Lajme nga vendi
Zbulohen një sërë parregullsish/ Raporti revizor për punën e MPB-së
Enti Shtetëror për Revizion bëri kontroll në raportet financiare të Ministrisë së Punëve të Brendshme për llogarinë e buxhetit bazë për vitin 2020, bashkë me revizion të përputhshmërisë.
“Me revizionin e bërë për vitin 2020, dhamë mendim me rezervë për vërtetësinë dhe objektivitetin e raporteve financiare dhe për përputhshmërinë e transaksioneve financiare me rregullativën përkatëse ligjore, udhëzimet dhe politikat e përcaktuara.”- thonë nga Enti Shtetëror i Revizorit.
Është konstatuar se të hyrat nga lëshimi i pasaportave, letërnjoftimeve, patentë shoferëve, lejeve të qarkullimit, targave dhe formularëve të tjerë nuk janë evidentuar sipas bazës mbi të cilën janë realizuar, thuhet në raportin revizor.
Revizorët rekomandojnë që të instalohet një evidencë analitike e të ardhurave sipas bazës mbi të cilën janë realizuar dhe të vendoset një mekanizëm kontrolli për ndjekjen e pagesave të bëra dhe formularëve të lëshuar.
“Në vitin 2020 është vendosur një mënyrë e porositjes së drejtpërdrejtë të targave nga SPB, pa lidhur kontrata individuale për porosinë mes Ministrisë dhe bartësit të prokurimit. Gjatë zbatimit të procedurës së prokurimit publik për përpunim dhe dorëzim të targave, nuk është siguruar konkurrencë e mjaftueshme ndërmjet operatorëve ekonomikë dhe nuk është vendosur ndjekje e prokurimeve sipas sasive.”- pohojnë nga Enti Shtetëror i Revizorit.
Për disa nga llogaritë e kontrolluara, EShR gishtin për përgjegjësinë ua drejton dy ministrave të të Punëve të Brendshme, Oliver Spasovskit dhe Naqe Çulevit./lajmpress.org/
Lajme nga vendi
Tetovë, interesim I lartë për vaksinim
Vaksinimi kundër gripit sezonal ka nisur sot dhe zhvillohet në 36 loakcione të vendit. Janë siguruar 70 mijë doza, ndërsa 32 mijë qytetarë janë paraqitur për vaksinim.Në Qendrën për Shëndet Publik në Tetovë shihet një interesim i madh i qytetarëve për t’u vaksinuar.Bllagorodna Mishkovska mjeke në Qendrën për Shëndet Publik në Tetovë thotë se, vaksinimi po zhvillohet pa pengesa, ndërsa tregon edhe arsyet pse duhet vaksinuar.Sipas saj, nëse ka interesim më të madh do të sigurohen doza shtesë. “Sikurse viteve të kaluara edhe këtë vit kemi një interesim të shtuar për vaksinim.Të gjithë qytetarët e interesuar aplikojnë në portalin vakcinacija.mk, pra bëhet fjalë për grupet e rrezikuara dhe marrin sms termin se kur të vijnë të marrin vaksinën. Janë siguruar vaksina për pesë grupet e rrezikuara, të sëmurit kronikë, personat e moshës mbi 60 vjeçare, puntorët shëndetësorë, fëmijët deri në moshën 5 vjeçare dhe gratë shtatzëna.Për të gjithë këta, Ministria e Shëndetësisë ka siguruar vaksina pa pagesë.Qendra për Shëndet Publik në Tetovë, deri më tash ka siguruar 1700 doza të vaksinës kundër gripit sezonal” thotë Bllagorodna Mishkovska mjeke në Qendrën për Shëndet Publik në Tetovë Nga Qendra për Shëndet Publik thonë se vaksinimi mbron pacientët kundër gripit sezonal dhe ka nivel të lartë të imunitetit, por edhe nëse infektohen simptomat janë më të vogla dhe gripi kalohet më lehtë. Ministria e Shëndetësisë njofton se të gjithë të regjistruarit do të marrin porosi SMS për datën, orën e saktë dhe vendin ku duhet të paraqiten për vaksinim. Mjekët apelojnë që të gjithë qytetarët që janë pjesë e pesë grupeve të rrezikuara, në kohë të marrin vaksinën dhe të mbrohen nga viruset e ndryshme gjatë periudhës së ardhshme. / TV KOHA/
Lajme nga vendi
Visar Ganiu : Fëmijët ma rregulluan ditën që në mëngjes
Lajme nga vendi
Miratohet ribalansi I buxhetit të komunës së Tetovës
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve
You must be logged in to post a comment Login