Qyteti tashmë u ka borxh para.

Përfundoi se transportuesit privat mbeten të vendosur në protesta, nëse nevojitet do t’u bëjnë thirrje edhe fëmijëve të tyre, me qëllim që të arrijnë tek kryetarja e Qytetit dhe ajo të shohë se nuk kanë t’u sigurojnë shujtë adekuate për në shkollë.

Qyteti i Shkupit dhe kryetarja e Qytetit Arsovska dje nuk dolën me qëndrim ndaj protestave dhe kërkesave të transportuesve privatë të autobusëve.

Kryeministri DImitar Kovaçevski, nga ana tjetër, akuzoi se kaosi që po i ndodhë kohëve të fundit Qytetit të Shkupit, është, siç tha, vetëm për shkak të paaftësisë dhe interesave të biznesit të VMRO-DPMNE-së dhe kryetarit të tyre, Hristian Mickoski.

Advertisement

Ministri i Punëve të Brendshme, Oliver Spasovski, ndërkaq, bëri thirrje të ulen dhe të bisedohet me ata të cilët protestojnë, ndërkaq, siç theksoi, qytetarët të mos jenë pengje të subjekteve politike.

Transportuesit privatë të autobusëve kërkojnë nga Qyteti i Shkupit të shlyhet borxhi ndaj dy kompanive, i cili në tërësi paraqet mbi 90 milionë denarë, sepse, siç thonë, nuk kanë mjete për funksionim të mëtutjeshëm për shkak të mungesës së parave.

U.d. drejtori i Ndërmarrjes publike të qarkullimit – Shkup, Aleksandar Stojkovski, javën e kaluar në intervistë për MIA-n tha se borxhin e ka trashëguar dhe se duhet të shlyhet. Por, njëkohësisht përmendi se sipas analizave të fundit, transportuesit privatë në pesë vitet e fundit nuk kanë paguar, përkatësisht nuk kanë detyruar kurfarë bileta, ndërkaq kjo, siç tha, është obligim i tyre, sipas nenit 5 të kontratës mes NPQ dhe transportuesve privatë.

Advertisement

Lajme nga vendi

Komuna e Gostivarit dhe qeveria do të punojnë bashkërisht në përmirësimin e transparencës dhe luftës kundër korrupsionit

Published

on

Vetëqeverisja lokale dhe Qeveria së bashku do të punojnë në përmirësimin e transparencës në punë dhe në përballjen me korrupsionin. Këto janë konkluzionet pas takimit të personit të parë të komunës së Gostivarit, Valbon Limani dhe zëvendëskryeministrit për Politika dhe Qeverisje të Mirë, Arben Fetai.

Në paraqitjen e parë zyrtare dhe vizitën e parë në Komunën e Gostivarit, Fetai foli në gjuhën shqipe dhe deklaratën për mediat që raportonin në gjuhën maqedonase e dha në gjuhën angleze me arsyetimin se nuk mund të shprehej mirë.

“Kemi diskutuar gjithashtu se do të doja të punoja me pushtetin vendor, për të forcuar transparencën, kemi një ligj për qasje në informacione publike që mezi zbatohet. Do të punojmë me komunat që procedurat e tenderit të publikohen dhe të jenë të aksesueshme për qytetarët dhe për kompanitë dhe që të publikohen dhe kontratat që ndahen, në mënyrë që qytetarët dhe kompanitë të dinë se çfarë po bëjnë komunat me paratë e taksapaguesve”, deklaroi zëvendëskryeministri Fetai.

Ushtruesi i detyrës së kryetarit të Komunës së Gostivarit, Valbon Limani theksoi se me zëvendëskryeministrin kanë biseduar për mundësitë dhe aktivitetet që do të ndikojnë në punën e vetëqeverisjes lokale dhe bashkëpunimin me qeverinë.

“Përveç për transparencns, kemi diskutuar edhe për planet vjetore për përballjen me korrupsionin. Ne propozuam gjithashtu vendisjen e një numri telefoni dhe një adrese elektronike për raportimin e rasteve të dyshimta. Presim që të organizohet një diskutim apo forum publik ku do të diskutohet për këtë fenomen dhe do të nxirren konkluzione që do të ndihmojnë në përballimin e kësaj dukurie”, tha Limani.

Advertisement

Zëvendëskryeministrja Fetai ka treguar se i duhet pak kohë për të shqyrtuar situatën dhe për të përcaktuar prioritetet të cilat, siç tha ai, do të vendosen deri në fund të vitit

Continue Reading

Lajme nga vendi

Ngritet kallëzim penal ndaj Besija Iljazit ish drejtoreshës së Klinikës Universitare për Toksikologji

Published

on

MPB ka njoftuar se Më 12.07.2024, Departamenti për luftimin e krimit të organizuar dhe të rëndë, Njësia për korrupsion në bashkëpunim me Departamentin e Policisë Kriminale, ngriti kallëzim penal kundër B.I. (29) nga Tetova, për shkak të dyshimit të bazuar se ka kryer vepër penale “shpërdorim i pozitës dhe autorizimeve zyrtare”, e parashikuar dhe e dënueshme sipas nenit 353, paragrafi 3 dhe paragrafi 1 të Kodit Penal.

E pandehura B.I., në cilësinë e ushtrueses së detyrës së drejtorit organizativ të Institucionit Publik Shëndetësor – Klinika Universitare për Toksikologji, duke tejkaluar autorizimet e saj zyrtare në periudhën nga 14.02.2024 deri më 24.06.2024, me qëllim të sigurimit të përfitimeve të paligjshme pasurore për 17 persona, më 15.05.2024 ka nënshkruar 15 kontrata për punë me 15 persona të cilët ishin të angazhuar në Klinikën Universitare për Toksikologji (dhe persona të tjerë pa bazë ligjore të rregulluar për praninë e tyre në klinikë), pas çka, retroaktivisht, për personat e supozuar të angazhuar për punë, për muajt prill dhe maj 2024 ka lëshuar dy urdhra pagese dhe ka kryer pagesën e kompensimit mujor për angazhimin e supozuar në një shumë totale prej 659,781 denarë me përfshirjen e tatimit personal mbi të ardhurat.

Pagesat e përmendura janë kryer në mënyrë të paligjshme, me çka e pandehura B.I. ka dëmtuar Institucionin Publik Shëndetësor Klinika Universitare për Toksikologji për një shumë totale të pagesave të kryera me tatimin e paguar prej 659,781 denarë.

Sipas të dhënave të lartpërmendura, e pandehura ka kryer veprime zyrtare të cilat nuk duhej t’i kryente, domethënë B.I. ka kryer vepër penale “shpërdorim i pozitës dhe autorizimeve zyrtare” sipas nenit 353, paragrafi 3 i lidhur me paragrafi 1 të Kodit Penal, duke dëmtuar Institucionin Publik Shëndetësor Klinika Universitare për Toksikologji për shumën prej 659,781 denarë.

Continue Reading

Lajme nga vendi

DMSH nënshkroi kontratë me dy pilotët e pensionuar të “Er traktor”, pritet përfshirja e tyre në shuarjen e zjarrit në rajonin e Negotinës

Published

on

Drejtoria për Mbrojtje dhe Shpëtim (DMSH) ka nënshkruar marrëveshje me dy pilotët në pension të “Er traktor” dhe gjatë ditës pritet të përfshihen në shuarjen e zjarrit në rajonin e Negotinës, ka bërë të ditur për MIA-n drejtori i DMSH-së, Bekim Maksuti.

Ai theksoi se dy pilotët tashmë kanë shkuar në aeroport dhe pasi të kenë kaluar procedurat që kërkohen para çdo fluturimi do të drejtohen për në malin Serta në rajonin e Negotinës.

“Kemi nënshkruar marrëveshje me dy pilotët dhe për një kohë shumë të shkurtër do të përfshihen në shuarjen e zjarreve në rajonin e Negotinës. Pilotët tashmë janë rrugës për në aeroport, duhet të kalojnë disa procedura para se të jenë gati për të fluturuar dhe në një kohë shumë të shkurtër do të përfshihen në shuarje”, deklaroi Maksuti për MIA-n.

Drejtori nuk ka dashur të tregojë se për sa rrogë dy pilotët janë rikthyer. Në një bisedë për MIA -në muajin e kaluar, Maksuti tha se për kthimin e dy pilotëve të trajnuar, DMSH-ja kërkon nga Ministria e Financave pagë prej 300 mijë denarë, sepse puna e pilotit në DMSH-së me pagë prej 72 mijë denarë është joatraktive.

Ai shtoi se kontrata është nënshkruar deri në fund të vitit dhe pas skadimit duhet të vendosë Qeveria, sepse, theksoi ai, “është e nevojshme që pagat të shlyhen në nivel shtetëror”.

Advertisement

“Kontrata është nënshkruar deri në fund të këtij viti, do të shohim se çfarë do të vendosë qeveria. Ka ndalesë për konkurse të reja, kështu që sapo të kemi mundësi të rinovojmë konkurset për marrjen e pilotëve të rinj, do ta bëjmë dhe do të shohim nëse ka të interesuar. Para së gjithash, duhet të rregullohet statusi i tyre për sa i përket të ardhurave, është i nevojshëm rregullimi i pagave në nivel shtetëror. Kjo është ende problem, sepse duhet zgjidhur në një nivel më të lartë”, tha Maksuti.

Continue Reading

Më të lexuarat